اشلون جدولك برمضان فيدي واستفيدي

اختى فين صلاتك للتراويح فين قيامك الليل انتى ذكرتى الاكل وشغل البيت والنت والتلفزيون خساره تضيعى وقتكم على النت والتلفزيون فى رمضان هذى راى وتقبليه منى انا عن نفسى النت والتلفزيون ممنوعين فى رمضان ماعدا ساعة الافطار افتح اى قناه دينيه استفيد وترفيه فى نفس الوقت واشكرك

هلا اختي مشكوره ع النصيحة الحلوة

بس انا التلفزيون عندي ولله الحمد مافيه غير القنوات الدينيه وبس
يعني مسلسلات افلام وغيره ما فيه ابدا لافي رمضان ولا غيرة

انا مانزلت الموضوع الا لأني ابي استفيد وافيد غيري عشان ننظم اوقاتنا برمضان ونتفرغ للعبادة

اما عن قيام الليل الحمد لله اقوم صحيح ما اطول بس اهم شيء اقومه ولو بركعه

وشكلك ما قريتي الموضوع عدل

عموما نورتي اختي

هلا اختي تفااحة سماوية .. تسلمين على الموضوع ماشاء الله رمضان قرب و الهمة كلما مالها تزيـد ..
والمهم ان الوحدة منـا تعوض الي فاتهااا والي قصرت فيه برمضان الي فات .. عاد شوفي الحزن وضيقة الخلق لما يقولون ان باجر العيد أحس أني ما شبعت من رمضاااااان ..

من ناحية العبادات :
الحمدلله رب العالمين تعودت أني أختم القرآن مرة أو أكثر طبعا على حسب ظروف الدورة ... هالسنة نويت بإذن الله أني اختمه 3 مرات ويارب أقدر .. المهم اني حطيت لي هدف وابي احققه

كل خميس أو جمعة أطبخ أكل نوزعه على المساجد كإفطار للصائم وأعود عيالي انهم بنفسهم ياخذون الاكل و يودونه للمسجد عشان تصير عادة عندهم ولا يقطعونهاااا ..
طبعا هذا غير مشروع افطار الصائم الي نحرص على المشاركة فيه مع اللجاان الخيرية .. ماتتصورون اشلون الناااس تتسابق بالمشاركة بالمشروعات هذي لدرجه ممكن مانلاقي أحد يستقبل تبرعات لاطعام الصائم ماشاء الله ..

أحرص على السنن .. ما اروح المساجد صلاتي كلها بالبيت التراويح و القياااام و الحمدلله
" صلاة الليل مثنى مثنى فإذا خشي أحدكم الصبح صلى ركعة واحدة توتر له ما قد صلَّى " .

الادعية والاذكار هذي لازم .. اطبعها على اوراق اذا كانت من النت و اخذها معاي وانا بالمطبخ ولا قبل ما انام
كثر ما اقدر

أعمالي اليومية :
بيكون شي جديد علي أول مرة ما تكون عندي شغالة بس ان شاءالله اقدر انظم وقتي ترتيب و كوي وغسل ملابس بالنهار و تنظيف بالليل
التلفزيون أنسااه مااتابعه وايد كلشي ملحوق عليه إلا الايام الفضيلة هذي .. و إبليس الفضائيات يشتد برمضان حسبي الله ونعم الوكيل فيهم ... ماتابع شي الا حزة الفطور او وقت السحور يعني وقت الراحه

سفرتناا وحدة للفطور و وحدة للسحور .. وبعد صلاة التراويح يكون للحلى و القهوة والشاي
والسحور الحمدلله اما اكون مجهزته مع اكل الفطور او يكون بواقي الفطور وسلطات .. الحمدلله مايحبون الا الخفايف للسحور

وعندنا يوم نتجمع فيه مع الاهل كل اسبوع اتعب يوم ..


وتقريبا هذا رمضاااانا :)

وعلى فكرة احنا بشهر فضيل شهر شعبان
وهو من الأشهر التي لها فضل عظيم حيث ورد في الحديث الحسن. أن النبي صلي الله عليه وسلم كان يكثر الصوم فيه. فلما سألوه عن ذلك قال: "ذاك شهر بين رجب ورمضان يغفل الناس عنه. ترفع فيه الأعمال. وأحب أن يرفع الله عملي وأنا صائم " .

فإذا كان أول الأعمال في رمضان للسنة الإيمانية للعبد صياماً وقياماً وتلاوة للقرآن. وتحرياً لليلة القدر.. ونهاية هذه الأعمال شهر شعبان. فنجد أن أول السنة طاعة وآخرها طاعة.. فالعبد يقبل بإذن الله عند ربه وهنا يتبين حرص النبي عليه الصلاة والسلام علي الطاعة...

وحبيت أرفق لكم جداول احتفظت بهااا من النت تعينكم على ختم القرآن الكريم سواء برمضان أو غيره من الشهووور ..
وان شاءالله راح ابتدي من الحين ودي اختم بشعبان على الاقل مرة .. من تبدا معاي؟

مشكورة صاحبة الموضوع

بس حبيت اقولك يالغلا جدولك ناقص كثيير
راح اقولك:

اولا النهار طويل ماشاء الله يعني الى 1 الظهر بالكثيير يكفي نوم

حاولي تقومي قبل عيالك بساعة توضي وتسنني واقراي قران الين يصحون او ياذن الظهر
صلي الظهر وادخلي المطبخ وجهزي وفي نفس الوقت فطري عيالك
وشغلي اذعة القران فيها براااااامج مررررة رووووعة
ولاتنسي خلي لسانك رطب بذكر الله
صلي العصر ورتبي البيت سريع واذا قدرتي اقراي قران
بعد الفطور ريحي شوي وشطبي عالمطبخ
قبل العشاء حممي عيالك ونوميهم
وصلي التراويح واقراي قران كلها علىبعض ساعة وصحيهم عشان ينامون بدري

اقولك على شي خلي مصحف عندك في المطبخ واقري دايما

الله يعينك ترى انا بعد عندي عيال وحركيييييييين مررررة الله يصلحهم بس الواحد يجاهد نفسه

اتمنى ماتزعلي من كلامي بس لااااازم تضغطي على نفسك ترى العمر يخلص والشغل مايخلص
اهم شي صحائف اعمالنا وش فيها؟