اشهر واطيب الأكلات السورية من تحتدياتي بالصور

السلام عليكم ورحمة الله وبركاته اخواتي

انا من زمان وانا حابة اني نزلموضوع بهل القسم بس كنت اتكسلن وهلق قررت اني اعملكن ملف كاملعن الاكلات السورية المعروفة والغير معروفة والمنقرضة كمان او النادرة الطبخ بالصور ومن مطبخي بالتمنى انو الموضوع يتثبت لانو رح نزل تقريبا كل يومين طبخه ***** الله بالشرح واستنى منكم اخواتي التطبيق وارآكم حول الطبخة واذا حبيتوها او لأ

بس اكيدرح تحبوها ماحدا مابيحب المطبخ السوري


ورح نبلش اليوم بإذن الله بأكلت الشيش برك وهي أكتر أكلة مشهورة بالشام بعد المحاشي طبعا


طبعا انا مابعرف كيف بنزلوا الصور بالموضوع ف رح نزلهن بالمرفقات بعد المقادير وطريقة العمل


نبدأ بالمقادير:


بسم الله ...... العجينة: 3كاسات طحين - م صغيرة ملح- ربع فنجان زيت طبخ - 1كاس ماء دافئ
الحشوة: نصف كيلوا لحم تقريبا انا افضل العجل لأنو أقل دهون - بصلة مفرومة ناعمة
رشة ملح ورشة فلفل حسب الرغبة - جرزة كزبرة مفرومة ومنقوعة بالماء والملح والخل مشان التعقيم

المرق: 1كيلوا ونصف لبن روب - 4 ملاعق ونصف كبيرة نشاء - انا أحط لكل كيلولبن 3 ملاعق نشاء
رشة ملح


نبدأ العمل : أول شي منحضر العجينة لأنها بدها ترتاح نصف ساعة منعجن جميع المقادير مع بعض حتى تصبح العجينة ملساء ومتجانسة بعدين منغطيها بقطعة قماش رطبة لمدة نصف ساعة

الحشوة : نحمس البصل واللحم بدون اضافة الملح والفلفل حتى لا يخرج ماء البصل واللحم لانو بدنا الحشوة ناشفة اذا فيها ماء بتفتح العجينة باللبن وبعد مانحمسهن ويستوا منحط الكزبرة ومنخلي شوي للزينة ونسيت حط بالمقادير شوية صنوبر منكون محمصينهن من قبل ونحطهن آآآآآآآآآآآآخر شي حتىيبقى مقرمش


اللبن : منخلط اللبن والنشاء والملح كتير منيح قبل مانحطهن ع الغاز في ناس بيحطوا بيضة مشان ما يفرط اللبن انا مابحب حطها بحسها مابتعمل فرق ولازم نضل نحرك اللبن ومانتركوا ابدا ع النار بدون تحريك حتى ما يلزق او يفرط بعد هيك وقت بيلش يطلع فقاقيع منحط الماء انا بحط للكيلوا اللبن كاسين ماء يعني منحط 3 كاسات ماء وهلق فينا نتركوا يغلي لحالوا

في هل الوقت منرق العجينة ومنقطعها بالقطاعة الدائرية الصغيرة في ناس بيحبوا يعملوها بغطاء علبة البيبسي وناس بالكاس انا بحب الحجم اللي بالنص موضح بالصور بعدين منحشيومنسكر ومنسقط باللبن ومنتركها تغلي تقريبا 20 دقيقة ومندوق لنتاكدانها استوت وبعدين منسكبها لتبرد وصحتين وهنا

بتمنى انكن تجربوها وتحبوها وادعولي يكون اللي ببطني صبي آآآآآآآآآآآآآآآآآمين