السلام عليكم ورحمة الله وبركاته
كيفكم بنات آه مقهورة لي فوق ساعة اكتب وطار الموضوع يالله راح اعيده وان شاء الله يعجبكم
المهم:
اتمنى الموضوع يكون خفيف عليكم وياليت أي وحدة عندها اقتراح أوتعليق بدون تجريح تضيفه
1_إذاصحيتي الصبح وجهزتي الفطور لزوجك وملابسه النظيفة وحطيتي الفطور لزوجك اجلسي معاه افطري حلولما تقابلينه على الوجبة وافتحي سالفة خفيفة تضحك زوجك في البعض يقول انه ساكت مايسولف بطبيعة الرجال مايسولف كثر الحريم انتي ابدئي مرة مرتين ثلاث لمابعدين يتعود ويصيرهو يسولف صدقيني عن تجربة زوجي اذا ركبنا السيارة والاغلب يعرف مشاوير الرياض طويلة من الزحمة والمسافات دايم انا ابدأ و(لالالالالالالالالالالالل)هذي بمامعناه سالفة والقى تعليق بسيط منه وانا قاعدةاسرد شطولها والقى كلمة كلمتين منه اويكتفي بامممممممم :hahaha: شسويت لمااركب السيارة مااسولف طبعا بعدماعودته مايمديني اسكر باب السيارة الاقلت عشرين سالفة هههههههه امزح قصدي انادايم ابدأ صار كذامرة يبدأ هويسولف شفتوا المهم سولفي على الفطور موقف يضحك مثلا صار لواحد من اولادك وهو ماكان موجود او خليك ذكية وشوفي وش يميل له مثلا افلام سولفيله عن مقطع من فيلم كوميدي او مثلا يحب الكورة ذكريه بمباراة فريقة اي شي اي سالفة قوليها بس موتروحين على هالصبح ابي اروح للسوق اذاجيت من الدوام ولاشفت فلانة زوجها وش جاب لها ايه مومثلي اناماتذكرني بشي وماتجيب لي تلقينه يقولك من الليل حطي ملابس نظيفة ولاتعبين حالك وتسوين افطر بالدوام تلقينه يبي يرتاح من طلباتك ومن سوالفك هالصبح تعوفينه حياته وانتي مستانسة مايبي يتعبني ولا في احد يعاف اكل مرته انا إذا زوجي قاهرني اقهره بذي السوالف اردله وحدة بوحدة هههه بس مودايم
2_الروتين حاولي قدماتقدرين ماتخلين حياتك روتينية راح تكتبئين تعرفي على جارات اوغيري مثلا شغلة فبيتك لاتقولين التغييريحتاج فلوس ومايعطني زوجي اويبيله ميزانية والله لماتفكرين زين راح تلقين عندك اشياء كثيرة والله عن تجربة انااقولك ولاتنسين نفسك خصصي وقت لنفسك لونص ساعة ريحي حالك فيها سوي شغلة تحبينها
3_زي ماقلت حاولي تبعدي عن الروتين شكلك شعرك موعلى طول تصبغين تخربين شعرك مرة ترفعيه مرة تسوين شعرك على جنب تغييرات بسيطة ماتكلف عليك شي والارواب ارواب بيت مرة روب عليه ورود مرة مقلم يعني غيري البسي بيجامات الوانهافرايحي التغيير حلوتأثيره على النفس فيه شغلات كثيرة سهلة وتأثيرها حلوعلى حياتك
إن شاءالله يعجبكم الموضوع وفي عندي كذا نقطة راح اضيفهم بس بعد ماتقولولي وش رايكم اكمل ولااقضب الباب
شكرالمن منحت هالموضوع دقائق وقرأته
4_نصيحة كثري مسجات ترى المسج بربع ريال بكل وقت والله لهاتأثير اسهل من كلمة احبك مافيه ترا لها تأثير عجيب
بيني له انه على بالك واستمري كم يوم وشوفي لاترسلين شوفيه فقدك إذا فقدك خلاص استمري بالمراسلة وإذا مافرقت معاه رجلك مابه طب هههههه امزح تلاا الزوج على ما عودتيه صدقيني
يتبع الصفحة 2
يلزم عليك تسجيل الدخول أولًا لكتابة تعليق.
الصفحة الأخيرة
وفعلا فكره السوالف بالسياره << انا وياه ناخذ رحتنا فيها بحكم سكنا مع اهله