اصبحت جسد بلا روح بعد الطلاق..

السلام عليكم اعضاء هل المنتدى الرائعهذي اول مشاركه لي وحبيت احط قصتي لتكون عظه وعبره ..واتمنى بعد ما تقراو تدعو لي بالصبر والعوض خير وبالزوج الصالح انا تطلقت من كم يوم وبابشع طريقه ممكن تتخيلوها وجرحي ليسه طري ومابرا واكتب قصتي ودموعي على خدي من شده الالم والقهر..بدايه انا تزوجت من ٥ سنين من ولد خالتي...خالتي اي احد يشوفها يقول طيبه وعلى نياتها بس الي يعاشرها كانك عايش مع شيطان مو بشر .طبعا اكتشفت معدنها بعد ما عاشرتها واتزوجت ابنها قبل ما كانت كذا ابد بالعكس كانت تحبني واختارتني انا لاكون زوجه ابنها الوحيد ..خالتي تجنن على ابنها وتخاف عليه من الذره.وابنها ما بان القناع الحقيقي الا بعد ما جا الفاس بالراس ودمرني وبسببهم الان اعاني انواع العذاب بعد الطلاق ولد خالتي اول ما خطبني كان طيب ومرح يتميز بخفه الدم وابتسامته الرائعه حصل اعجاب بينا وبعدها قرر يجي يخطبني .كنت متردده بسبب انه وحيد امه بس بحكم انه خالتي كانت تحبني وكانت جدا متامله اتجوز ابنها صليت استخاره ووافقت وقلت حبها لي ما يمكن تاذيني(طيبتي ودنتي بداهيه) .ضلينا كم سنه مخطوبين لين يكمل دراسته بالجامعه ويلقى شغل وياسس نفسه وبعدها حددو موعد الزواج واتجوزنا وسافرت للبلد الي مقيمين فيه وعشت مع اهل زوجي بنفس البيت بحكم انه وحيد وما يقدر يترك اهله وخالتي رافضه يعيش لوحده ورضيت اسكن معاهم لاني اتوهمت وانخدعت بالطيبه الزايده فيهم ..زوجي كان شخص فيه كل الصفات الي اي بنت تتمناها وسيم.ومرح.وظيفه كويسه..عقليته منفتحه وحبينا واتعلقنا ببعض كثير بعد زواجنا بسنتين علاقتنا بدات تصير فيها المشاكل كاي ازواج وعانيت من خالتي انواع الذل والتحكم والسيطره اتغيرت معاملتها معي لدرجه وصلت معاها تدخل وتخرج من غرفتي بكيفها تفتح الكبت والادراج تتاكد من نظافه غرفتي اطبخ بكيفها تتجسس عليا كل مره اتكلم فيها بالتلفون خصوصا اهلي..لما نسافر لاي بلد اجازه تعمل مشاكل..تحسدني وتغيير مني ..ياما حاولت توقع بينا المشاكل وزوجي مثل الخروف يسمع لها ووصلت معاها تقنعه يطلقني بس هو رفض معرفش ايش الي غيرها علي بس هي كانت كذا من زمان بس لاته تحسدني وتغير مني لانه ابنها صار يحبني كثير ويدلعني ويعملي الي ابي وهي كرهتني (اذا هي كذا ليش زوجته! بتعرفو بعدين) ..حاولت اتحملها عشان زوجي لانه قال اتحمليها واكسبيها عشاني ما كنت اشتكي له بالي تعمله فيني كنت اكتم عذابي منها وكنت كل ما اقول لها لا تروح تشتكي لزوجي اني ما اسمع الكلام واعاندها وافرض نفسي عليها بس قدامي كانت تعمل نفسها بريئه والملاك وبسببها كان زوجي يتاخر خارج عشان ما قدر يتحمل مشاكلنا انا وامه مع اعني ما كنت اشتكي وهي كانت تفور وتنفخ وعلاقتنا اتوترت بسببها عانيت من زوجي اقهر والعن شي ممكن المراه ما تتحمله الا وهي الخيانه والغدر المتكرر اكتشفت انه راعي بنات وكان واعد بنت يتزوجها وكان بيتركني ايام الخطبه عشانها بس ما صار نصيب لانه ربي عالم اني طيبه ولطف فيني وانفصلو عن بعض عرفت طبعا بعد ما فتشت جواله القديم ولاحظت تغيره معي ونحف واهتمام بنفسه .طليقي كان اسوء صفاته الكذب و العصبيه لدرجه ممكن يكسر اي شي قدامه .واجهته بعد ما اتحملت وصبرت بس زادت خياناته قلت لا لازم اوقفه عند حده واجهته ونكر وطلب السماح وفرصه وعديت مره واثنين وثلاث بعدها قلت خلاص اذا انت راعي بنات روح صيع وطلقني بس رفض ووعدني يترك هذا الشي وانه بس علاقات عاديه وانه مش عايز يخسرني ..تخيلو اتحمله ولا اتحمل امه !!!مرت ٥ سنين من زواجنا وقررت بعدها اسافر لعند اهلي ازورهم (بسبب الحرب ببلدي انحرمت اشوفهم ٣ سنين)بلغت زوجي كان متحمس وقالي خذي راحتك واقعدي كم شهر اذا عايزه وانا بذي الفتره بحسن وضعنا المادي ودور شغل احسن من شغلي كان قبل ما اسافر اي طلب طلباتي اوامر ودلع وغزل ووووو ..سافرت لعند اهلي ولاحظت بعد ما مر شهرين من سفري تغير زوجي..ماعاد يتواصل معي زي اي زوج مشتاق لزوجته واتهاون بمصاريفي وبعدها تخيلو الصدمه انقطع عني وما صار يكلمني هجرني بالشهور ..حاولت اتواصل معه ارتجاه اقوله ليه تعملني ليه..انا ايش عملت غلط !!وما كان مايرد ابد بلغت امه تقول انا ما كنت عارفه وايش صار بينكم قلت لها مافي شي بينا هو انقطع عني فجاه وهجرني ومقصر معي بحقوقي اهلي استغربو ليه قاعده معاهم شهور كنت اكذب واعدي عشانه واحاول القى طريقه ارجع فيها(انا عايشه ببلد فيها حرب والمطارات مغلقه والطرق البريه خطره) وزوجي استغل وضع البلد وهجرني وما عاد قلي امتى راجعه طننشششش..وماعندي فلس ارجع اسافر واهلي وضعهم المادي سيئ وماقدرت ادبر اهلي بعدها حاولو يتواصلو معه بعد ما حسو في شي ..للاسف ماكان يرد على ابوي ..ابوي انقهر وقلي زوجك شكله باعك برخيص وسفرك لانه مايبك خلاص..تخيلو مرت سنه كامله معلقه لا انا مزوجه ولا مطلقه تحت ظلم زوجي.. كنت طول مده سنه ادعي اتوسل يرجع بس مع الاسف مافي رد منه ..ابي قال خلاص اطلبي الطلاق لو كان يبيك كان رجعك من زمان وما طنشنك وكمان مايصرف عليك كنت احاول اعطي فرص له عشان يرجع بس مافي فايده ..ماقدرت ادافع عن زواجي من طرف واحد ..ابي بلغ خالتي وخالتي قالت ماتدري ايش حصل وابنها ليه يعمل كذا.. وهي كذابه عاجبها !ابي بالاول ما اتسرع عشان يعطيهم فرصه كم شهر وبلغهم ويخيرهم يا ارجع بكرامه يا يطلق..وكلم خالتي وخالتي مع الاسف طنشت مثل ابنها ولا ردو خبر وابي قال خلاص اقتنعي بالطلاق لانه لو كان رايدك كان رد وانا سلمت امري لله وانقهرت وبكيت واسودت الدنيا بوجهي .وابي طلب الطلاق واغراضي بس برضه طنشو كم شهر ..انا تعبت من الانتظار ومن تصرف زوجي وقلت اتنازل واكلمه ..كلمته بكل ادب واخلاق اني احبه واعشقه وما اتخيل حياتي من دونه (انا معودته على الاحترام ولا مره غلطت بحقه) بكل وقاحه وبدون ذمه وضمير رسلي ورقه الطلاق (طلقني غيابي) من دون تعويض واتخيلو الصدمه تاريخ الطلاق كان قبل كم شهر يعني ايام ما قلنا لهم فكرو !!!!! يعني طلقني من قبل فتره ومنتظر تجي من عندنا الطلاق وبعدها زوجي قال طلقتك مثل ما تبين وبعدها الحقير عملي بلوك عشان ما اوصله حتى ما قالي كلمتين تجبر بخاطري ...طبعا اجالي هبوط ودخت واهلي قالو احنا كنا متوقعين منه هذا الشي وانت ما تفهمي اسعفوني وكنت بروح فيها بسبب الصدمه ..واكتشفت بعد العذاب والشهور والانتظار والسنين الي عشته معاه (اكتشفت بطريقتي كل وساخته) انه معاه عشيقه كان يخوني معاها من زمان ظل معاها سنتين ..اكتشفت انه حياته وانا مسافره كله سفريات وصياعه لانصاص الليالي ..وانه يلعب بفلوسه لعب ومع عشيقته ..وامه كانت داريه بالطلاق وساكته وما بلغتنا الا لما انا كلمت يعني بالمختصر هي كانت من ضمن الاسباب الي خلت زوجي يطلقني بجانب انه معاه عشيقه ..طبعا لو تسالو ليش خالتك اخترتك انتي بالذات عشان ابنها(انا اتمتع الحمدلله بالجمال واخلاق والكل يمدح فيني والحمدلله ماني مقصره مع ربي من صلوات وعباده وقراه قران ووووو) وكمان انا مو راعيه مشاكل وطيبه حيل وخالتي استغلت صفاتي عشان تعرف تتسلط علي والي العن انه زوجتني عشان تعقل ابنها الصايع ويجلس بالبيت زوجي كان عنده ارشيفات بالحشيش والكحول وعلاقات مع بنات هو اعترف لي قبل ما نتخطب بس حلف انه تاب عشاني ..وغير انه مقصر مع ربه ما يصلي وامه قررت تزوجه لعل وعسى يتغير مع المسؤليه..وهذا مافهمته الا بعد ما اكتشفت الحقاره وجى الفاس بالراس اكتب لكم قصتي بعد ما تعرضت لالعن واسوء انواع العذاب واسوء نهايه زواج طلاق مفاجئ ومن دون سبب !! ..رماني برخيص عشان عشيقته وطلب امه ونزواته وانانيته تعرضت للغدر والخيانه من اقرب ناس لي زوجي الي كنت معتبرته دنيتي وخالتي الي اعتبرتها امي الثانيه انا ضحيه زواج تجربه لشخص ما يخاف ربه ..اتخيلو كل الي صار بينا كان كذب كذب عليا من حب وسفريات وطلعات كله كذب وهو اصلا مش مقتنع فيني من ورى ظهري لانه امه اختارتني له هو حبني فتره وبعدها بسبب انه بعيد من ربه واناني اختار نزواته واعتبرني غلطه بحياته..سفرني لانه كان ناوي يطلق وامه عارفه ..تخيلو الجرم والظلم !!! حبيته من كل قلبي صبرت عليه وعلى امه سامحت نزواته واغلاطه بس بالنهايه رماني رميه الكلاب هو وامه اعذروني على الاطاله واتمنى قصتي تكون عبره وعظه وكل بنت تنتبه باختيارها وما تنخدع وتفتح عينها وعقلها..ممكن القريب يطعنك قبل الغريب!!فانتبهو ولا تغركم الحب والغزل والكلام المعسل ..حب بافعال مو كلامبالنهايه اتمنى تدعو لي بالصبر على الي اعيشه الان تعبانه وبموت من القهر لاني تطلقت ظلم ومن دون سبب وانا ما غلطت بشي .. وما بقول غير حسبي الله ونعم الوكيل فيهم والله ينتقم منهم على الي عملوه فيني ..وربي يعوضني عقد نيتي وطيبتي معاهم (اللهم اجرني في مصيبتي واخلفني خيرا منها)