لا إله إلا الله

وعليكم السلام


اذا تزوجتي راح تنتقلين للسكن في بيت زوجك اللي مكتوب بإسمه وانتي بتكونين مثل الضيفه او الشريكه بالمجهود وفي أي لحظه ممكن تنتهي مدة ضيافتك او شراكتك وتخرجين على الحديده ..

وواجبه كزوج خلال هذي الفتره ينفق على البيت وعلى الزوجه اللي اخذها من بيت اهلها معززه مكرمه وبشرع الله استحل فرجها واستأمنها على بيته واطفاله وشاركته الحياه وقامت ببيته من طبخ ونفخ وكرف وحمل ورضاعه وتربيه وتدريس ... الخ هذي اسباب اشوفها كافيه انه شرعاً واجب عليه ينفق عليها حتى لو كانت غنيه وعندها ملايين .
واذا هي متنازله عن مصروفها الشخصي فهي حره ومحد يجبرها تاخذ حتى بالشرع لها حق تتنازل من طيب خاطر

الموضوع مو بس مصروف شخصي لانه في بيت واطفال وفواتير وامور كثير تتعلق ببيت الزوج واطفاله غير مصروف الزوجه وصعب جداً ان الأم اللي ماعندها وظيفه ومتفرغه للتربيه والبيت انها تصرف على نفسها .

ومثل الرد اللي قبل ترى اغلب المتزوجات اللي عندهم وظايف يصرفون على انفسهم وحتى على البيت احياناً مو شرط كل ما احتاجو فلوس يطلبون من الزوج ، الاغلبيه من الموظفات مكتفين بإن الزوج يصرف على البيت والاطفال ومخصص مبلغ شهري للبيت يعطيه الزوجه وهي بكيفها تصرفه على الاطفال وعلى نفسها اذا احتاجت . . وراتبها لها .

اللي احنا ضده ونحاربه هو ابتزاز الزوج لزوجته مادياً واعتماده الكلي على فلوسها ويمكن يحملها قروض وديون وتجلس طول عمرها بحسره وقهر وذل وفقر ..

اكبر غلط ان الزوجه تاخذ دور الزوج وتحمل عنه المسؤليه وتخليه مثل العزوبي لانها بتعيش طول عمرها مستنزفه عاطفياً ومادياً الى ان توصل مرحلة الانفجار ..

كلامك غريب عجيب كيف تقولين اطلب من ولد النااااس خير ان شاء الله ولد الناس هذا هو المكلف بالمصروف والنفقة وش اللي ذل وإهانة واذا تبغين الكلام اللي بالمنطق والمفروض انه الحاصل ان انا وانتي اللي خالفنا فطرتنا وطلعنا من بيوتنا من الصبح ونرجع مهدود حيلنا اننا في بيوتنا معززات مكرمات وولد الناس اللي يصرف وانا متكية بس مقابل اني خرجت من البيت خلاص اشيل نفسي ومتطلباتي اما عيالة يصرف الله لا يهينة الصح في وادي وانتي في وادي والله امرك عجيب

واجب الزوج يصرف على زوجته لا فيها منة ولا عزة نفس ولا كرامه ولا مذله

صاحبة الموضوع عندها كبرياء وتحب تعز نفسها وشكلك انسانه طموحه حتى انا اكره اطلب احد ولو اطلب اطلب بادب بس عشان ماني موظفه مجبوره اطلب ومن تزوجت نادرا اطلب من احد غير زوجي بس زوجي لازم اطلبه ع الراتب مصروف