اصوله تعالي ياعمري انتي سألتيني عن الصوره اللي في توقيعي :42:
هذا ياطويلة العمر قصه طويله قلت لا زم افتح لها موضوع جديد واعلم البنات فيها .
هذا ياطويلة العمر شفت البنات كل وحده رازتن في توقيعها صوره حلوه قلت يابنت ورى
ماتسوين مثل البنات والله مير يشور علي عقلي قلت مع الخيل ياشقرا لازم اسوي
مثل البنات ، والطش لك ثوب وشماغ ابو الشباب ونظارته الشمسيه واحطها في كيس وامشي لأقرب
مشغل قلتها الله يخليك سويلي مكياج وكحل حق السوق لأنه عندنا في الرياض
منتشر البنت اللي بتروح للسوق وعيونها طالعه في اللثام :55: تسوي كحل سوق ،
المهم وتسويلي ذاك الكحل اللي يهبل ، واطلع من عندها على أقرب دورة مياه نسائيه
وابدل والبس ثياب التنكر والله لا يوريك كيف كان شكلي الثوب طويل ووسيع ومهرفل علي ونظاره شمسيه في عز الليل شكل تحفه
المهم يوم جيت اخرج من دورة المياه النسائيه إلا ومعارضني ثنتين من الحريم
يوم شافني متلثمه:55: وطاقه النظاره وطالعه من قدامهن في هيئة رجل قامن يصااااااااارخن:06: ويصيحن حرامي حرامي
ووطيلك رجلي رررررررررركض بغيت اطيح في الشارع ما اشوف زين الدنيا ظلام بسبب النظاره ، المهم ووقف ذاك الليموزين
ويطالع فيني بأحتقار شكله مستغرب يقول وش ذا الخكري اللي شكله غلط ، ويقول على وين يأخ قلته الله لا يهينك على اقرب مصور ، ويوديني لأقرب مصور ويوم جيت عند ذاك المصور
قلت له يالله بسرعه صوره وراي شغل قام المسكين لقطني صوره4 6x كأني بدخل الجيش
المهم وارضى بنصيبي وآخذ صويرتي واطلع من عنده واوقف الليموزين الثاني
ويطلع لي ذاك الشايب وياطالعني من فوق لتحت قال ابك ذا الخكري من وين الله حذفه علي
قلته ياعم توديني المجمع الفلاني قال بدون نفس اركب واركب في المرتبه الخلفيه
ويعطيني ذيك الدروس في سبل الثوب ولأكمام الطويله و وتقليد الغرب مادرى اني أقلد البنات
واترزز قدامهن في المنتدى ولا كان غير شكل الدروس ، المهم ويوم مشى قلته الله يخليك
وقف ابي دورة المياه عاد انا ابي اتخلص من ملابس التنكر المهم ويوقف قلتله لا توح
خمس دقايق وراجعه التفت غيرت قلت راجع قال طيب وانا عمك واروح لدورة مياه الرجال
ويوم دخلت لقيت ذاك الهندي هو الثاني استغرب شكلي قال باب انه في ثوب يطيه في مويه ،
والله حاله حتى الهندي نقد علي المهم و ادخل بكيسي واغير ملابس التنكر هالحين جت المصيبه
كيف اطلع من حمام الرجال وانا حرمه قلت يابنت اصبري لين الهندي يخلص غسيل وطلعي
وانتظر وانتظر لين راح يوم جيت اطلع إلا واحد داخل واللطع مره ثانيه لين حسيته سكر الباب
واطلع ركض على العم اللي باليموزين ومن غبائي ركبت بسرعه بدون ما استأذن
قال على وين يا أخت قلت على البيت الله يخليك قال دوري غيري انا موعداً لي رجالاً هنيا
دخل دورة المياه وللحين ماطلع عاد انا او مره اكون فيها ذكيه قلت أيييييييييييه هذاك
انا شفته قبل ما اجيك ركب مع ليموزين ثاني ، تغير شكل الشايب قال افااااااا والله ماتوقعتها
منه على انه خكري وخبيل والقط ياكل عشاه يعني راحت علي الأجره ؟ قلت له ما عليك
ياعم انا اعطيك أياها بس اهم شيء وصلني والله مير يوصلني للبيت يوم جيت ابو الشباب
إلا هو مولع نارhttp://www.lakii.com/vb/images/smilies/1.gif وادخل سيده واشيل ثياب التنكر حقتي ملابسه المهم قلت له يالله روح ياللصالحيه
والا العليا ابي سكنر ابي أكشخ لقيت صوره حلوه عند بنت جيرانا وانا اكذب قال خلي بكره
عاد انا :44: انقهرت تعبي كله يتأجل لبكره المهم شافني حزينه قال ولا يهمك الليله السكنر
عندك وافرح :32: ويوم جابه واجلس لك اركب الصوره وازبطها وادخل على أقرب موقع
لتحميل الصور واشكي له حالتي والله مير يوافق ابن الأجواد ويستضيفني ويحط لي الكود الشغلات هاذي وأجيك متكشخه بأحلا صوره صورة شمووووووووووخه <<<< مو بس حراميه إلا تسذوب بعد
هاااااااااااه وش رايك ياأصوله مو مغامره خطيره وانتوا يابنات وش رايكم :55: