السلام عليكم ورحمة الله
أول شي الله يرحم أمك ويجزيها الفردوس الأعلى
ثاني شي بقولك شي الحل بنظري إنك تكوني قويه مو قصدي بالقوه إنك تضاربيه وتحطي رأسك براسه لا قصدي قويه بشخصيتك أعرف وحده زوجها مثل ما وصفتي بالضبط ويمكن أكثر لأنه هذاك كان يقول (كلام ما ينقال) لدرجة إنه هي ما قدرت تقوله الله يهديه المسكينه كان هالشي وهي مالها إلا سنه يعني عروسه البنت مثل أي بنت أنصدمت وبس كانت تبكي راحت بيت أهلها وأهلها مثل أي أهل يخافواإنها تكون مطلقه المهم البنت كانت تقولي كذا وكذا وإنه إحتمال كبير تطلق ويقولوا الناس إللي يقولوه وبعدها وقفت التواصل معايه وحتى مع أهلها وكانت هااااديه وكأنها كانت تفكر وهي عارفه إنه ها لقرار ممكن يكلفها الكثير لين ما جت وكلمتني إنها بترجعله ولمن كنت أطالع فيها كان شكلها غير وكأنها وحده ثانيه يعني مو كأنها ذيك الضعيفة الحساسه المهم هو جا وراضاها ورجعت معاه ، وكأنك يا ابو زيد ما غزيت وعاد نفس الغلط لكن هالمره كانت غير كان يسب ويشتم وهي تطالع فيه وتبتسم واتخيلي كان يصارخ أكثر ويقولها لا تسكتي خاصميني سبيني كسري بس لا تسكتي وهي سااااكته وتبتسم لدرجة إنه خرج من البيت ورجع اليوم الثاني وهي ولا كأنه سوا شي وهو مقهوووور يبغى أي مشكله وفعلا قام طلع مشكله وكبرها ونفس الشي لين ما قلها ليه ساكته انطقي طيب شيلي أغراضك وروحي بيت أهلك هي كانت جالسه عالكنب تقول لمن قال هالجمله أنا إتربعت وقلتله بكل هدوء أنا جالسه على قلبك وهالبيت بيتي أنا وبنتي وأنا زوجتك ولي حقوق عليك مني جايه من الشارع ولو تبي تطلق طلق ما أحد ماسكك لكن خروج من البيت وانا على دمتك ماااااافي وقالت وهوإنربط لسانه لأنه على عصبيته إلا إنه يحبها وأكيد يحب بنته والطلاق مو براسه المهم تقول من بعدها ما عاد فتحلي السيره وصار يحترمني أكثر وكل ما عصب وخاصم أستعمل معاه نفس الأسلوب (قالت تحسن كثيييير ونااااادرا ما أرد عليه بكم كلمه ) وعايشه حياتها ربي يوفقها ويسخر لها زوجها

الله يفرج همك .. هو عارف ان مالك احد عشان كذا سوي فيها قوي .. انصحك حبيبتي عليك بالاستغفار اكثري من الاستغفار ..

الزمي الدعاء والإستغفار اول شي ثاني والحال كما ذكرتي جربي كيد الحريم تراه ينفع يعني لابد اله مفتاح أو نقطه ضعف انتي حوفيه من هنا وهنا يعني دلعيه وقولي يابو فلان وكذا اكيد فاهمتني لا تردين عليه وقت عصبيته هوه بيشوف الجوانب الحلوه منكي وتصيرين عيونه بإذن الله

لاتطلعي من بيته ..خليه يهدا وبترجع الامور زينه
قومي بكل اموره وابتعدي عنه فتره وهو بيهدا من حاله
وانتي تقولي مالك سند يعني حافظي على بيتك وزوجك واكسبيه بصفك دايم بالحكمه والموده والرحمه ولا تراددينه بالكلام ..وياليت تعيدين حساباتك زين وتعرفين ان انتي مالك غير بيتك وعيالك وزوجك فحافظي عليهااا ...والله يرحم امك ويسخر لك زوجك

الله يرحم أمك و يعظم أجركم و يسخرلك زوجك أنا بتكلم عن أبوك و عن زوجك . أبوك الله يخليه لكم ما قصر ربى و كافح و علم حتى لو فيه شوية قسوه من وجهة نظركم و هي طبع غالب الرجال إلا إنه يظل فيه حنان عليكم و يكفي لما كانت أمك الله يغفر لها توصيه يعطيكم شيء ما كان يقصر بس يمكن يحونه التعبير أحياناً و مسألة زواجه الله يكثر خيره ما تزوج ع أمكم وهي عايشه و حرق قلبها و الآن هو في حاجة وحدة تراعيه و تهتم في أموره أنتم و أخوكم كل لاهي في حياته و و الله ما يستقبله شهر ع بعضه فزواجه راح يساعده و يساعدكم بعد في إنكم ترتاحون نفسياً من راحة أبوكم و الله يجعل زوجته قدم سعد عليكم جميعاً .....


بالنسبة لزوجك .. الحل معاه طالما ذا وضعك و أنت عارفه مالك مكان لو لا قدر الله تطلقتي إنك وقت الرضا دلعييييييه ع الآخر حسسيه بوجود أنثى في البيت تحتويه و تكون سكن له سواء في العلاقة أو ف أمور الحياة اليومية ،، أشركيه معاك في أمور أولادكم و حياتهم خليه يتعلق فيهم عشان يفكر مليووون مره لو صار شيء إنه ممكن يبعد عنهم . وقت الزعل و هو راح يقل بإذن الله كل ما خليتيه يتعلق فيكم لأنه بيصير يدور رضاكم لما تشوفيه معصب و يصارخ أنت ولا كلمة و أبعدي عنه و انشغلي ببيتك و أولادك و لا تراددينه و إذا عو غلطان بيني الزعل ع وجهك تلاقينه يومين بالكثيييييير و هو يتودد و يتميلح و ع حسب المشكلة عاتبيه إذا تستاهل قولي ي فلان ما حبيت زعلك ع كذا و كذا و بيني أسبابك و إذا ما تستاهل طنشي و تناسي بيخجل و ترى للمره المليون أكرر أغلب الرجال اعتذارهم في إقامة علاقة في طلعه سواء تمشية مطعم سوق لكن نادراً ما يقول آسف و يصرح فاقبلي أي اعتذار و مشي حياتك .. لا تدققي ع صغائر الأمور و تغاضي قدر الإمكان . الوحده مننا تزوجت عشان تكون بيت و أسرة و وقت وافقنا معناته إننا تحملنا أمانة الزوج و البيت و الأولاد نسأل الله أن يعيننا عليها و يتجاوز عن تقصيرنا .و الطلاق مو حل إلا للحالات السيئة جدددددداً اللي تستحيل فيها الحياة مع الزوج .. و قبل كل شيء ألزمي الدعاء بصلاح الزوج و الذرية و الله يوفقك .