ياقلبي انتي اوجعتي قلبي الله يرحم امك ويجعلها فالجنه .. ويسخرلك زوجك ويلينه لك ولعياله ياربي ياكريم .
كرري حسبي الله ونعم الوكيل مو يعني تتحسبين عليه لالا بس نية الفرج والتيسير وتعالي علميني وش صار من خير

اولا طالما زوجك عصبي المفروض ابدا ابدا ما ترادديه ولا تعانديه ولا ترفعين صوتك عليه خليه يهدأ من حاله .... ثم وضحي موقفك بطريقة هادئه جدا

فيه دوات الان كثيره ع التلقرام والواتس كيف تتعاملين مع هذه المواقف ... حاولي تحتوين زوجك وتفهمينه




ثانيا - خلي ثقك بنفسك قوية لا تقولين قدامه وين اروح او ماعندي احد انتبهي تحسسينه بضعفك




والله يفرجها عليك وطمنينا

توكلي واعتمدي على الله فهو سبحانه ربنا ومليكنا ومولانا
وأبوك تزعلين منه ليه ؟
المفروض الامر عادي هذا حقه وما سوى شي غلط
أمك ماتت الله يرحمها برحمته
انتبهي لا يكون في خاطرك شي على ابوك مهما كان ومهما حصل منه
احتمال يكون زعلان منك علاشان كذا عندك مشاكل
لان طاعة الوالد والدعاء له والفرح لفرحه من اوجب الواجبات
اعجبني كلامك من ناحية انك تدعين لزوجك وما دعيتي عليه رغم ما جاك منه
اكثري لوالدك ولزوجك من الدعاء في كل وقت وتأكدي ان الله قريب يجيب دعوة الداعي اذا دعاه
الله يسهل امرك ويصلح حالك مع زوجك وبألف بين قلوبكم

ثاني مره اذا قالها لك قوليله انت الي تطلع
هذا بيت عيالي ولي حق فيه واذا انت ماتعرف الشرع روح استفتي واسأل

اخواتي العزيزات.. اشكركم من الاعماق على ردودكم الرائعه اللي اثلجت صدري.. واشكركم اكثر واكثر على دعواتكم الغاليه لي ولأمي الله يرحمها..
اخر اخباري طبعا طنشته ورحت غرفتي واتجنبت احتك معاه في الكلام وبعدها بس كلام رسمي جدا.. انا والله اقدر اكبر الموضوع واروح لاهلي بس ابوي مو فاضي قاعد يجهز البيت من اول وجديد يجهز لعش الزوجيه.. الله يهنيه ويتمم له على خير وتطلع بنت حلال بس وتخاف الله..
واقسم بالله يابنات اني اكتب وانا ابكي.. كلللل الكلام اللي فووق ماهمني بالطقاق.. ابكي على امي كانت سندي وعزوتي و ونيسي وضحتي وكل شي حلو بدنيتي.. كانت تهوون علي كل مشاكل الحياه.. وربيبمجرد اسمع صوتها انسى الدنيا وتهون عندي كل المشاكل.. والاحلى والاحلى لما كنت اسمع دعواتها المباركه.. اسأل الله ان يسكنها الفردوس الاعلى ويجعل مرضها تمحيص وتطهير لها يارررب..
ايوه صح فيه وحده من ردود الاخوات قالت يمكن مشاكلك مع زوجك بسبب ان في قلبك شي على ابوك.. اقسم بالله ابوي على طباعه الجافه لكن والله اظهر له كل حب واحترام حتى لما يتكلم على خطيبته امزح معاه وانا في داخلي نااار تغلي.. ناار فرااق امي اللي ماطفت ..
اسألكم بالله لاتنسوني من دعواتكم لي في طهر الغيب.. بأن ربي يغفر لامي ويسكنها الفردوس الاعلى.. ولزوجي بالهدايه والتسخير ولابنائي بالصلاح.. وصل اللهم وسلم على سيدنا محمد وعلى آله وصحبه وسلم..