اضغط على نفسي واجامل بس مليت

السلام عليكم
الموضوع ومافيه انه اهل زوجي يحبون يسافرون كثير
وزوجي يحب يسافر معهم وطبعا زوجي دايم يخيرني ومايجبرني ابن الحلال
يقولي ودك تروحين حياك ماتبين براحتك
وغير كذا اخت زوجي ماتزوجت هي الوحيده من بنوته مالها خوات
وتبيني اروح معها اوسع صدرها تقول ملل الحالي
وانا اكثر من مره اروح عشان زوجي وعشانها بس بصراحه مليت
مافيه وناسه تعرفون ابو زوجي يمشينا على مزاجه بس يدور فينا بالسياره ولا يفرشله برصيف عشان يتقهوى ولا على البحر نجلس
والحين صارو كل سفره يقولون الزوجي جيب زوجتك واذا رفضت اخت زوجي تجلس تترجاني واضطر اوافق عشانها بس الحين خلاص ورب الكعبه اذا قالو نفكر نسافر جتني ضيقه خلق مااستانس ابد ما اصدق ارجع بيتي احس ردت روحي
كلها مجاملات عشان زوجي واخته
ومره كانو بيسافرو قلت انا اعذروني مابروح زعلت اخت زوجي وقالت ابيك معي توسعين صدري الوحدي اسافر تقل جنيه تعالي وتبدا تترجا وانا اذا قلت مابي قالت ايه ماتبيننا واذا وافقت اكون ضغطت على نفسي وجاملتهم على حساب نفسي
الحين وش الحل كيف اتصرف معهم
بكرا مسافرين ويقولون تعالي وانا مرررره مالي خلق صحيح كلها يومين اليوم السبت بس وربي مافيني حيل ولا لي خلق ابداااا