حبيبة مبارك :

صينيه بطاطا بكفته الدجاج عندي علبه كفته دجاج مثلجه . و سويت عليها صينيه بطاط و طلعت بالشكل هذا صينيه و قطعت فيها حلقات بطاطا وحطيت معاها شوي كوسا و حلقات بصل و طماطم و اخذت كفته الدجاج قليته و بعدين حطيتها بالصينيه و كوب من الماء الساخن عليه ملعقتين من المعجون زدتهم على الصينيه و فتحت الفرن ساخن وقصدرت الصيينيه و خليتها نصف ساعه بعدين فتحت القصدير . و حمرت الصينيه وقدمتها مع العيش المكسيكي هذا وايد سهل . عيش مغسول و منقع يبت جدر و حطيت فيه شوي زيت بعدين فتحت جيس كنور خلطه مكسيكيه بعدين حطيت العيش المغسول وخليته يقلي بالزيت و البهارات و زدت شوي من الملح بعدين حطيت ماء ساخن و خليته يستوي على كيفه طعمه وااايد حلو :) بالعافيه

صينيه بطاطا بكفته الدجاج عندي علبه كفته دجاج مثلجه . و سويت عليها صينيه بطاط و طلعت...

+3

حبيبة مبارك :

هذه الفكره تنفع للسحور انا سويتها حق ريلي لما كان فاطر لانه مريض ( الله ان شاء الله ما يعيد هذيج الايام ) عباره عن سلطه عاديه مع صمون همبرجر دجاج :) وقليت شوي من السمبوسه وقدمتها مع المقدوس وهذه الشوربه سويتها لما كان بالمستشفى ( اسم الله عليكم ) عباره عن شوربه الشوفان و حطيت معاها دجاج مسلوق و نتفته بايدي صغار حيل وخليته يطبخ مع الشوربه عدل ( طعمها وااايد حلو ) انا اول مره اجربها و عجبتني حيل [/QUOTE] كان عندي صندوق من الكوسا وكيلو باذنجان قلت اسوي فيهم محشي بس احشيه لحم و بالفعل كان وايد حلو و اللي شجعني اني شفت هني في المنتدى بنت مسويه اكله اسمها ( شيخ محشي ) كانت عباره عن باذنجان محشي لحم وبالصينيه . انا سألت عن الطريقه بس البنت تأخرت في الرد . بس من الصوره فهمت انه عباره عن باذنجان محشي لحم و مغرق بماء و معجون و بالفرن . فسويت مثلها . المقادير سهله . باذنجان قصيته من النصف عشان احشيه و كوسا مخليه ( مقوره خخخخخخ) بطاطا مخليه وحشيتها بالــ ( لحم بصل وشوي ملح وفلفل اسود فقط ) والماء كان عباره عن كوب ماء ساخن مع ملقعين من المعجون حستهم وحطيتهم على الصينيه وخليتها بالفرن . وكانت النتيجه حلوة . و زدت انا بطاط ـ باذنجان ـ كوسا كانت بالشكل هذا طريقه الشوي . لفيتها بالقصدير وخليتها تطبخ بس من تحت بالفرن بعدين حمرتها من فوق . :)

هذه الفكره تنفع للسحور انا سويتها حق ريلي لما كان فاطر لانه مريض ( الله ان شاء الله ما يعيد هذيج...