هذا السمج :)


الحين المطبق .

عباره عن مراحل . اول شي اسوي الحشو
و اللي هو عباره عن .
حمص اصفر مسلوق
و كشمش ( زبيب ) مسلوق
حمص اخضر ( اول مره اجربه بس يهبل ) سلقته شوي

كلهم سلقتهم مع بعض بس حطيتهم بالترتيب لان الحمص الاصفر يطول بالسلق و الكشمش بس ابي اوخر طعم السكر اللي فيه و الحمص الاخضر سريع جدا بالسلق .

وصار بالشكل هذا



طبعا اكون في الفتره هذه منقعه الرز عدل ( انا استخدم ماركه غزال )

الحين اجيب جدر كبير

و احط فيه كميه من الزيت
و بهاراتي اللي عباره عن قرنفل مطحون و شوي من الزعفران وشوي من القرفه ( دارسين )

بعدين حطيت الحشو

وزدت عليه كركم

و بعدين حطيت السمج المقلي



بالشكل هذا



بالفتره هذه كنت سلقت العيش بالماء و الملح
و خليته يستوي نصف استواء

بعدين زدته على الحشو ( السمج المقلي و الحشوه اللي في الجدر الكبير )

بالشكل هذا

طبعا نحط ثلاث ملاعق من الكزبره الخضرا
عشان الريحه تطلع حلوة


وهذا شكلها





بالعافيه

انا اليوم عند اهلي عشان جذي ما طبخت بس سويت الحلو هذا الرابط
http://forum.hawaaworld.com/showthread.php?t=674193
الحلو هذا من ابداع الاخت غرومه جزاها الله كل خير و حقق اللي في خاطرها يا رب







كشخت فيه عند اهلي و حيل حيل استانسوا فيه ،، خاصه ان لي سمعه غير مستحبه بالحلو و الحلويات

يعني جاء هذا الحلو وعدل الصوره شوي:)

دجاجه مشويه مع بطاط مشوي

هذا رابطها :)
http://forum.hawaaworld.com/showthread.php?t=552554&page=8



عيش بالطريقه الهندي شكله متواضع بس شوفوا الطعم شلون يهبل


العيش الهندي .
ملعقتين من سمن
فتحت بعدين جيسين من بهارات هنديه من كنور
و ظفت هيلتين ـ قرنفلتين ـ شوي كركم ـ شوي بهارات دجاج ـ مكعبين ماجي
وبعدين حطيت ( 4 اكواب من الرز ) المغسول و المصفى عدل ومنقع حوالي 15 دقيقه
و عليت النار وخليت العيش يحمس بالدهن و البهارات و ضفت لوميه مطحونه
و بعدين جبت ماي ساخن يغلي وحطيته على العيش .
و بعدين خلوه يغلي ليما يخلص الماي بعدين سكرت الجدر و خليته على نار هاديه جدا جدا

وبالعافيه

لوز عادي قلو اللوز وزينوا فيه .

مقالي سمبوسه خضار و جبن و كبه عيش وخبز عروق



السمبوسه وايد عاديه مثل كل السمبوسه بس الحشو :
جبن + زعتر + شوي زيت زيتون
و الحشو الثاني :
جزر بزاليا وبصل شوي مو كثير بطاطا مهروسه و بالبهارات الهنديه الحاره عشان تطلع سمبوسه هنديه صج و شوي من الكركم والملح

و خبز العروق . عباره عن ( شيس لحم امريكانا ) و حطيت عليه 1 كوب طحين ابيض المخابز الكويتيه و بهاراتي عباره عن ( كركم ـ فلفل اسود ـ فلفل احمر ـ ملح ـ بهارات اللحم ) وبعدين ضفت الطحين و عجنت . وبعدين سويتها اقراص

ملاحظه : خلي عندكم صحن فيه زيت عشان تبللون ايدكم فيه عشان لا يلزق اللحم باليد . الزيت يفكها . و حطيتها بالثلاجه لما خلصت ( فوق بالفريزر ) عشان الاستخدام اليومي . يعني سويت كميه كبيره انا و خشيتها . بس تتقلى وخلاص .

سلطه على طريقه الاخت غرومه ( فتوش )
وهذا رابط :
http://forum.hawaaworld.com/showthread.php?t=662448



معكرونه باشميل ( بس تقصصت مني ) :)

هذا الرابط :
http://forum.hawaaworld.com/showthread.php?t=552554&page=19


في بعد شوربه الذره . :) احط لكم صورتها بالرد الثاني .

شوربه الذره


وايد سهله بما اني من محبي و مشجعي ماركه ( كنور ) :) فهذا عباره عن شيسين من شوربه كنور و فتحت عليهم علبه ذريه حجم صغير . و خليتها تغلي على نار هاديه جدا لمده نصف ساعه عشان اتأكد انها خلاص ماتت الذره :) وحطوا شوي من صوص الصويا و واحده ماجي وبالعافيه

نظره نهائيه على السفره ... ترا هذه عزيمه سويتها بس حق امي و اختي :) والحمد الله الحمد الله وايد مضبوطه .