سويت جم طبق عيش واحب اشارككم الاطباق هذه
أولا..
ناخذ قطع اللحم .. ونغسلها و نتبلها فلفل و ملح
نحط البصل في جدر على نار
ثم نضيف الثوم ونضيف ( نص مقدار ) قطع اللحم ونحط البهارات : هيل و كزبره يابسه
و قرنفل ( مسمار ) وملح ونخليه يحمس شوي بعدين نسكر الجدر عشان اللحم يستوى
بهدوء طبعاً نظيف شويه من خضار مشكله ( جزر و بزلاء )
ونص اللحم الثاني ( نخليه في جدر بروح يغلي يعني نسلقه عادي ) ونسكر الجدر
ثم نقص طماطم احمر عدد 2 طماطه ونزيدهم في الجدر
و ملعقتين من كي دي دي معجون الطماطم ونخيله على نار هاديه عشان يستوي
اللحم بالماي اللي يطلع من اللحم والطماطم ونزيد كوب ماء حار (يغلي )
نزيد مكعب ماجي ،، ونسكر الجدر
نكون منقعين العيش قبلها ونضيفه فوق اللحم ،،
نحط في الجدر اللي فيه العيش كزبره خضراء بالشكل هذا
الحين اللحم اللي سلقناه شنو نسوي فيه ؟
ناخذه و نسوي له خلطه ...
عباره عن ( روب و كركم و بهارات اللحم ) و نطلع اللحم من الماي
ونحطه فوقه خلطه الروب وبعدين نفتح عليه الفرن عشان ينشوي بالفرن ...
وعند التقديم يكون فوق صحن العيش و نسوي معاه ( حشو ) عباره عن ( كشمش
و عدس اصفر و بصل ) وبهارات عباره عن كركم و هيل ومكعب ماجي ونخليه فوق الصحن
و بالعافيه