~قمر الربيع~ :

سلام ياحلوين يالله عشان خاطر صاحبة الموضوع اسدح لكم موضوعي القديم الرز بالخلطة اول شي خذي فنجال شاي حطي فيه زعفران ومويه حاره الين النص تقريبا دجاجه مسلوقه في مويه+ عود قرفه + 5 حبات هيل +5حبات عويدي(قرنفل) بعدين ناخذ الدجاجه نحطها في صينيه وندهنها بزيت ونرش عليها ملح + فلفل اسود + كزبرة ناشفة + كمون وندخلها الفرن الين تتحمر وتصير تقرمش يمـــــــــــي نطبخ الرز في مرقة الدجاج قبل مايستوي بشوي وقبل ماتنشف المرقة تماما نحط عليه الزعفران (اللي منقوع في مويه)عشان اللون ونتركة بدون تقليب ________ نجيب بصله وحده ونقطعها مربعات صغيرة ((ماتكون مفرومة )) ونحطها بطاوة البيض مع ((زيت +شويه من موية الزعفران + ملح + فلفل اسود + باباريكا + كزبرة ناشف )) ونخليها الين تتقمر بعد ماتتقمر وتستوي نطفي النار ونحط عليها كزبره مفرومه او بقدونس مفروم وفلفل حار مفروم احمر او اخضر وأي اضافات انتم تفضلونها مثلا ( فلفل رومي , جزر ......... ) بعدين قلبيها شوي وارميها فوق الرز المستوي وقلبي الطبقه الأولى لاتقلبين الرز كله ((اذا كان الرز كثير خذي كميه من الرز وحطيها عالخلطة في طاوة البيض بعدين اغرفي الرز وحطي الخلطة زينه فوق الرز)) ((واذا كانت كمية الرز قليلة حطي الخلطة عالرز وقلبيها في القدر واغرفيها)) واغرفي الرز وزينيه بالبيض المسلوق او الصنوبر وحطي الدجاج وبالعافيه

سلام ياحلوين يالله عشان خاطر صاحبة الموضوع اسدح لكم موضوعي القديم الرز بالخلطة اول...

عقد اللؤلؤ77 :

تسلم الأيادي ياطباخات الغربة مرررة تشهي أطباقكم وانا احب الخبز ومشكورة ياوردة بين الزهور وتوتة حمرا عالخبز بجربها إن شاء الله وعندي لكم طريقة خبز التورتيلا: بسم الله نبدأ أول شي لازم تعرفو اني اخذته من كتاب كندي شريته من جرير ونسيته بالرياض ولكنه راااائع ومقاديره حلوة وقليلة الدسم :) اول شي كوب ونص دقيق ابيض ولكن حقيقة التورتيلا بدقيق الذرة ربع كوب زيت زيتون رشة ملح ماء دااافئ للعجن على حسب ماتتكون عندك العجينة اللينة وبسس تنخلي الدقيق وبعدين اضيفي الملح ومن ثم زيت الزيتون وادعكيه جيدا ثم الماء الدافئ واعجنيهم جيدا و سويها على شكل اسطوانة وقطعيها كور متناسبة تجي معاك 7 أو 9 على حسب وبعدين ترشي دقيق على الطاولة وترقيها بحيث تصير رقيقة بس مو بزيادة يعني مثل خبز التورتيلا لأنك لو رققتيها كثير بتصير يابسة وبعدين تخبزيها بمقلاة تيفال من دون زيت إطلاقا على نار متوسطة وبشكل سريع كل وجه بسرعة وماتخلين النار هادية انتبهي يصير عندك بعدين خبز محمص :) وبالأخير حطيهم وغطيهم بمنشفة نظيفة حتى تحافظ على ليونتها واحشيها بأي حشوة ولفيها وصحتين وعافية

تسلم الأيادي ياطباخات الغربة مرررة تشهي أطباقكم وانا احب الخبز ومشكورة ياوردة بين الزهور وتوتة...