جايبتلكم 4 اطباق دجاج لذيذه وسريعه
الاول
دجــاج بالخضــار
المقادير:
صدور دجاج مقطعه مكعبات كبيره (تقريبا كل صدر نقسمه 2 او 3 قطع) مسلوقه
2 فص ثوم مدوق
خضار مقطعه طوليا (ملفوف-جزر- فلفل اخضر)
مشروم - ذره- بطاطس مكعبات مقلي (اختياري)
زنجبيل بودره- صويا صوص- 1/2 مكعب ماجي (المكعب نفسه نقسمه مو الكرتونه)
الطريقه:
نجيب تيفال كبيره نحط زيت والثوم والزنجبيل
نحمسهم شوي بعدين نحط فوقهم الدجاج بعد مانشيله من مويه السلق
والخضار والماجي ونحمسهم لحد ماتحسين الخضار تشووحت .......
حلات الطبخه بانك تحسين الخضار مشوحه موذبلانه بعدين نضيف شوي
صويا ونقلبها
ونقدما بصحن جانبي مع الرز الابيض او فوقه
الطبق الثــاني
دجــاج بالمستــرد
المقادير:
صدور دجاج مقطعه مكعبات صغيره
بصل مقطع مكعبات-2 فص ثوم مدقوق
فلفل اخضر مقطع مكعبات
مشروم ويفضل فريش مقطع مكعبات
بصل اخضر مقطع طوال
بطاطس مكعبات مقلي
1/2 مكعب ماجي- فلفل اسود-بابريكا
صويا- مسترد (حسب الذوق تقريبا 2 م ص )
الطريقه:
نحط الدجاج على النار بدون زيت ونغطيه لحد مايستوي
بعدين نضيف الماجي والثوم والفلفل الاسود والبابريكا والمشروم
بعدين البصل والفلفل ونحط شوي صويا و المسترد ونسكر النار
ونحط البطاطس والبصل الاخضر وبس
ونقدمه مع الرز الابيض
يتبع
صينيه دجاج مع البطاطس المهروسه
المقادير:
صدور دجاج (تقريبا 2 يكفون) مسلوقه ومنتفه
بطاطس مسلوقه ومهروسه مع شوي فلفل وملح وكمون وزبده
بروكلي مسلوق سلق خفيف دقيقتين او 3 تكفي
بصل مقطع شرايح - فص ثوم مدقوق
1/2 مكعب ماجي
مشروم-شبت_بصل اخضر
علبه قشطه صغيره- فنجان كريمه خفق
اوريغانو
الطريقه:
نجيب صينيه ونحط البطاطس المهروسه ونخليها تطلع مع الاطراف تصير كانها باي
بعدين نكون حامسين البصل والثوم وحاطين فوقهم الدجاج والماجي والبروكلي والشبت
والمشروم ونحطهم في الصينيه فوق البطاطس
نضرب القشطه مع الكريمه بالخلاط ونحطهم فوق الدجاج ونرش اوريغانو والبصل الاخضر
بعدين ندخلها الفرن
وهذا ماتبقى منها
الطبــق الرابــع
صدور دجاج بالصويا والخل
المقادير:
4 صدور دجاج
التتبيله:
نص فنجان خل
نص فنجان صويا
اوريغانو
الطريقه:
نضرب الدجاج خفيف عشان تعرض ونسوي فيها خطوط بالسكين
عشان يبان كانها مشويه وعشان التتبيله تدخل جوا
ونخليها بالثلاجه ساعه او ساعتين..بعدين نجيب تيفال ونحط فيها
زيت زيتون تقريبا ملعقتين ولما يحتمي نحط الدجاج ونغطيه عشان
يستوي بمويته وبعدين نشيل الغطا عشان المويه تروح ويتحمر الدجاج
اتمنى تعجبكم