اطرحي مشكلتك سأحلها <<<ولو حلها يفشل بحلها

صبحكم الله بالخير كانه صبح ,,,,,,,,,,,,,, ومساكم الله بالخير كانه بالليل ,,,,,,,,,,,, وضحاكم الله بالخير كانه الضحى .....*

كيفكم ؟؟ والله إني مشتاقه لكم كلكم .....

اليوم يابنات مسكت معي غلط <<<< وجلست على النت أفحط فيه أدور لكم

على موضوع يرضي أذواقكم وبحكم الوضع إللي أنا فيه الحين

لقد قرأة موضوعاَ جميلاَ في إحدى المنتديات الرائعه <<<< أخس يا اللغه العربيه والله إني مانيب سهله أعرف أحتسي حسي حلو مثل الناس :32: :32:

المهم هو أعجبني ونسخته وزبرقته وعدلته لعيــــــــــــــــونكم

تعيش المجتمعات في خالى لاتوازن <==== مالها داعي بس ودي اقولها

لا يالربع المسالة مسالة ضمير لان تكوين الانسان < = = = ياشين اللي ملقطه كم

كلمة وودها تقولهن ...

المهم لاتستخفون دمكم بالحيل ...تراني اكتب وانا في حالة قوقعة خنفشارية تمتد في ثنايا المتناقضات الوجودية متحولقة حول حلزونية الموقف نحو شرذمة التفكير السيكوسوماتي < = = = قسم بالله اني بطرانه ..

نرجع لموضوعنا< - - - ياشين اللي مافي راسها شيء


لا من جد اليوم جتني حالة من الانفتاح الذهني حسيت اني اقدر احل كل المشاكل في الكرة الارضية فقلت مالي الا حبايبي هم اللي بيقدرون كالعادة افكاري البرتقالية . .خصوصا وانا اعيش اجمل ايام عمري < = = =
المهــــــم هذي ابز المشـــــــــكل وحلولها وانتم الحكم

المشكـــــــــــلة الاولـــــــــــــى


وشلون تضمن ان طبق البيض ماينكسر لو طاح منك
انا فكرت فيها فمالقيت الا اننا نسوي بيض بلاستيك ..وشلون .. ابد نروح للمصنع وانقول زينوا لنا بيض بلاستيك خخخخ <- - -

المشكــــــــــــــــــلة الثانية
وشـــــــــلون نقضي على الواســــــــــــــطة
اقول ...طالعوني عدل....لا ركزوا اكثر ...هذا وجهي كل وحده منكم تدور لها اكبر ازبيرية بسوق ابريدة وتلخني مع الجبهه ان حليتها ..0 عجزوا عنها القصيبي وجماعته تبوني احلها < = = = خاره من اولها

المشكلـــــــــــــــــــــــــة الخــــــــــــــــــــــــامسة
مشكلـــــــــــــــــــــة المغــــــــــــــازل بالاسواق < - - - اشوفكم ركزتوا يالدشير

هذي تراها ابسط من اللي قبلها....

الحل بكل بساطة ..نخلي بناتنا يفتشن

وش فيكم ...تراني اتكلم جد ....باقول لكم ليه ...

الحين بالله عليك انت اذا دخلت للسوق وشفت ذالعبايات اللي مادري وشلون

قايلة ..عماني على فرنسي على كتف على مغربي على امخصرة ..والنقاب اللي ياشيخ

لو تبي تحطه على وحدة من ساحل العاج والا المتلحوس او دعلج والا سير علينا او

مخترش وهلم جرا من ذالكسر قسم بالله ان يمسكون الشباب سرا وراهم

نعنبوا ابليسهن ذالبنات ..قسم بالله تلقى الوجه كنه وزرة يماني ثمن تغطيه واتحف لك

ذالحواجب وتطق ذالعدسات وتضبط لك ذاللثام .. الين ذالشباب الضعوف تغدي سعابيل

الواحد كنها موية البلدية لمزارع بعض الناس

فاحسن حل اننا نلغي الغطا ..وانا اضمن لكم انخفاض المعاكسات بنسبة 90%


مشــــــــــــــــــــاكل أخرى صغيـــــــــــــــــــــــرة
الصراحة هي مجموعة من الاسئلة مادري ليه تجي دايم في بالي..
فمانستغني عن اراؤكم الكريمة بالباشاميل
الحين السيارة سموها سيارة عشانها تسير والطياره لانها تطير والغواصة لانها تغيص... طيب السفينة ليه سموها سفينة لانها تسفن :confused: :confused:

:confused: السؤالــــــــــــ الثاني :confused:

الحين ليش بعض البنات إذا زعلن راحن يكتبن الخواطر ؟؟؟
اتيت مهرولة ثم القيت بنفسي على السرير باكية..............

طيب لو ماعندك سرير وش اتسوين؟؟

تروحين تطقين على جيرانكم تقولين عطونا سرير ابصيح عليه ..والا ترقين لغرفة اخوك ..وتطلعينه

وخر عن السرير تراني باجي اركض واطيح واصيح0

صدز اننا جمع مؤنث سالم


تحيـــــــــــــــــــــــــــــــــــــاتي للجميع