!~¤§¦ٍام الجازي¦§¤~! @am_algazy_1

كبيرة محررات

اطلب الطلاق واريح ضميري؟؟ او استمر من اجل اولادي ؟؟

السلام عليكم ورحمة الله وبركاته

انا كنت متردده اعرض مشكلتي عليكم لان مثل هذه المشاكل الجا الى الله عل وعسى

ان يجد لي حل او مخرج

ولكن حيرتي وضميري خلوني ابوح لكم مشكلتي ونشالله اجد الحل من خلال ارآئكم

تزوجت في سن صغيره وانا عمري 15 سنه وانجبت ولدين

وفي بداية زواجي لا انكر اني احببت زوجي لاني كنت صغيره ومراهقه وهو يحبني

ووبعدها لما وصل عمري للعشرينات بدأت ابتعد عن زوجي ولا اقوم بواجباته على

اكمل وجه مع العلم هو مو مقصر معاي في اي شي وطلباتي مستجابه اول بأول

ويحبني ويتمنى لو ابادله نفس الشعور ولا يقصر بكلمات الغزل على طول اسمعها

ويرددها على مسمعي طوال الوقت وحتى عند اهله يمدحني ولا يسميني عندهم الا

بأسماء الغزل مثل القمر وغيرها حتى امه واخواته اذا بيسألون علي يسألونه شخبار

القمر ؟ كمجاملة له

المشكله الحقيقيه انني لا احبه يمكن اعزه واحترمه بحكم العشره والاولاد

وانا متاكده اللي قرات مشكلتي بتقول انتي في نعمه شتبين بعد؟ او اكثر من ذلك؟

لاني ماابي اظلمه معاي يعني اعيش مع شخص وانا مااحبه؟؟ اظلم نفسي واظلمه

معاي؟ حتى انا مقصره معاه في حقوقه الشرعيه شهور وانا اصده عن حقوقه

وهو ساكت ومستحمل ويجامل بس الحين بديت الاحظ عليه يثور ويكلمني في حقوقه

وفي اهمالي له ..

ومشكلته الحقيقيه هي مستواه المادي وسط يعني لا عقارات ولا غيره من الاملاك

معتمدين على الراتب لا وعليه ديون .. اناانسانه مثل كل البنات احب اشتري واحب

اخذ كل شي لأولاادي واشتري لأهلي واحب اسافر بس هذا كله هو مايقدر يوفره لي

لا تقولون لي انتي تحبين المظاهر مافي بنت ماتحب ان زوج المستقبل يوفر لها

كل سبل الراحه والسعاده ويكون قد مسؤلية فتح بيت

عموماً هذه مشلكتي اعرضها عليكم اتمنى ان اجد الحل اللي يريحني

هل اطلب الطلاق منه وارتاح من عذاب الضمير لاني مااحبه ؟؟

ارجووو مساعدتي جزاكم الله خير

يلزم عليك تسجيل الدخول أولًا لكتابة تعليق.

تسجيل دخول

بنت الكويت العسل • 19 سنة

حبيبتي من قالج انه السعاده في السفرات والاملاك السعاده في راحة البال انتي في نعمه تنحسدين عليها ترا مو بنقمه شوفي مشاكل البنات في القسم وحمدي ربج على ماكتبه لج
بعدين انتي قاعده تفكرين بنفسج على حساب عيالج وزوجج اللي اكرمج وقدرج هذا جزا الاحسان والمعامله الحسنه معقوله؟
بعدين الملائكه تلعن الزوجه اللي ماتعطي زوجها حقه الشرعي لو كان مقصر عليج شنو بتسوين اذا اهو مو مقصر جذيه بتكافئينه الله يهديج بس اقري قران وايد وتعوذي من ابليس هذا ابليس يلعب فيج ترا وباين عليج ايمانج مو قوي لو ايمانج قوي كنتي قنعتي بس باين انج مقصره مع ربج هذا اللي اقدر اقوله والله يهديج واسفه على قسوتي معاج بالكلام بس احنا اكثر من خوات لج واكيد نبي مصلحتج والله لا يغير عليج انشالله الا بالخير ويهديج لزوجج وعيالج يا اختي لا تظلمين ناس وايد يعزونج على وساوس الشيطان

قاربwithout شر!!!ع • 19 سنة

سبحان الله ناس عندها الفلوس و تسافر كل سنه و مع ذلك تتمنى بس لو تحصل العاطفه اوالحب المحرومين منه...انتي يمكن تفكري انك ما عشتي مراهقتج و شبابج مثل باقي البنات و تحسين انه هو السبب اقولج لا عزيزتي هذا نصيبج اللي اللة كتبة لج... خذي لف على المشاكل الزوجية في هالقسم او قسم الحياه الاسرية و بتبوسي ايدج وجه و ظهر لانه ما عندج هالمشاكل اللي يعاننون منها البعض...

!~¤§¦ٍام الجازي¦§¤~! • 19 سنة

اختي بنت الكويت شكرا على الرد والنصيحه وللعلم انا ملتزمه وايماني قوي واقرأ

القرآن واحفظه في مدارس الدعوه

مشكلتي الحقيقيه اختي بنت الكويت والاهم اني مااحبه هذه المشكله الرئيسيه ولاني

ماابي اظلمه معاي ويعور قلبي كل ماحاول يرضيني يعني انا لما فكرت في الطلاق

علشانه مب علشاني اتمنى تفهموني يابنات حواء

جحود،،، • 19 سنة

مافي سبب مقنع للطلاق

وصدقيني ماراح تلقين رد وااااحد من اي وحده هنااا تقولك اطلبي الطلاق

على قولة بنت الكويت(انتي في نعمه ) وشوفي مشاااكل غيرك واحمدي ربك على النعمه اللي انتي فيهااا

الا اذا كان هناااك اسباب اخرى نجهلها الله العالم بالقلوب

طلب الطلاق من غير سبب مقنع بيصير لك نقمه بحياتك مو نعمه

لا تنسين انه ابغض الحلال(غير انه عندك اطفاااال) يعني بتجنين عليهم :confused:

كثري من (الدعاااااااااااااااااااااء)

تحياتي.... :icon35:

عبدالسلام الصالح • 19 سنة

مشكلتك .. ليست المادة اختي ..
انما هو نوع من تأنيب الضمير .. هو يحسن إليك وانت وانت ترين انك لا تؤدين شكر هذا الأاحسان ..
عموما لي عودة قريبا بعد التأمل في المسالة ..