اعترف اني لا أنكر المنكر ،، لهذا السبب

السلام عليكم و رحمة الله و بركاته
يا بنات ابتلت عائلتي و أقاربي باللباس الغير شرعي
لبس الكت او السيور و البنطلون و القصير
و اللي تتكلم وتنصح من العايلة خﻻص تبدأ الحساسيات و التنافر
يعني انا مرة قد تكلمت من حسن نية وفي نفس الوقت صدمة من اللبس االي وصلوا له قريباتي ورضاء امهاتهم عن لبسهم مع ان لبس الامهات محتشم !
وانا لما نصحت وحده منهم توقعت ردة فعلها اﻻستجابة بحكم محبتها لي و العشرة اللي بيننا لكنها ماردت علي وسكتت و ﻻ كأنني قلت شي وصار بيننا صمت رهيب مع ان اسلوبي كان رقيق هادي
و كأن ردة فعلها تقول ارجوك ماتتدخلي في لبسي
مر على هالكﻻم وقت طويل
هذي البنت اللي احبها كأخت وتعلقت فيها صارت تتكلم معاي برسمية مو مثل اول
الخﻻصة ان عايلتي اخﻻق اخﻻق الحمدلله وكريمين معي ويفزعون لي بالرغم اني بعيدة عنهم و يرسىوا لي الهدايا لي .. و اذاجيتهم اكون اعز وحده جات عندهم
لكن اللي يضايقني واشيل همه قبل اجي اللبس
ومن ناحيه ثانيه ينظرون لي نظرة شفقة على لبسي مع انه ماركة و ذوق جدا لكن ؟؟؟ وش اقول ؟؟؟
مقتنعين ان التنورة للدوام فقط والبناطيل والقصير للزيارات
بصراحه اكره هذي النظرات الغريبة اش شايفيني ﻻبسة ؟؟
وعدا ذلك هم تعاملهم راقي جدا وفضلهم علي كبير وماراح ارد جميلهم معي
وصرت افكر كيف انصحهم ،، وهم كذا يشعرون بالحساسية والنفور هذا ونصيحتي كانت راقية جدا وبكﻻم رقيق وقليل ؟
بصراحة ما ابي اخسرهم وبنفس الوقت ماني راضية عن لبسهم ،، وابي ارضي ربي
اش تنصحوني في هذي الفئة من الناس ؟؟
اش الطريقة اللي اتبعها للأمر بالمعروف و النهي عن المنكر؟؟
و الا خﻻص استسلم و اسكت و اجامل بحجة عدم قطع اﻷرحام ؟