السلام عليكم ياحوائيات
والله ياخواتي انا اثق بأرائكم ونصايحكم وحبيت اني اطرح هالمشكله اللي اتعبتني وخايفه اهدم بيتي بسببها حاسه اني ضايعه وكل يوم عن يوم تبدا ارادتي تضعف وخايفه ان بيتي ينخرب وعيالي يتشتتون وانا اضيع ..
بقولكم القصه من اولها علشان تفهمون الموضوع :
زوجي متزوج اكثر من وحده ويطلق وتزوجني المهم طليقته الاخيره كانت من خارج الدوله رجعت لاهلها مع عيالها وخدامتها الاندونيسيه فطلب زوجي خدامته الاندونيسيه انها ترجع لان اقامتها انتهت وهي خارج البلاد وعليها غرامه المهم جات خدامته وياليتها مادخلت بيتي ولا حياتي ..
قبل ماتدخل هالخدامه حياتنا كنا مرتاحين وبعدين صارت الخدامه تغثني يعني اطلب منها شي تسوي عكسه مع العلم انها شاطره بس خبيثه المهم كان عندها كتيب تقرا منه كل مادخل عليها والقاها تبكي بغرفتها اشوف الكتيب اللي بيدها فيه ايات قرانيه وكلام شايفين القران اللي فيه تفسير ؟ مثله بس علي شكل كتيب صغير لونه ابيض وكنت اقول يمكن تقرا قران علشان يمسح علي قلبها او تبي ترتاح يمكن لاقرت قران المهم زوجي بدا يتغير علي مثلا بدا يهجرني بالفراش يعني نايم جنبي يعني كأني نايمه جنب واحد من اخواني :44: ولما اقوله شفيك ماتقرب مني ولا تنام معاي ؟؟ يقول ابيك بس ماقدر لانك حامل ومابي اعورك وانا اخاف انام مع حامل وكنت امشي الموضوع الين ولدت وانا بنفاسي قلت للشغاله لاتطلعين فوق لان بابا نايم وبروحه خليج هنيه تحت وكانت تطنشني كانت تطلع للدور اللي فوق وزوجي فوق وجيت مره لقيتها بغرفتها فوق ومسكره الباب عليها ودخلت علي زوجي لقيته نايم او يخلي نفسه نايم قلت له شعندها فوق ؟؟ قال مادري خليني انام اطلعي وصكي الباب المهم رحت لها بغرفتها وقلت لها انا مو قلت لاتطلعين فوق ؟ قامت تبكي او بمعنى صحيح انها تتبيكى تخلي نفسها تبكي قلت قومي انزلي تحت وماردت علي بس حاضنه الكتاب اللي كانه قران بيدها وتبكي وترفع راسها فوق شوي ولا طلع زوجي من الغرفه وصارخ علي وضربني وطردني من الدور اللي فوق وسكر الباب بوجهي وقفله انا انصدمت حسيت ان روحي تطلع مني يضربني ويطردني علشان خدامه ؟؟ وانا نفاس ؟؟ شالسالفه ؟؟ المهم نزلت تحت سكرت علي نفسي الباب وبكيت بكل مافيني وطلعت رحت لهم مالقيتها بالبيت واكتشفت انه هو اللي مهربها من البيت وراحت بس خلتنا على نار كل يوم تزيد اشتعال والله يابنات الحين صار لنا تقريبا سنتين ونص وحنا كل يوم اخس من اليوم اللي قبله ..
والحين حالتي معاه وااااااقفه تقريبا انا وياه تقدرون تقولون اثنين في بيت واحد يجمعهم الايجار يعني كاني وياه مسوين قطيه ببيت وكل واحد له حياته .
هو بالنسبه لي ولعيالي مجرد ضيف وانا وعيالي بالنسبه له مجرد ديكور مزعج بس مفروض عليه ..
ويااااابنات الحين من فكرت اني اغير بيتي قلت يمكن بنت الحرام مسويه لنا عمل ولا شي على الاقل بنغير بيتنا يمكن يتعدل حالنا باذن الله الي الاحسن بس من قررت هالقرار وانا حالتي مع زوجي تسوووووء اكثر واكثر او اني امرض او عيالي يمرضون او اني ارجع من جديد واتهاوش مع زوجي وبعدين يابنات انا ملاحظه شي غريب بنتي هاليومين من تركب الاصنصير - اللفت - تخاف ترجع ورا كانها تشوف شي انا ماشوفه وتتمسك فيني او تبي تطلع من اللفت لانها خايفه من شي بس شنو ؟؟ الله اعلم وتأكدت انها تحس بالخوف هاليومين فقط لانها قبل عادي تركب الاصنصير بدون خوف بسم الله عليها لكن الحين تتعلق فيني وتخاف وماتبي تدخل الاصنصير وان غصبتها تركب صعب تنزل منه تخاف تكون بزاويه وخايفه وعيونها بالارض كأنها تشوف شي ؟؟؟
واخذتها علي اصنصير ثاني بمجمع وبسم الله علي قلبها ركبت عادي ماخافت
والحين يابنات ابي اسألكم وبالله عليكم اي احد عنده خبر يقولي هل اذا بيتي فيه سحر وغيرته هل السحر يروح وياي للبيت الجديد ولا ينتهي امره ؟؟
وبنتي شنو تشوف هل هو سحر جديد ؟؟ او اني اتوهم ؟؟
واااسفه جدا على الاطاله بس والله ياخواتي مالي الا الله ثم انتم شسوي بيتي ينهار قدام عيني وانا عاجزه مابيدي حيله والحمد لله انا اشغل قناه المجد القرانيه بالبيت قبل النوم واخليه للصبح تعبت والله ثم والله اني تعبت ابي حل ..
ملسونه وعنيده @mlsonh_oaanydh
عضوة جديدة
يلزم عليك تسجيل الدخول أولًا لكتابة تعليق.
الدميسه
•
ياقلبي الله يكون بعونك وشغلي سوره البقرة على طول
وأكثري الاستغفار بصراحه ماأعرف أي شي في السحر
سبحان الله وبحمده
وأكثري الاستغفار بصراحه ماأعرف أي شي في السحر
سبحان الله وبحمده
الصفحة الأخيرة
واكيد انها تخوف بنتك وتتمثل لها حسبي الله عليها ونعم الوكيل
تلاحقي نفسك وشوفي احد المشايخ المختصين ليحرركم بأذن الله منه