اعز صديقآتي بـأمس الحاجه اليكم مشكلتها كبيره ومالها الا الله ثم انتو

بسم الله الرحمن الرحيم

مو عارفه من وين ابدء .. انا ماكتبت هنآ الا وانا متامله انكم تلاقون الحل

لهالمشكله .. اشكركم في البدايه قبل كل شي لكن ماابي حد يرد ويقول الله

يعينك ومن هالكلام انا ماكتبت الا ابي الحل والمشكله مو مشكلتي مشكله

صديقتي لكنها مثل اختي بالضبط .. رح ابدء من بدايه المشكله .. صديقتي

بنت عمرها 17 سنه من اسره متواضعه امها وابوها لاهين بحياتها ومشاكلهم اللي كثرت بعد زواج ابوها من بنت صغيره المهم ماعلينا

من هذا كله هي وضعها بالبيت مو حلو يعني محد معتبرها موجوده حتى

مصروف للمدرسه مايعطونها وحتى اغراض المدرسه مايعطونها الا بالحسره

امها ماتشتغل وابوها متقاعد يقسم راتبه بين زوجته الثانيه وامها واخوانها

الشباب اما هي محد يعطيها شي ابد باعتبارهم انها بنت وماتحتاج لشي مو هنا المشكله بس حبيت اعلمكم على وضعها علاقتها بابوها جيدة وهم اقرب


للاصدقاء وعلاقتها بامها متوتره شوي ونجي لخالاتها اللي يتدخلون بكل كبيره
وصغيره بحياتهم والسبب ان امها كل اسرار البيت عند خالاتها خاله وحده من خالاتها هي اللي تدري بكل شي وتنشر اخبارهم بالعيله كلها مع ان خالتها هذي اصغر من امها .. امها وابوها شخصيتهم ضعيفه شوي عند هذي الخاله بالذات .. اذكر لمى كان عمرها 16 زوجوها لولد خالاتها بس مو الصغيره وحده ثانيه وصارت مشاكل من وقت الملكه وتطلقت وصدقوني تزوجت وتطلقت بامر خالاتها وحتى مهر مادفعوا لهم وبالاخير ارتاحت من هالزواج .. والحين هي عمرها 17 سنه تذكرون خالاتها الصغيره اللي تحرك كل شي يصير داخل بيتهم هذي دبرت لها عريس من معارف زوجها وهنا بدت المشكله هي ماتبي تتزوج تبي تكمل دراستها وابوها كان واقف معها بس امها وخالاتها وزوج خالاتها يتدخلون بكل شي وابوها بين يوم وليله قلب عليها وقال لازم تتزوجين والله ان اهلها شخصيتهم ضعيفه لدرجه ان زوج خالاتها مره اتصل فيهم بالبيت وسال عن صديقتي وكانت طالعه بامر ابوها طبعا لكنه زوج خالاتها صارخ على ابوها وهزئه وقاله لو انت موقد العيال لا تجيبهم وخليني اربيها وابوها ساكت ماغير يقوله حاضر !!

ماعلينا من كل هذا هي حاولت بكل الطرق ترفض الزواج وقالت لهم انني مارح اقول للشيخ اني موافقه علما بان زواجها الاول تم بدون موافقتها حتى انها تقوللي ماوقعت على شي ولا الشيخ سألني ولهاليوم ماتدري كيف تزوجت اول مره بس قالوا لها مبروك تزوجتي !!

المهم انها رفضت الزواج وابوها عذبها كل يوم ضرب واهانات وتغير عليها ماعاد هذاك الصديق اما امها تشوف ولاكانها تشوف ولا حد تدخل غير اخوها بس محد ضارب له خبر او حتى معطيه وجه .. صدقوني والله العظيم اهلها مومعتبرينها شي حتى مره اخوها الكبير مو اللي واقف معها الثاني هذا الكبير حسبي الله عليه لا دين ولا شي مره حاول يعتدي عليها واهلها طالعين برى البيت ودخلوا وشافوه وامها وابوها سووا نفسهم موشايفين شي بس اخوها الثاني تهاوش معه ووصارت سالفه كبيره لدرجه ان اخوها الكبير طلع برى البيت وسكن عند وحده من خالاته اما امها وابوها على الرغم بانهم شافوه بس سووا نفسهم مايدرون عن شي وكيف ولدهم الكبير الملاك الطاهر يسووي كذا على انهم شافوا بس طنشوا والاقبح لاموها هي تخرب بين اخوانها حسبي الله ونعم الوكيل ..

المهم ابوها ضربها واجبرها انها تتزوج ووافقت وياليتها ماوافقت اول شي المهر والشبكه وكل شي اهل العريس يحددونه وحتى ماسألوا عنه ومهرها لعبوا في جزء كبير منه لكن خالاتها الصغيره تدخلت وخذت الباقي عشان تجهز لها وكل مانقص شي على اهلها تحايلوا على خالتها وخذوا منها بس للامانه ماكانت خالتها تسكت لها وكانوا ياخذون ويرجعون ..


بعد هذا كله تزوجت وزوجها معاملتها معها بالبدايه كانت كويسه بس هي كانت جافه معه وماكانت تعطيه حقه الشرعي لانها اصلا مو متقبلته وكلنا لمناها على هالشي وهي قالت له خليني اتقبلك مارضى وصار ياخذ حقه غصب عنها في كل مرة .. غير انه يبي يطلعها من المدرسه ويتحجج باي شي عشان تطلع وطبعا محد من اهلها مفتكر فيها غير اخوها بس محد معطيه وجه .. المهم انه بكل مره ياخذ حقه غصب ولاكانه سووا شي يقول هذا حقي وخذته وقال لها انا تزوجتك عشان هذا الشي وبلعت الموس وسكتت الامر اللي خلااني اكتب الموضوع وادور الحل عندكم هو انها بمره كانت معذوره وكان يبي ياخذ حقه بس هي رفضت لانها معذوره وقال لها مو مشكله اقدر اخذر حقي من مكان ثاني فيك وانتو فاهمين لانني مااقدر اكتبها ورفضت وراحت قعدت بالحمام يوم كامل وسكرت على نفسها الباب وكلمتني وقلت لها لازم تدخلين اهلك قالت مابيسوون شي قلت خالاتك قالتلي مابيدها شي غير انها بتنشر الخبر بكل العايله قلت مافيه الا امه هي متعاطفه معها بالموضوع وكلمتها وكلمته وقالت له انه حرام ومايجوز شرعا وفهمته وقدام امه قال ان شاء الله وحاضر واول مارجعوا البيت قالها انا نسيت الموضوع بس بما انك دخلتي امي بهالسالفه عناد فيك رح اخذ هالشي غصب عنك وفعلا خذاه .. انا سمعت انو لو هالشي صآر تتطلق من زوجها شرعا صح او لا !

بكلا الحالات هو مومهتم وماخذها مثل الاله اللي متى ماجات على باله انتو فاهمين .. وغير كذا يابنات مايصلي ولمى تقوله صلي يقول مووقته ومووالحين قالت لاهلها وقالوا اصبري وغيريه وعلى يدك وكثير اوقات يمنعها من زياره اهلها ويحاول يمنعها من دراستها بس الحمدلله للحين امها واقفه معها بموضوغ الدراسه .. وهي بعد ماتدري لو هو يشتغل او لا حتى مصروفها تاخذه من امه .. وهو ترى مو صآحي اقرب للاهبل شوي ولمى سالت عنه خالته وبعد جهد جهيد قالوا لها انه فيه مس او شي زي كذا يعني فيه من اهل الارض والعيآذ لله ..

اخيرااا انا ماطرحت لكم المشكله والمعاناه من الاول للاخير الا عشان الاقي الحل عندكم انا بخاطري انها تلاقي حل تحاسب فيه الكل امها وابوها وخالتها وزوج خالتها واخوها وزوجها حسبي الله عليهم ونعم الوكيل واللي ماعندها حل تتسحب عليها وخصوصا ابوها اللي نسى ان رب العالمين بيسأله عنها ويحاسبه وحسبي الله ونعم الوكيل .. المشكله ان عندها خوات صغار وكل مااشوفهم اخاف عليهم من اهلهم واخوهم حسبي الله ونعم الوكيل ..

بانتظاركم وياليت تعطونني الحل لانني عجزت وانا افكر وسوري على الاطاله