اعطوا بطونكم اجااازه من اللحوم وجرررربوا هاذي الاكله

نستعمل العدس الاسود ( ابو جبه) مقدار صحن السلطه اللي قد الكف نغسله كويس ونخليه في المصفى.
نقلب بصله متوسطه مفرومه ناااعم حتى تذبل فقطططط ثم نضيف العدس ونقلبهم شوي ونضيف الماء المغلي تقريبا قد 4 صحون من اللي قست فيها العدس او يكون مستوى الماء اعلى من مستوى العدس بطول 1/2 اصبع مع مكعب ماجي وعود قرفه كبير ورشة فلفل اسود ورشة قرفه ناعمه ثم نقفل قدر الضغط عليها لمدة 1/3 ساعه تقريبا . ولمااا نفتح عليها نضيف درسين ثوم مدقوقين مع فلفل اخضر حااار ونصف ملعقه صغير ه عين جراده( نوع من البهارات ما اعرف ان كان له اسم تاني) وندقهم بمدقه الثوم مع بعض في نفس القدر ونطلع عود القرفه اول ونضيف ايضا ملعقة زيت زيتون اثناء الدق لازم قوامه يكون زي قوام الفوووول مهي اسمها دمسة عدس اخخخت دمسة الفول ثم ضعيها في زبديه مفلطحه شوي يعني مو زبدية شوربه:16: واقلي بصله كبيره مقطعه جوانح او مكعبات متوسطه عليها رشة ملح علشان تطلع كرسبي (هاذي المعلومه اخذتها من هنا للامانه) ومقليه في مقدار وفير من زيت الزيتون (بالمره ماينفع زيت القلي) وتزيني بها وجه الصحن مع اضافة قليل من زيتها ايضا ........كلوا وانتو مغمضيين :35: اعطوا بطونكم اجازه من اللحوم شوي والف صحه وهنا على قلوب بنات منتدانا الراقيات الجميلات.