اعلم و لا اسكت !! ايش الحل برأيكم ؟ << مشكلة عضوة بالمتتدى

.
.
السلام عليكم بنات حواء انا عضوة قديمه وطلبت من ام انوسي تعرض مشكلتي
المشكله داخل فيها اطراف كثيره وانا مابي احد يعرفني..
.
.
هذا الله يسلمكم بدايتا اشترينا شقة تمليك
في عمارة وحنا 8 شقق وكنا نسوي دورية كل اسبوع عند وحده ..
وكانت علاقتي قوية مع وحده فيهم لاننا اول من سكنا في العماره وهذي الوحده سببت لنا مشاكل خلوني اسميها (ام محمد)
كل وحده تختلف مشكلتها عن الثانيه وكلنا قطعناها بدون اتفاق منا وصرنا نجتمع وافتكينا من وجع الراس..
.
.
بعطيكم فكرة بسيطه عن مشاكلها اذا رحت من عندها تتكلم عني بظهري وتتكلم بزوجي وماتشرب الشاي اللي اجيبه لين اشرب منه واذا زعلت مني ترجعلي هديتي واذا قلت لها كلام تسوي عكسه (دقي بابي بشويش لان ابونا نايم) تدق باقوى ما عندها، سليطة لسان ، وتحب تكيد،.
.
طبعا للحين قايمه معها المشاكل لانها ترفض تدفع في اصلاحات العمارة ..
.
.
المهم انا افهم في شغل المشاغل وقدام عمارتنا مشغل ورحت وطلبت اتوظف وشاافوا شغلي وقالتلي اللي ماسكه المحاسبه نسميها (عواطف) قالت احنا طالبين xx وان شالله انك راح تتوظفين معنا وشغلك ممتاز .. وقمت اخذت رقم صاحبة المشغل (ام سالم) وقالتلي خلاص ان شالله تتوظفين معنا لاننا محتاجين xxx
.
.
وانا طالعه لقيت جارتنا (ام محمد) جالسه على جنب مع (عواطف)
.
.
قلت بسسسس ام محمد بتقطع رزقي اذا قطعته فحسبي الله ونعم الوكيل واذا كان بينهم شي فـ الله يظهره ويكشفه..
.
.
وانتظرت يدقون عشان اتوظف وللاسف مثل ما توقعت دقيت على عواطف تقول محنا محتاجين ودقيت على صاحبة المشغل (ام سالم)قالت محنا محتاجين xx حسيتها تتلكلك بالكلام وان عواطف مسيطرة عليها بالكلام ..
.
.
قلت خلاص الله يعوضني وراحت الايام..
.
.
وقبل فترة طلعت عند جاراتي واجتمعنا وقالولي كلام صدمني عن (عواطف) بانها جايه عمارتنا وداخله عند وحده من الجارات وتسأل عن بيت اهل (ام محمد) وتهدد انها تفضحها عند اهلها لانها تضبطها وتسنعها في المشغل وتطلع تواعد رجال.. وعندها ادله بالتسجيل..
وجارااااتي يقولون (عواطف ) انتبهوا منها تعرض على زباينها انا تسويلهم سحر وتستعين بجنسية *****معينة
.
.
الزبدة ربي اظهر ما بينهم وكشفهم ..
المهم اللحين انا قلت لزوجي اني ببلغ الهيئة على عواط
وقال زوجي ابعدي عن المشاكل .. طيب وش ذنب العوايل ! وش ذنب صاحبة المشغل (ام سالم) انها ماتدري عن (عواطف )وعمايلها؟!
.
.
اش الحل برايكم؟