سيدة الأناقه @syd_alanakh

محررة برونزية

اعوذبالله من الشيطان الرجيم لقيت في بيتي عقربه!!

يابنات لقيت في بيتي عقربه صغيره شكلها لسا بيبي وتخيلو فين لقيتها؟؟؟؟ لقيتها في دولاب المطبخ طلعتلي من بين المواعين!!!! من يتخيل انها توصل هناك

انا توي سكنت بيت العمر الله يبلغكم جميعا وهو عباره عن فله تحت وفوق ملحق الفله يبغالها وقت وميزانيه واحنا مستعجلين فقمنا شطبنا الملحق وسكناه والفله تحت لسا بلوك احمر فالظاهر صار مليان بلاوي اعوذبالله
محتاره من وين جت هالعقرب هل يمديها تطلع 3 ادوار؟؟ اللي مخوفني امها واخوانها لايكونون عندي في الملحق وبالذات في المطبخ<<<<<<كرهت ادخله والله

ايش الحل يابنات انا ارجف من الخوف الله يحمي اولادي وخصوصا الصغير ابو سنتين

هل فيه مبيد خاص بالعقارب مثلا ايش اسوي
زوجي يقول يمكن شالتها الجزم واحنا طالعين نازلين اومع النقل كانت بيضه في احدى الكراتين
صرت اهوجس اخاف تطلعلي امها في اي لحظه
اللهم اني استودعك ابنائي وزوجي ونفسي

يلزم عليك تسجيل الدخول أولًا لكتابة تعليق.

تسجيل دخول

بردقوشة@ • 14 سنة

الله يعينك

فية بودرة اسمها تقريبا ستويكس مو متاكدة مرة بس انها خاصة للحشرات السامة والداب بس خطيرة وشوفى لها طريقة استعمال خاصة ترش ع البيت من برا موجودة فى بعض الصيدليات

لينا الجميلة • 14 سنة

دوري الفتحات الموجوده في البيت في الارضيه او الجدار ورشي فيها بودرة بف باف وسديها
والله يكفيكم شرها

أحلااااهم • 14 سنة

الله لايعينك
جيبوا شركة مكافحه اي شي بس لاتقعدين كذا
احتمال كبير ماتكون لحالها ماودي اخوفك بس لازم تحتاطين

زمان وراح • 14 سنة

اختي افضل حل تخلصون البيت بسرعه وحالوا تطلعون من البيت لحد ما يخلص على الاقل التشطيبات النهائيه مولازم بعد ما تأثثون

وبالنسبه للبودره اذا رشيتيها انتبهي اذا عندك اطفال لا ياكلون منها

واقري الاذكار وبسم الله اللذي لايضر مع اسمه شي في الارض ولا في السماء وهو السميع العليم
والله بيحفظكم

golden eye • 14 سنة

ما ابغى اخوفك انتبهي لا تطلع الام و تقرص اطفالك ،، زوج خالتي مرة كان نائم في الارض و جاءت عقربة و عضت اصبعه ووده للمستشفى و الحمدلله لحقو عليه ،، اكيد العقربة لها ام ،، انتي شوفي لو ظهرت وحدة غيرها يعني في غيرها بس لمدة ا سبوع اذا ما ظهر شي يعني هي انتقلت مع العفش او الجزم على قولة زوجك ، و استودعي اطفالك على طول و ربي خير الحافظين