اغرااااااااااااااااااض الحج

http://forum.hawaaworld.com/showthread.php?t=239949
http://forum.hawaaworld.com/showthread.php?t=258014&page=2&pp=10

فيها توصيات بأغراض الحج...
وبعد راجعي موقع صيد الفوائد مرررره بيفيدك
دعواتك لي :)

الغالية انا بقول الاشياء اللي اتذكرها و ان شاء الله تستفيدين
طبعا قبل كل شي تفهي و اقري كتيبات عن واجبات الحج و كل شيء متعلق بالحج من احكام و الفتاوي اللي تحسين انها ممكن تمر عليج

نيي للمستلزمات
اولا:الملابس
****************
خذي معاج 3-4 عبابات
**شيل(تسمونها ملافع) :) و الافضل اذا تسوين لج خمار نفس اللي يلبسونها المصريات لانها مريحة جدا
غشوة - تلبسينها و انت محرمة
نقاب -2 افضل
****طبعا الغشوة و النقاب للي يغطون الوجه
جوارب 6 او اكثر
ملابس داخلية (خذي درزن) الكمية كبيرة لان ما راح تحصلين فرصة تغسلين ملابسك فالافضل تاخذين كمية تحسبين حسابك انك تلبسين و تعقين فالشنطة تغسلينها لما تردين بالسلامة
**جلابيات مريحة ( اكثر كمية ممكنة) ----- و تكون خفيفة لان الجو كا يكون بارد الا في منى و مزدلفة( يعني خذي قميص شتوي احتياط تلبسينه في منى و مزدلفة )

ثانيا: مستلزمات صحية ضرورية
******************************
** مناديل ورقية
** مناديل معقمة(ديتول)
** أغطية المراحيض-الله يعزك( يبيعونها في الصيدليات)
** صابون من غير رائحة
** مزيل عرق طبي
** شامبو
** فوط صحية(للاستعمال اليومي) مثل: كير فري
و يمكن في اشياء ثانية بس حاليا هاي الاشياء اللي تحضرني
ثالثا: الأدوية
********************
** أدول
** بندول
** فيتامين سي(الفوار)
** فيكس للحلق
** فيكس او ابوفاس
** فازلين
** لزق روق
** كمادات-شاش
** حبوب منع الدورة اذا كان موعدها( بس الافضل ما تاخذين) لان بعدين تتعبين
طبعا هاي الاشياء توفرها طبيبة الحملة لكن انا اقول احتياطا

الاشياء الثانية اللي ممكن تفيد:
****************************
كواية ----- كنا نكوي الاشياء الضرورية مثل العباية و الشيلة لما كنا في العزيزية
أغطية للسرير و المخدات و شراشف
جوتي مريح+ نعال -اعزك الله---- خذي جوتي اسبورت او الطبية
فوط (2) للاستحمام
دبابيس+ ابرة و خيط

----------------------------------

بالنسبة للاكل
*****حاولي تاخذين كرتون معمول الكرامة او اي شي مخذي لانك تحتاجين الى الطاقة و خاصة ليوم عرفة و الطواف و السعي فنصيحة انكم تتغذون عدل (كويس)
*******و اكثروا من شرب السوائل
و اذا تذكرتوا أختكم حناين81 فادعولها ان يبلغها الله مما يرضيه كل آمالها


ملاحظة : مثل ما قلت حاولوا تقرؤون عن المناسك و تفهمونها و اذا عندكم اي سؤال تسالون المشايخ عشان ما تختلط الامور عليكم و انتوا تأدون المناسك
ممكن ترجعون لكتيبات الحج و العمرة للمشايخ: ابن عثيمين ، ابن باز ، و الالباني رحمهم الله

ان شاء الله اكون افدتكم و سامحوني على الاطالة
الله يكتب لكم جميعا حج مبرور و ذنب مغفور و سعي مشكور ان شاء الله .......

.
مستلزمات حقيبة الحج :
أولا ً : حقيبة اليد الصغيرة :
ينبغي أن تحوي مايلي :
- مصحف مفسر صغير .
- كتيب الأذكار "حصن المسلم" .
- مسواك .
- قلم + نوته صغيرة.
- بنادول .
- مسجل "جيب" يعمل على البطارية .
- لاصق للجروح.
- مناديل ديتول "البعض يرى أنها معطرة".
- محفظة صغيرة للنقود "احملي معك كمية تكفي للصدقة فقط وتكون موزعة لفئات"
- جورب أسود إضافي .
- غطاء للوجه عند الحاجة لاستبدال النقاب "وقت الإحرام" .
- الأشخاص المصابين بالسكر يضعون قطع حلوى صغيرة "خشية ً من انخفاض السكر"..
والمصابين بانخفاض الضغط يحملون كمية قليلة من الملح أو الشبس المالح ..
.
ثانيا ً : حقيبة الملابس :
ينبغي أن تحوي مايلي :
- ملابس تناسب مناخ المشاعر ..وفي هذه السنوات الطقس بارد..
والملابس تشمل :
# جلابيات دافئة ومريحة إحداها متميزة ليوم العيد ..
# عدد 2 تنورة مريحة + بلايز قطنية دافئة ..
"هناك من يقتصر على الجلابيات وهناك من يقتصر على لبس التنورة والبلوزة ..
والأمر يعود للارتياح الشخصي..عن نفسي زاوجت بين هذا وذاك .."
# ملابس داخلية تزيد عن عدد أيام الحج ..
"يفضل استخدام الغيارات ذات الاستخدام الواحد من الصيدلية"
- منشفتين.
- شامبو + صابون + كريم + "أي من مستلزمات قبل أو بعد الاستحمام المعتادة"
بشرط أن تكون غير عطرية!
- شرابات الخروج "بعدد كافي بحيث ترمى بعد كل استخدام"..
- شرابات قطنية دافئة .
- شبشب لدورة المياة "أعزكم الله" .
- بوت خفيف وعملي "غير مرتفع للانتقال والتحرك بين الجمرات".
- كيس قماشي للملابس المتسخة .
- مشط "وأي كريم للشعر ينبغي أن يخلو من العطر" + ربطات للشعر ..
- عباء من نوع (الجلباب والخمارالذي تلبسه أخواتنا في مصر) بشرط أن يكون الخمار سااااتر ..والغرض منه مساعدتك أثناء السير بين الجمرات أو في الحرم ومنعك من التعثر ..
- طرحتان للشعر ..
- في موسم الشتاء مثل الحج في هالسنة قد تحتاجين لشال قطني خفيف أثناء الفجر "خاصة ً إذا كنت ِ تصلين في مكان مفتوح"..
- كشاف ..
- عدد 4 معاليق (مايستخدم لتعليق الملابس!) حديد من النوع الخفيف تطوى وتوضع في الشنطة ..وستستفيدين منها في تعليق منشفتك أو عبائتك ..
- مقص "تأكدي من وضعه في شنطة سوف تشحن"..
- كيس من النوع الذي يغلق بسحاب ..
"سوف تحتاجينه لوضع حاجياتك أثناء التنقل في يوم عرفة "..!
- سجادة للصلاة والرداء الخاص بك ِ أثناء الصلاة ..
- علبة أو اثنتين من أي نوع بسكويت تفضلينه "خاصة ً إذا كنت ِ مثلي لا يناسبك أي طعام"..
- بخاخ الديتول + مناديل جيب صغيرة ..
- حبوب مص للحلق + فيتامين سي مضغ ..
- شاحن الجوال ..
-جوارب خاصة ..(محشوة بالقطن الناعم ومبطنة بالجلد) ..
هذه مهمتها تقي قدميك ِ أثناء الطواف من الرضوض ومن أي مياه قد تكون مسكوبه ..
" تجدينها في محلات الجوارب المتخصصة" ..
- لحاف قطني من النوع الخفيف " لأن تجهيزات الحملات تختلف"..
- جميع الكتب والنشرات والأشرطة التي تخص الحج واستفدت ِ من قرائتها قبل ذهابك للحج لأنك ِقد تحتاجين للرجوع إليها في أي وقت !
- استشوار "إذا كنت ِ من النوع اللي يمرض إذا تعرض للجو البارد بعد الاستحمام!"
.
.
.
هذا مايحضرني ..
وطلبتك تدعين لي بخير الدنيا والآخرة وبحج مبرور عاجلا غير آجل..

و اختي ارجعي لرابط الاخت (قهوة بالبندق) الله يبارك فيها لان فيها اشياء مهمة تستفيدي منها

و في اشياء نسيتها و هي مهمة:
مقص
دواء للمغص
فكة ريالات عشان تتصدقين (لان هناك الاجر مضاعف)
و حبذا لو تشترين كرتون ماي و تخلين الريال يوزعها
كتيب فتاوي النساء عشان اذا اشكل عليك حكم ترجعي له (صح ان الحملات تقريبا كلها فيها دعة و مشايخ لكن الاحتياط واجب)
و المصحف
كتيب الاذكار
شيلة الصلاة(الافضل اللي تكون قطعة كاملة )

و آسفة على الاطالة

الف مبروك للي بتحج..والله يرزق الي ماحجت...
السنه الحج اكيد بيكون خيال,,,لان السنه الي فاتت رحت وكان الجو..روعه..برررررررراد..والله ماكانها فريضه قد ماهي متعه,,,سبحان الله اقول لاخواتي ان فروض دينا كلها حلوه بس الحج غير,,,كل شيء مرتب والناس معك بكل شيء,,وسبحان الله الحج يأدب النفس..ويروضها على فعل الطاعات..وترك المعاصي,,والله يكتب لي حجه ثانيه,,
ادري طولت بس ماحبيت انتقل لصلب الموضوع من غير مااذكر شعوري بالحج..

المستلزمات........
1-انا اخذت عباية راس الاسلاميه الي تكون مسكره ومفتوحه سبعه من فوق..بس البنات هناك خوفوني,,وقالوا لي :انتبهي لااحد يدوس على عباتك وتختنقين!!!!!!!!!
علشان كذا افضل تفصلين عبايه الي فيها طق طق او سحاب...خذي معك عباتين+شيلتين +نقابين+غطاء وجه..شرابات طوياه سوداء..+قران..
وهذا بخصوص لباسنا الاسلامي,,
2-خذي معك 9جلابيات الزياده ولا النقصان...ووحده كشخه للعيد ,,بس ابتعدي عن المشكوكه والملفته للنظر..ومع كل جلابيه شيله حلوه من نفس لون الجلابيه لانك اول الايام ماراح تقدرين تمشطين شعرك..فلبس الشيله يمنعك من مسكه..
3-مناديل ديتول+صابون غير معطر+فرشاه لها غطاء+معجون اسنان صغير+مشط+مقص+مقراض اظافر+بودرة جسم استعمليه لما تفكي احرامك..+فازلين +فيكس+نيفيا+2فوط حجمهم وسط..+فوط صحيه صغيره للاستعمال اليومي.+ونازل بالاسواق مناديل معقمه نسائيه لمسح منطقة.........اذا ماتوفر الماء+
4-شبشب للحمام بلاستيك حتى بعرفه ومنى خذيه معك.+جزمة رياضه مريحه+شنطه حجم ذراعك لتنقل فيها في عرفه ومنى+اكياس بلاستيك لوضع ملابسك المتسخه..
5-جاكيت ربيعي لان بمنى بالليل بيكون برد+ملابس داخليه الي تنرمي افضل..و9ستيانات+5سراويل طويله تمنع الاحتكاك..
6-فلوس اصرفيها لاتجيبينها 500ريال..لان احيانا تتوهقين تبغين صرف..
7-شنطه صغيره تتعلق عالرقبه تلبسينها بالحرم وتحطي جوالك وفلوسك فيها..
8-شاحن جوال 220...
9-بسكويتات +مكسرات +موالح
10-لازم تأخذين معك مره لالم البطن لان المعده تتعب هناك مع تنوع الاكل..
11-خذي معك صرف ريالات لو حبيتي تتصدقين فيها بالحرم..
12-سجاده وجلال صلاه..+صابون لغسل عباتك اذا توسخت..
13-المكياج ماله داعي ابد..والعطر ابتعدي عنه بالبودرات واللوشن المعطر..
14-كمام مثل حق الدكاتره لان عوادم السيارات ممكن تتعبك..
واذا تذكرت شيء بكتبه...بس ادعولي الله يسهل علي ولادتي...ويرزقني بالذريه الصالحه..