اغراضك في حقيبة سفرك...

باقولك هالاشياء اللي تحطينها بالشنطه(بس ترى سفره عاديه مو شهر عسل)
شوفي ياطويلة العمر نبدأ اول شي
اول شي المصحف الكريم هذا اهم شي ولاتنسين خليه اخر شي ينحط بالشنطه+سجادة
الملاااابس...
اول مانجهز ملابس الزوج :arb: يعني تحطين له لبس محترم بحكم انه لازم يكون دايما شيك اشتري لك مثلا اذا كنتي من النوع اللي تحبين تكشخين كم بلوزه من الماركات الغاليه زي بربري جورج ارماني ... وتنلبس بالاماكن الرسميه زي المطار المطاعم الكبيره اما بالنسبه للطلعات العاديه الاسواق بناطيل ججينز وكم لون من البناطيل وتي شيرتات حلوووه على حسب الجو واذا كان بارد تاخذين جاكيتين واحد للمطر وواحد للاجوواء البارده بدون مطر وملابس البحر كلنا نعرفها تتضمن شورتات او برمودات وبلايز خفيفه والوان منعنشه
بالنسبه للبسك انتي:icon28: خوذي لك مثلا اربع انواع من البناطيل و2 برمودا وكم تي شيرت لانه ماله داعي كثرة الملابس بحكم انك لابسه عبااايه وطبعا ملابس النوم ضروري جداوبجامتين عشان اذا الدوره جاتك ومانتيسين سراويل الدوره اللي تكون زي المشد لانها ضروريه بالسفر ...
بعدين نجي للفوط ومشكلة الفوط والارواب مشكله لانها تاخذ حيز كبير من الشنطه شوفي فيه فوط تنباع حجمها كبير يعني تلفين بها جسمك كله خوذي منها حبتين بدل الروب ولا تنسين فوطة الشعر لان الروب ياخذ مكان كبير وفيه ((يباع الروب اللي يكون فوطته رقيقه بس ماينشف زين)) وطبعا بامكانك تغسلينها هناك اذا كنتي بتطولين ...
واذا كنتي ماتحبين تنامين على مفارش الفندق يعني من النوع المسوس خوذي لك شرشفين من النوع الرخيص عشان ترمينها ...
وبالنسبه للعبايه خوذي لك 2 وحده كشخه للاماكن العامه ووحده وسيعه للبحر والشاطئ والانهار يعني عشان ماتخترب الكشخه والحجابات على حسب الدوله اذا اوربيه انصحك تاخذين عبايه ملونه وحجاباات حلوه يعني زي حجاب بربري لويس شانيل اشكالهم حلوو واذا انتي تتغطين نسقي بين الحجاب واللثمه ...((الملابس الداخليه)) كثري منها لانك تستهلكينها واجد يعني تقريبا كل الوقت طالعه وعلى الاقل بتغيرين مرتين باليوم وانصحك بسنتيانات لاسنزا اللي تجيك الوان اولا انها ماتاخذ حيز بالشنطه ثانيا انها مررريحه وغسلها بعد مريييح ولا تتعب الصدر لانها اغلب الوقت تكونين لابستها
المجوهراااات...
نصيحه نصيحه نصيحه نصيحه والف مره اقولك نصيحه احذري تاخذين معك مجوهرات اذا كنتي بتسافرين لديره مافيها ناس وعزايم البسي لك حلق ذهب ناعم وحلو ودبلتك وساعه فقط عشان تكوعليك طول فترة السفر ماتشيلينها الا اذا بغيتي تنامين
ادوات الاستحمام...
شي ضروري تاخذين ادوات الاستحمام مهك وتشمل ((شامبو للشعر-شور جل_ليفه-صابون للجسم-صابون للبشره-لوشن للجسم -بودره معطره-عطر فقط عند النوم ])) دائما توجد في الفنادق شامبوات وشور جسم ولوشنات للجسم ولكنها تكون من النوع الرديئ ومااحب استخدمها]] وماننسى موس حلاقه والة نزع الشعر (((واذا كان رجلك يحلق لحيته لاتنسين تاخذين ادوااته الحلاااقه كامله ))) ...
الاسعافات الاوليه..
فكس-زيت زيتون-بنادول-علاج الحموضه-بخاخ للربو-سابوفين للامراض الطارئه-علاج للحراره والكحه-تحاميل وربي تنفع بالسفر-جهاز الربو اذا كنتي انتي او زوجك مصابين لاسمح الله -لصقات جروح -المره وترى تنفعك مره -جهاز مقياس الحراره
ادوات اخرى..
فرشة شعر-ابر -خيوط-مشابك-ربطات شعر عشان مايتعبك ويسبب لك حر-شاحن الجوال-كريم مرطب للايدي والارجل فوط صغيره لها استخدامات كثر-فوط صحيه-واستشوار-وافياش كهرباء على حسب نوعية البلد المقصود.بخورودهن عود انا اموت عليهن فما استغني والفحم حق البخور:26: -- طبعا الكاميرا مافيه احد يستغني عنها عشان تسجيل الصور والذكريات ..
..
((الاغراض اللي تشيلينها بالشنطه)))
ورقه-قلم -محفظة النقود-الجوازات-مناديل معطره مهمه مهمه مهمه وانصحك بديتول رهيب مررره -مناديل جافه وهذي بعد مهمه-مقص اظارفر-اعواد اسنان انا زوجي مايستغني عنه -بخورودهن عود انا اموت عليهن فما استغني والفحم حق البخور:26: ..



اخواتي هذي بعض الاغراض اللي مانستغني عنها في الشنطه وياليت اذا فيه شي ناقص اتذكروني طبعا بدون اطفال اذا اطفال اشياء كثيررره ناقصه
ودمتم حرررم مودي:26: