بارك الله فيكي حرم مودي على طرح الموضوع فعلآ موضوع مهم جدآ لكل من هو مقبل على السفر سياحة او غيره لازم يأخذ معلومات مهمة حتى ما يتبهدل في السفر

اما عن تريتيبي لشنطة السفر أجيب أكبر شنطة عندنا <<<<<<<<<< شو اخش فيه فيل؟؟ خخخخخخخخ

اولآ لازم أبدأ بملابس ريلي:arb: لانه الله يسلمه دااااائمآ ينسى يحط غرض من الاغراض فما اريده ينشغل بهالامور فارتبله انا الملابس الي ياخذها
آخذله 1 جينز
بنطلونين بألوان مختلفة
3 او 4 قمصان للطلعة
ودشداشة وحدة ( ما يقدر يصلي إلا بالدشداشة هذا غير اوقات الضرورة عاد يكون مضطر يصلي بالبنطلون) وما يلبس الدشداشة الا لما يكون يبي يصلي داخل الفندق
2 لبس نوم
جوربين


اما ملابسي:icon28:
3بناطلين
3 او 4 قمصان
شيلتين على حسب لون الي راح البسه
2 لبس نوم
جوربين

فوطة وحدة كبيرة
علبة صغيرة صابون بودرة
آخر شيء مصلى (سجاة صلاة) + ليسو (لحاف للصلاة لي انا <<<<<<< عيل لريلي؟؟)
مكواة صغيرة
___________ وخلصت الشنطة العملاقة ______________________
______________________

اجهزلي شنطة متوسطة فيها عدة مداخل
في المدخل الاول احط فيها
4 _6 ملابس داخلية من النوعين ( لاني اغسلهم في الفندق كل ما استحم فما داعي آخذ اكثر )
علبة فوط صحية اليومية

مدخل ثاني
كل شيء حجم صغير ( شامبو + صابون + بلسم + معجون اسنان + 2فرشاة اسنان + مزيل العرق لي ولريلي + كريم للجسم + كريم للوجه)

مدخل ثالث
شارج للتلفون+ بلاج (محول صغير الي فيه عدة فتحات) + سشوار + بخور + فحم سريع الاشتعال + ولاعة للفحم

وهذي الشنطة (إلي فوق) أدخلها في الشنطة إلي آخذها في إدي وقت السفر للفندق وإلي احط فيها
لبس واحد لي ولبس واحد لريلي وبس + جوازات + 2 نعال رابر (زنوبة _ شبشب) لي ولريلي


وفي شنطة الي آخذها في إيدي( الhand bag) احط فيها

مرطب شفاه + كريم للوقاية من اشعة الشمس + محفظة + عطر صغير رجالي ونسائي + محارم ورقية جافة + محارم ورقية مبللة ومعطرة + أدوات للعناية بالاظافر( لاني عندي مشكلة في الجلد ما حول الاظافر مؤذي بشكل فضيع) + علك (جمع علكة) + مصحف صغير + الواك مان( مسجل صغير)+ كم حبة من الفوط الصحية اليومية + ملابس داخلية وحدة (للاحتياط) + علبة صغيرة فازلين + علبة بنادول +بانادول للاطفال + علبة بلاستر + علبة صغيرة صابونة سائلة+ لبس واحد لكل طفل (عندي ولدين)_ حتى ما نتبهدل في الطلعة + علبة صغيرة حلويات <<< علشان اسكتهم :42:



اما عن شنطة العيال احط لهم
6 اطقم ملابس طلعة لكل واحد (عندي ولدين)
3لبس نوم لكل واحد
فوطة وحدة
جوربين لكل واحد
كبوسة (كاب) وحدة لكل واحد

في شنطة صغيرة للسفر لغاية الفندق احط لهم
لبس لكل واحد
صابون + شامبو + كريم للجسم + كريم للوجه + مشط + فرشاة اسنان + معجون اسنان + عطر صغير)
نعال رابر (شبشب _ زنوبة ) وحدة لكل واحد


الشنطة العملاقة اكيد راح تروح للكارجو ( الشحن )
وشنطة العيال الي فيها اطقم ملابس كمان في الكارجو ( الشحن)
وراح نشيل في ظهرنا شنطتين (وحدة لينا والثانية للعيال ) هذا لغاية ما نوصل للفندق

وشنطة في إيدي آخذها في كل مكان ( بس ألبسها على ظهري لانها اريح ولا أشيل هم أبدآ والحمد لله )


وهكذا نسافر في أمان الله وبحفظ الرحمن :) بدون بهدلة ولا مرمطة والحمد لله رب العالمين وصلى اللهم على سيدنا محمد وعلى آله وصحبه أجمعين

مشكووووووورة

السلام عليكم ورحمة الله وبركااته

بناات اناا امممممم المهم عندي اهل لماا يجوووناا من ديرهم يكنون قمة الكشخه مع اني اسال وش هالشنطه اللي توسع لكل هالاغراض فمثل تحصلين عندهاا حركاات سريحاات عجيبه بريش كثيره واكسسوارات بالهبل وكل يووم طالعه بثووب والجزم ربشه قعدو عندناا شهرين طبعا ماا احبهم فلذلك ماا سالتهم كيف اتجيب هالاغراض معها والحين دورناا بنجيهم وخااطري اكوون بقمة كشختي نفس وانا في بلادي بس حناا 6 بنات والشنط لازم تكوون شوي وابي اجيب معااي نعالاتي واتوو بالكرامه واكسسوارات شعر وجسم يعني ابي احس اني ما طلعت من يلادي فاللي تحس انها مجربه انه تكوون كشخه في بلادها وغيرهاا تعطيناا من خبرتها وترتيبهاا

والي لازم تاخذ شغالته معه لابالبيت ولابالسفر اذا كنا بالسيارة شغالتي تعرف عربي حتى المزح وتضايقن بالبس والسيارة بالسفر بس شر لابد منه اطفالي صغار واحد بالاشهر والثاني سنتين واهلي يقولون خوذيها معك لاتجلسينه عندنا تحتاجينه والله ما اخذ قمصان نوم ولاشي الشقه محدودة مادري وش اسوي واتعب بعيالي ..

جزاك الله خير أختي وباقي الأخوات
موضوع متكامل ومرة مفيييييد ماشاء الله عليكم

حبيت أذكركم بالبوصلة ..
لمعرفة القبلة خصوصاً للي بيسافرون لدولة غير إسلامية أو قليلة المساجد

وعربية الطفل .. السترولر .. مرررررررررة مهمة
بالغطاء حقها البلاستيك اللي يحمي من المطر والهواء وغيره
ما أدري إذا أحد قالها .. بس حبيت أذكركم فيها



ويا أختي نجمة الود ..
أنصحك ماتاخذين الشغالة عيالك مرة شويين بس 2 ..
حتى والله توك على الشغالة أصلاً .. لو تنظمين وقتك بتستغنين عنها
على اني ياقلبي ماأحب أتدخل في حياتك .. بس بتنظلمين وبينظلم زوجك بوجودها
لأنك انحرمتي من اللبس من بدري وعيالك توهم صغار مايفهمون ..
إذا كبروا بتنحرمين من اللبس صدق

شوفي جربي هالمرة لا تاخذينها .. توكلي على الله ثم تعاوني أنت وزوجك عليهم ..

اشتري العربية حقت التوأم
تلقينها في كل محل موذر كير ولا سيتي بلازا

أحلى نوع اللي زي هذي .. مرة مريحة و في التسفيط ماتاخذ مكان





وإذا كنتوا مسافرين في السيارة اشتري لهم الكارسيت
وهو الكرسي الخاص بالأطفال في السيارة

والله بترتاحييييييييييين اسألي مجرب تقريباً بحدود 800 ريال ..
ولا تتغيلينه تراه عملي جداً جداً جداً في السفر وحتى في المشاوير الداخلية
ويعيش سنييييييين يعني لعيالك هذولي وللي عقبهم ان شاء الله ..

أنا من ولدت ولدي البكر طلعت من المستشفى وركبته فيه .. وماعاد استغنيت عنه ..
والله صرت أتعب بدونه

والله انهم ينامون من أول مانركب السيارة

حلو قعديهم فيه وربطيهم

أأمن لهم من لو شلتي الصغير في يدك والكبير يطامر ورا ..!! مررررة خطير

حتى الطفل يتعود عالنظام والترتيب .. الله يحفظهم


إذا تعبوا من طول الطريق وقفوا ارتاحوا وطلقوا رجيلاتهم شوي

و ركبي لهم الألعاب اللي بصوت ولا صور ومرايا ودببة .. تجي خاصة تتركب في الكرسي

أو جيبي لهم أي لعبة يلهون فيها


هذا الكرسي للي في الأشهر وله قاعدة تتركب بسهولة عالكرسي
و وجهه يصير للخلف يعني الطفل يصير ظهره في ظهوركم
فالأفضل تركبونه خلف كرسي السواق
لأن اللي بيسوق زوجك وعشان تقدرين تطلين عليه إذا احتاج
وهم حاطينه وجهه للخلف أأمن لرقبته لولا قدر الله صار شي للسيارة نتيجة سرعة أو فحطة مثلاً



وهذا الكرسي لولدك اللي عمره سنتين فما فوق



هذا وجهه للأمام يقعد زيكم .. وفيه منه أشكال و ألوان ..
وعشان تشجعونه عليه حطوا له ألعاب توسع صدره بيحسبه لعبة جديدة ..
موب بس تربيط وحبسه


قبل كل طلعة جهزي شنطهم من وإلى ............
رضاعات وحليب وموية وغيارات ملابس داخلية وخارجية
وخافض حرارة ومقياس وأكل لولدك الكبير
وحفايظ وبلاستيك نحطه تحت الطفل لتتغيير الحفاظ وتحطين فيه كم حفاظة
ومناديل التمسيح وفوطة صغيرة للتجفيف .. ومرهم المشق أو فازلين
أنا شريت البلاستيكه من سيتي بلازا مررررررررة عملية ومريحة



شريت موديل مختلف بس حلووووة


أنت توكلي على الله .. أدري انهم متعبين وأنا مثلك عندي طفلين الله يصلحهم ..
بس مالنا إلا نتحملهم .. وننبسط في السفريات وناخذ راحتنا .. بدال زقلبة الشغالات

الله يعيننا أجمعيييييييين :26: