ياسمينه ابوها :

فديت قلبكم وربي ماااتتوقعون ايش كثر مستانسه من فرحتكم ,يارب يارب كل وحده كتبت في صفحتي توصل للوزن الي تبيه بصحه وعافيه بدون هم ولاشر >>> تكتب والدموع في عيونها من ردودكم الي تفرح القلب. اول شئ اعتذر على التاخير بالرد للسبين الاول: ممنوع اشارك اكثر من 3 مشاركات خلال 24 ساعه والسبب الثاني جمعه حمولتي هالاسبوع عندي ودي تكون ممميزه وقاعده اجهز لها . خاطري ارد عليكن وحده وحده لكن المشاركات ماتسمح علشان كذا بحاول الخص كل اسئلتكم . بالنسبه للترهلات انا نزلت الوزن في 8 شهور يعني فتره كبيره مو صغيره . فالترهلات بسيطه جدا لاتذكر راح اقولكم بالتفصيل ايش كنت اسوي علشان كذ الترهلات مره قليله , كنت كل يوم خلال 8 شهور قبل لانام تعرفون فازلين بزبده الكاكاو اتم ادلك بطني والارداف يمكن فوق نص ساعه هالمعلومه خذيتها من طبيبه كانت جارتي تقول ان تدليك الجسم بالفزلين وخاصه الكاكاو يخلي الجسم مرن وقابل للتمدد والتقلص برفق بدون مايصير له مثل الصدمه .ومو بس كذ وانا اتروش اتم ادلك جسمي بزيت جانسون .بالاضافه اني كنت يوميا تقريبا نص ساعه اوقف على اول عتبه في الدرج واتم اطلع وانزل مو بس كذ كنت اتم احرك جسمي بحركات عشوائيه مثل الرقص لكن مو رقص لاني ماعرف ارقص لكن كنت اتخبى علشان لاحد يشوفني ويضحك علي . وفي شئ ثاني بعد كنت طول اليوم اكل علك لاني قريت ان العلكه تمرين ممتاز للشد ترهل الوجه >>> صارت خبيره من كثر ماقريت في هالوصفات والرجيمات . يعني ماحس نفسي محتاجه اي عمليه تجميليه علشان الترهلات. وللبنات الي سالوا عن موقف حمولتي بعد ماوصلت هالوزن ,,, اختلفت ردات الفعل راح ابدا في حماتي الي تقول حرام هي زوجه اخوي المزيون قسم بالله وربي شاهد ان من كثر غيرتها تغير لونها وماتحملت تم جالسه واتصلت على زوجها وراحت بيتها يعني كلامها الي كان مثل السم مو من مبدا اني اتغير لا هدفها تخرب علي وبس بس ماقول غير حسبي الله وكفى. اما حمااتي الكبيره الله يسعدها ويعطيها على قد نيتها قامت تحظني وتقول انا مستاسنه حدي لك الله يتمم لك وقالت كلام كثير دمعت عيوني لكن هالانسانه بطبعها اخلاقها عاليه وقلبها طيب. سلافاتي طلعوا اشاعات الي تقول مسويه عمليه شفط والي تقول مسويه عمليه تحوير وانا ربي يشهد علي حتى حبوب تخسيس ماخذيت يعني نظامي رجيم ورياضه بس . بالنسبه لاهلي لا تقلبون علي المواجع :icon33: انا ساكنه بعيد عن اهلي فوق 1200 كيلو واشوفهم مره ولامرتين في السنه :44: راعيه الهاشمي : ماعليك من كلام الناس انك عريضه ومستحيل يصير شكلك حلو ترا انا سمعت من هالتحطيم اشكال الوان لكن اقولها لك باعلى صوتي كتوفي مره مره صغرت وحجمي مره صغر بالعكس صرت لما البس جاكيت احس نفسي ملكه . اخت الجروح : بالنسبه لاختك انا اشوف الي نزولهم بطئ احسن شئ نظام الاسابيع . نظام الاسابيع عباره عن كل اسبوع توحد لها نظام معين وتم عليه طول الاسبوع وكل اسبوع تغير , خلاصه الكلام مثلا تقول بسوي رجيم 16 اسبوع تحط للكل اسبوع نفس البرنامج وكل اسبوع تغير علشان الجسم كل مايجي يتعود على معدل الفقد على طول تصدمه وتغير النظام وخليها تمشي ترا المشي ممتاز للكل الجسم . ربي احسن مثواي : اول اسبوعين الخضار والفواكه بس بين في الميزان لكن كنت احس بخفه في الحركه. على النيات: بالنسبه للعزومات والزيارات كنت متبعه سياسيه اني اغرف بصحني عادي مثل كل الحريم علشان لاحد يمسك فيني ليش ماغرفتي واتم اطعمي بنتي طول الوقت طبعا بنتي عصله مادري على مين طالعه. وانا اكل لقمه ولا لقميتن واتم نص ساعه وانا امضغ في اللقمه يعني ممكن تمر نص ساعه وانا في قطعه ميني بيتزا وفي اليوم الي اعرف ان عندي عزومه ماكنت اتغذى علشان السعرات الحراريه الي كنت باخذها من الغذاء اكلها في العزومه . الشاكره لله: خمس شهور فتره كافيه تقدرين تنزلين فوق 30 كيلو بس اهم شئ الاراده ثم الاراده خاصه كل ماكان الوزن كبير النزول اسرع بس اهم شئ لا تحطين اي شئ في فمك قبل النوم ب3 ساعات ,,,ماذبحنا غير الاكل تالي الليول. بالنسبه للبنات الي سالوا 2 كيلو كم تاخذ وقت انا عندي جهاز مشي كل يوم كنت امشي 2 كيلو بسرعه 6 تقريبا كانت تاخذ مني 25 دقيقه . جبرني الوقت: لو خففتي النشويات واستمريتي على المشي اكيد راح ينزل وزنك لكن ببطئ راح تشوفي النتيجه على المدى البعيد. دعجه 111 انصحك تجربين هالرجيم للمده شهر وبعدين علميني بالنتائج , الصباح توست اسمر + شاهي + برتقاله الغذاء : شوربه خضار + قطعه دجاج مسلوق العشاء زبادي . هذا الرجيم ممكن في شهر ينزل 10 كيلو طبعا مع المشي. Staar82: طولي 167,,,, لا خلاص ماعاد ابي انزل وزن اكثر لان 65 مثالي بالنسبه للطولي الشئ الوحيد الي ابيه الحين اني احافظ على هالوزن ,, كل حمولتي مو مصدقين اني 65 يقولون اقل بس انتي خايفه من الحسد . السديم : النظام الي ماشيه عليه الحين اكل من اكل البيت عادي لكن بكميه مره قليله مثلا لو مسويه محشي اخذ لي حبتين كوسا اذا كان حجمها صغير وحبه اذا حجم الكوسا اوك,,, وقيسي على كذ كل شئ وطبعا قبل النوم ب3 ساعات ممنوع الاكل .ومستمره على المشي يوميا . Warm ice لازم تمر فتره يثبت الوزن لكن نصيحتي اول مايثبت وزنك غيري عدد سعراتك يعني اول يوم خذي 1000 سعر حراري ثاني 1200 ثالث يوم 800 وهكذ يعني لا تخلين جسمك يتعود على شئ كل شوي فاجئ جسمك بنظام جديد واول مايبدا يتعود عليه غيريه. *التفاحه * صدقيني اني كل يوم كنت اسمع كلام مثل السم للدرجه اني قمت اشك في انوثتي مع ان بشهاده الجميع وبما فيهم زوجي ان وجهي مره جميل لكن جسمي كارثه قوميه . النموسه : بالنسبه للوضعي مع زوجي الحمدلله تغير 180 درجه صرت انا الي ادلع عليه ,,, الحمدلله حسيت نفسي زوجه وام بعد ماكنت ام وبس حتى صرنا نطلع ونتمشى ونسولف حتى ذاك اليوم كنا في مطعم وانا مسويه نفسي رقيقه وناعمه كليت لقمه وقلت خلاص شبعت وتبين الصراحه الود ودي ابلع الصحن وهو يترجاني اكل يقولي والله ماكلتي شئ وانا اقول لالالالا خلاص ماني قادره >> ابوك يانصب كان ودي ابلع الصحن بس لزوم الرقه :) تعبت ابي انحف : ياقلبي انا اكثر وحده حاسه فيك ,,حبيتي نصيحتي لك عليك بسهام اليل انا كنت اقوم ادعي واصلي ان ربي يعيني ويقوي ارادتي بالنسبه للنظامي ياقمر انا كتبته في اول صفحه. Jore : اصعب شئ الفخوذ حتى انها اخر شئ ضعف فيني ,,, تصدقين ان اول شئ اختفى الكرش . اذا طولك 163 حلو تكوني 56 يعني شدي حيلك يتنزيل 10 كيلو .,, صحيح البدايه مره صعبه لكن اول ماتمشين شوي في الرجيم بصير الوضع عادي :) بنات الي اسئلتهم مشتركه جاوبت بشكل عام لكن الي سالت اسئله معينه جاوبت باسمها علشان لاحد يزعل مني . ارجع واقول كان ودي اجاوب عليكن كل وحده باسمها لانكم اكثر من خوات لكن يكفيني اني اقول يارب يارب كل وحده فيكم تصل للوزن الي تبيه بصحه وسعاده بدون هم ولاشر . .

فديت قلبكم وربي ماااتتوقعون ايش كثر مستانسه من فرحتكم ,يارب يارب كل وحده كتبت في صفحتي توصل للوزن...