اجابة سؤالك هل معاه حق يزعل ؟؟
لا مو من حقة يزعل اذا تذمرتي من كثرة المصاريف
لانه اصلا مش واجب عليك انك تصرفين على الرجال وبيته يالشنب
لكن انتي بادرتي بالكرم
مو الكل يفهم المبادرة والكرم الا بالعكس في نوعية جاحده من البشر تعتبر مبادرتك بالمساعدة واجب عليك وبعد فترة ياويلك لو ماساعدتي واصحك تفتحين فمك او تعترضين انتي اصلا ماسويتي ولا شي طول هالسنين
لاتنسين إن انت اكرمت الكريم ملكته وان انت اكرمت اللئيم تمرد
وفهمك كفاية

لاتشتكي قدامه من كثرة المصاريف وانك تعبتي عشان مايزعل مع انه شييييييين وقوي عين شايفك تصرفي وشايله عنه حمل وفوقها يمد البوز لاحمداً ولاشكورا
اذا استلم راتب اربعه شهور معناته راتب عالي لانها متراكمات قبل لايستلم راتبه اكتبي طلباتك وطلبات اولادك في ورقه ووريه النواقص
وفهميه يجمع من راتبه للطوارئ
وراتبك افتحي لك حساب توفيري بالبنك تجمعي فيه دون علمه حتى مايحط عينه عليه
قللي صرفيات حبه حبه وخليه ياخذ دوره في النفقه حبه حبه مع الصبر لانه تعود على الاسراف بوجودك وصعبه يمسك يده مره وحده
فلوسك اجمعيها وخلال الاربعه شهور خليه يدبر لكم اموركم اعتبري نفسك مو موظفه كيف بتعيشو؟؟؟ راح يتصرف ويصرف عليكم ومايفتح فمه بس لانك تعودتي تشيلي كل شي الرجال مرتاح يعطيك الفين والباقي الله العالم ايش يسوي فيه
الرجال اذا صرفت عليه حرمه ينبسط ويدور على حرمه ثانيه يصرف عليها ويعيش دور الرجوله عليها
الرجال قوامون على النساء مش العكس
انت توظفتي تساعدي زوجك بالقليل مو تشيلي عنه الحمل والمسؤوليه حبيبتي
راجعي نفسك ودبري امورك حتى بكره ماتندمي ويجي يقولك انتي صرفتي من نفسك محد جبرك لانه ماراح يشوفها تضحيه بيشوفها واجب عليك

كل كلامكم حلو والي تقول عشوائي في الصرف بالضبط ولا يشيل هم شي لا اطفال ولا بيت العمر ولا اش ناكل بكره اهم شي اليوم انبسط وبس وانا عكسه نفسي أمن مستقبلي

أنت الرجال ولا هو راتبك لك هو الي مسؤول عن مصروف بيته وعياله ومصروفك كمان ويحمد ربه أذا ساعدتيه
أول ماينزل راتبه روحي قضي أغراض البيت المنظفات خذي بالكرتون واكياس الزباله والسفر تجلس معاك سنه وخذي كرتونين دجاج والاشياء الي ماتخرب زي المكرونه كيس كبير والدقيق كمان وأي شي مايخرب خذي بالكرتون تكفي سنه أو ٨شهور كذا راح يخف عليك الصرف خلي مقاضي بيتك كل ٦شهور تقضين وماله حق يزعل الى يحمد ربه

ويسعدك يارب
انا ابقولك نصيحه
دائما وابدا قهرك باي شي لاتاخذين حقكك بعناد
مستحيل تطلعين بنتيجه مرضيه
خوذيها بكيد وضحك
بعطيك مثال
شفتي شراء جوال
قولي اه حلو ابغاك تشتريلي مثله
قال عطيني فلوس ازعلي وقولي اوريك انا مابخل عليك ولا على العيال ولا على البيت يوم طلبتك ترفض
طيب انا ابشتري من فلوسي
والشهر هذا خليه يشوف انك صرفتي كل فلوسك على نفسك وريه كل الي شريتي
واشتري مكياج واغراض اكثر منه المهم جاء
طلبيات العيال ومقاضي البيت
قولي فلست
عاتبك عاتبيه
والله يسخركم لبعض ويالف بينا قلوبكم