%SARAH% :

اششششششششكر من كل قلبي كل من رد علي .. الله يوفقكم ويسعدكم ولا يحرمكم الاجر .. يالله من بعدكم صارت احداث كثيره .. ابوي قالي انه مافيه سبب وانك اذا رفضتي ابفصلك من الجامعه ومافيه طلعات وانتي مدلعه ومن هالكلام انا انهرررت عشت اسبوعين من اسوء اسابيع حياتي وطبعا اخوي للحين مايكلمني ولا يسلم علي ويحاول في ابوي انه يخلي الملكه بعد اسبوعين .. انا استمريت بالدعاء والاستخاره وقلت لكم قبل اكثر شي متعبني شكله لما اشوف الصور اكشششش وانفر .. ما ابي وسيم بس ابي شخص ارتاح له اللي متعبني اني ارتحت بالبدايه شوي خصوصا لما كلمته بس بعدها رجعت اسوء .. المهم انا وقفت بوجه الكل واصريت انه يجي واشوفه ثانيه واقعد معاه .. اهلي استنكروا هالشي واخوي عصب وقال فشسييييله بس انا اصريت وفعلا جاء قبل يومين وقعد مع ابوي بالاول واتفقوا على كل شي وتقريبا حددوا تاريخ الملكه بعد شهرين ونص :(:( وانا دخلت واول ماشفته صح غير الصور يعني افضل .. بالبدايه انبسطت من هالشي بس اللي نرفزني ان الحلسة ثقيله يعني ابي اطلع من المجلس احس ما ودي اجلس معاه .. حتى اسأل نفسي واقول معقوله ابتزوجه .. ما اعجبني صوته ولا كلامه ولا شي حسيته شديد وصعب بالتعامل .. قعدت حوالي ساعه وطلعت ووجهي مصفوق ومو قادره ابلع ريقي .. توقعت اطلع مبسوطه او مرتاحه بس ماتوقعت اطلع وانا اسوء ,, ما انكر بالبدايه ارتحت لشكله لانه افضل من الصور بس بعدها مدري ليه حسيت اني مخنوقه .. المشكله اننا قطعنا مشواااار واهله يبون يرسلون الشبكه والملكه تحددت .. وش اسووووووي ؟؟ وش هالشعور اللي فيني ؟؟ اهلي تعبوا مرره .. ابوي ياقلبي ماينام من الهم .. اخاف افشل اهلي واجرح الرجال واحاف من الشعور اللي جاني :frown::frown: اخاف استمر ما ارتاح له واتورط .. للحين الحيره فيني .. لما اتذكر صفاته وان اهلي مرتاحين له اقول اتوكل على الله واكمل بس ما اقدر انخنق واتضايق ما احب اتذكره احسه هم على قلبي .. ولما اتذكر اني صغيره اقول وش حادني خلني انتظر اللي اقتنع فيه وارتاح له اكثر .. وش رايكم محتاجه مساعدتكم

اششششششششكر من كل قلبي كل من رد علي .. الله يوفقكم ويسعدكم ولا يحرمكم الاجر .. يالله من...