هلا ام الفاتح

انا سبق واشتركت بنادي مستوصف الاسره في السويدي البديعه

والاشتراك عندهم ب300 تمارين سويديه مع الاجهزه وباشراف المدربه طبعا والزين فيه ان المدربه جاده وشديده التمارين من السبت الى الخميس من 4 الى 9او 10 وطبعا اول ثلاثه ايام بالدوره ما تجين ويعوضونك عنها ثلاثه ايام بكل شهر وفيه فتره صباحيه الى12 الظهر
وفيه حمام ساونا وبخار ومسبح وهالكلام من ثلاث سنوات كانت المدربه مصريه بس سمعت انهم بيلغون المسبح علشان يوسعون الصاله لان عليهم اقبال غير طبيعي وخصوصا ببداية الصيف علشان موسم الزواجات بس صراحه انصحك بالاشتراك بنادي لان في البيت ما راح تداومين على التمارين انا على ان عندي خلفيه عن التمارين السويديه للبطن الا اني ما قدرت استمر عليها بالبيت يوم ايه ويوم لا ورجيم مافيه لكن بالنادي تشجيع ومتابعه من المدربه وصدقيني بتشوفين الفرق في اسبوع
والحين فتح عندنا نادي صحي نسائي جديد بمستوصف المجد واسعاره رخيصه جدا

الحمادي وش رايكم فيه .. احد جربه هو افضل او التخصصي ولاحظتوا فرق بجسمكم

اطيب قلب
ليتني قريبه منكم عند اهلي كان والله سجلت سمعة هالمركز فوووووووووووق
لكن انا بالروضه

سجلي ياقلبي للي قريب من بيتك عشان ماتتكسلين في الروحه له الان الموضوع يبي له مواصلة
وانا صراحة مشتركة في الامير سلمان اول مرره كان كووووووووويس
وكمان يمدحون نادي التخصصي الطبي الي على طريق الملك فهد بس مشكلته بعيد عن بيتنا

ياجماعه أنا جسمي زين وأصلا ماأحب الرياضه
بس ودي بنادي أروح لتسليه ودي أتعرف على وجيه جديده
مليت من كثر مقابل خشش خواتي
ومافيه إلا النادي وأبي أتعلم أشياء مثل كمبيوتر اوأي شي بس يكون منوع لأني أم الملل بسرعه أطفش