أم عبد المنعم :

انا ما تصورت ان فيه مشكله بالسلق أو التقطبع و الا كنت صورتها و لو كنتوا قلتوا من أسبوع كنت لسه عاملاه كنت صورتها لعيونكم حبيباتي علي كل حال انا هقولكم الطريقه و ان شاء الله تفهموني حطي القدر و فيه ماء و شوية ملح علي النار حتي الغليان ( و القدر يجب ان يكون أكبر من حجم الكرنبه و الماء يملأ نصف القدر فقط ) و بعد الغليان تهدي النار و تخليه علي النار لسلق الكرنب. تشقي الكرنبه حول الجزء اللي بالوسط ( الساق ) بالسكين كأ نك بتعملي دائره أو مربع حول الساق و تحاولي تفصلي ورقه ورقه براحه خالص علشان ما تتقطع و اذا كانت الكرنبه كبيره تحطيها شويه بالماء المغلي اللي علي النار و تحاولي تفكي الورق هيتفك معاكي بسهوله . و تسلقي الورق لمدة 4 الي 5 دقائق ( وده بتوقف علي نوع الكرنبه يعني فيه كرنب ما ياخد وقت و فيه نوع بيحتاج لوقت أكبر) المهم تحسي الورقه بقت لينه شويه مش كتير علشان متتهريش. و بعدين تاخدي كل ورقه و تتنيها علي بعضها جزئين و تخلي الجزء القاسي اللي بالوسط علي الجنب و تقطعيه بالسكين و تقطعي الورقه بسهوله الي اجزاء بالحجم اللي تحبيه . و الحشوه زي ما قلت زي الرول و لو الورق رقيق و مفرود ممكن تثني الأطراف زي السبرنج رول ( بس عادة الكرنب بيتلف دون ثني الأطراف لان بيكون فيه عروق سميكه شوي او الورق معرج يعني ما بنفع ثني الاطراف ) المهم الحشوه ما توصل للاطراف علشان ما تطلع منها. ان شاء الله تكونوا فهمتوني. و أي سؤال أنا حاضره و ان شاء الله لو توفر عندي الكرنب أصور طريقة السلق و التقطيع و الحشو و انزلها لعيونكم حبايبي.

انا ما تصورت ان فيه مشكله بالسلق أو التقطبع و الا كنت صورتها و لو كنتوا قلتوا من أسبوع كنت لسه...