طبعا كل وحدة عندها طريقه معتمدة لعجائن الفطاير
وطبعا نقرا في المنتدى عن عجينه العشر دقايق الرائعه
وعجينه الربع ساعه
وهي كلها طبعا ماعليها كلام
ولكن طبعا هي مسميات ولا هي تتخمر لاكثر من ساعه
ونسمع عن عجاين تحتاج بيض او زبد او مدري وشو
وعجاين تقولك مقاديري مضبوطه بالملي..وفي الاخر تقولك ..زيدي دقيق بكيفك حتى تتماسك العجين..وهنا انقهرررررر
انا ابي طريقه بالقياس بالضبط
وهذا اللي راح يصير اليوم
مع عجينتي
اولا
مقياسنا راح يكون بكاس الجبن
المقادير والطريقه..
3 ملاعق كبيرة سكر
3ملاعق كبيرة حليب باودر
1 ملعقه كبيرة خميرة فوريه
1 ملعقه صغيرة باكنج باودر
رشه ملح
ذرة فانيليا
1 كاس ماء
اقل من نص الكاس زيت
تخلط جيدا..بالمضرب اليدوي.. ثم يضاف اليها
3 كاسات دقيق ابيض فاخر
وبس ولاتضيفين عليها اي شي ثاني غير اللي انا كاتبه
وتعجن جيا لحد ماتبدا تنفك من ايدك وتتماسك ماراح تاخذ منك 3 دقايق
ثم اعيدي عجنها وكوريها
واتركيها ترتاح ح ساعه الا ربع او اقل اذا كان الجو حار
واذا بارد عاد حطيها في مكان دافي..وممكن تاخذ وقت اطول في التخمير
بس مش اكثر من ساعه
ملاحظه
ولمن تجي تستخدميها لاتعجنيها من جديد استخدميها على طول عشان تنفرد لك وتتشكل مثل مابدك
انا اسوي بها كل انواع الفطاير من بيزا وخليه وقوارب وكورسان ودونات وحتى السينبون
بس اذا كان للبيزا حطي ذرة من بودرة الثوم مع العجين
تعطي نكهه مرة مميزة
طبعا سويت منها اشكال واجد لكن ماصورت الا اللي تشوفون
وهذي وحدة من فطايري
حشيتها بحشوة الكودو بالجبن
اتعب اقووووووول قطن
وميزة ثانيه
مايحتاج تدهني السطح لابزيت ولا دقيق ولاشي اثناء الفرد
شوفوا هالصورة..فردت طوالي بدون رش دقيق
وهذا السنبون
طبعا تقدرين تسوينه كبير بس انا احبه وسط
وحطي عليه الصوص اللي يعجبك..
احب اغرررررقه بالصوص
وهذي صورة من قريب
طري من برا ومأرمششش من جواااا
وعلى فكرة ترا الفطاير بهالعجينه تتفرزر
بس يوم تحتاجينها طلعيها وسخنيها بالمايكرويف او الفرن ثم غطي عليها شوي وقدميها
او حطي لها الشيرة او الصوص اذا تحتاج
........
وبالعافيه عليكم
ادعولي بالذريه الصالحه في هالشهر الفضيل
اختكم الفجر
