افكاركم لمنيو مطعم نسائي

السلام عليكم
انا عملت مبدئيا القائمة اللي حابة اعتمدها في مطعمي ان شاءالله بس دا ما يمنع اني اشوف المزيد من الأفكار والنصائح لعل وعسى وفي نفس الوقت محتارة لو قلت راح اسوي اكلاتنا الشعبية وكدا والأكل العادي حق البيوت رغم تميز طعمه احس صعب الوحدة تخرج تروح مطعم عشان تاكل الاكل اللي هيا معتادة عليه ومن جهة تانية اشوف البنات طايحين على المطاعم اللي طابعها غربي انواع الاستيك والصوص والبطاطس وغيره والأكلات اللي انتو عارفينها حقت مطاعم دحين ومشكلة النوعية ديه من المطاعم فين الاقي السعوديات اللي يتقنو الأكلات ديه ولو قلت مشاوي وأكل شامي يا مكثره ما شاءالله وفي حاجات مهمة أساسية شوربات عشرة انواع مكرونات ولازانيا صنف ولا صنفين من رزاتنا الشعبية سلاطات ومقبلات وديه ياريت تعطوني فيها ابداعاتكم وارائكم غير التبولة وبابا غنوج ابغى حاجات غريبة وسوري عالاطالة بس عشان توصل الفكرة