افكارنا واعتقداتنا المضحكة يوم كنا صغنونات :)

يا هلا ومية هلا

شلونكم بنيات

ان شاء الله بخير

موضوعي وما فيه

يتمحور حول >> عدال يا الصحفية

افكارنا ومعتقداتنا يوم ما كنا عنونات


وانا اول راح اتحفكم ببعض من أفكاري النيرة اللي كانت مالية راسي وكنت وقتها واثقة منها مية بالمية ومقتنعة فيها انها اهي الصح ما انها كانت كلها خرابيط بخرابيط تفكير جهال لا أكثر ولا أقل

( 1 )

الكوتكس / الاولويز / الفوط النسائية >>> قلتها بكل اللغات علشان الكل يفهم معناها >>> كأنه محد يعرفها غيرها خخخ

هذا وانتو بكرامة كنت قبل يوم اني صغيرة اظن وافكر ان المذكورة أعلاه يستخدمونها الحريم :10:علشان تكون بديل للحمام لهم

اوضح اكثر

يعني علشان اذا كانوا رايحين زوارة او طالعين مكان مايطرون يروحون الحمام ويتفشلون جدام الناس :scream:>>> ما تحسون انه تفكير واحد محشش لين طلع الحشيش من أذانه خخخخ

ايه والله من صجي اتكلم مو اختكم في الله اكبر خواتها :28:

ودايما كانت الاسئلة وعلامات الاستفهام تدور فوق راسها :confused:

وكانت سالفة استخدام البتاعة المذكورة سابقا محيرتني وايد

فـ من وجهي نظري ومن حكمتي ورأيي السديد :23:

ما لقيت لها استخدام غير اللي كتبته لكم

_______________________________________________________________________________________

( 2 )

الشيرة / الحلاوة


بالنسبة للمسألة الثانية اللي حيرتني ودوخت راسي لين ما لقيت حلها >>> مو اختكم قبل كانت نيوتن ما غير اطالع بالحريم حواليها وتبحلق بغرضانهم وتتساءل :confused-:nerd: لين تلاقي الحل المسكت مثل وجهها

اهي الشيرة وبشنو يتستخدمونها ؟؟؟

كنت اظن قبل انها نوع من اوناع الحلويات يشترونها الحريم ويخشونها عن عيالهم علشان ياكلونها بروحهم وما يعطونهم منها حتى كنت اسميها حلوى يعني مثل الحلوى العمانية خخخ

_______________________________________________________________________________________

( 3 )

الولادة

هذي عاد ظليت معتقدة ان الحرمة اذا جو يبون يولدونها لازم يشقون بطنها ويطلعون البيبي منها لين وصلت لي ثانية ثانوي وما دريت بالخير اليقين الا من بنت عمتي >> اصغر مني <<

عاد يوم عرفت بأفكاري حول الولادة وطريقتها انصدمت مني بشدة صارخة بأعلى صوتها لااااااااااااا مو جذي

عاد اهني وبذكائي وفطنتي التي فاقت كل الحدود والمقاييس جاوبتها :biggrin2:والحلج مشقوق من الاذن لين الاذن الثانية : اي عرفت نفس الحيوانات صح

بعد ردي الديناميتي لا تشوفون وجه البنية :icon810::icon810:

ومن يومها عرفت شلون تولد الحرمة خخخخخخخخ

_______________________________________________________________________________________


بانتزار تفاعلكم وردودكم

وعساها ما تكون مثل سواد الوجه اللي كتبته فوق