amonah
شكرا عزيزتى على المداخله وبارك الله فيك وارجوا من الله ان يوفق الجميع فيما يحبه ويرضاه
وفعلا الانسان محتار وها الحيره هاى معقدتنى انا قريت ردود الاخوات الغاليات فاالبعض يقول روحى والبعض يقول لا وهذا فعلا اللى مازم حالتى اروح والا لالالالالالالا

يااااااااااااااااااااااااارب فرج علينا يارب وأتى اللى فيه الخير

شكرا من كل قلبى على ردك وبارك الله فيك:26:

السلام عليكم

اولا مبروك الاسم الجديد ومبروك على وخيتك ان شاء الله بالعمار و كثرة الصغار:04: :04:
ثانياً:
اسمعي مني انا كنت في طرابلس من فترة بسيطة وصدقيني راهو في حوايج غادي احسن بكثير من هنايا وباسعار تهبل وكلها موديلات اوربيه ايليقانتي يعني زي مانقولوا
تعرفي انا كركرت وشريت من هنايا ووالله ندمت لان في ليبيا كل شي موجود والحمدلله ربي يديم النعمة علينا وعلى المسلمين

بالنسبة ليا ماعادش نحب نلبس العريان والضيق حتى كان فوقه شال لذلك ما نشريش من امريكا الا ملابس متاع طلعات العشية زي البلايز والبنطلونات ا وتايورات لما جتني مناسبة غادي مشيت شريت جلباب واسع مطرز ولبسته مستور ومميز مش هالقفاطين مانعرفش كلهم نحس فيهم زي بعض
يعني الموضه ليها قداش عام ماتغيرتش الموديل الطويل ومن فوق عريان يا اما بكم واحد يا اما كمين ولا من غير اكمام بكل :29:
والله ياوخيتي النساوين في العراس كلهم تقولي نسخة استنسيل زي بعض من التسريحه للقفطان للكندره كله سيم سيم
هذا رايي الشخصي طبعا وممكن يكون غلط كل واحد وذوقه

في فساتين افراح راقية وحلوة واذا مالقيتيش اللي يناسب ذوقك تقدري تفصلي ومش غاليه الخياطه والاقمشة رخيصة وحلوة مش زي هني الخياطه غاليه ناااار
الفلوس اللي بتشري بيها من كندا ارفعيها معاك وحوليها غادي وشوفي جوك عاد وين تبي تبضعي عندك من سوق جامع الصقع لي زرقاء اليمامة ومحلات حي الاندلس انتي وميزانيتك كخخخخخخخخخخخ

وكان عالهدايا خودي حاجات رخيصة ومفيده تكون مافيش منها عندنا او صعب الحصول عليها زي الادوية اللي تكون اوفر دا كاونتر يعني ماتبيش روشته باش تصرفيها وهادي الناس يفرحوا بيها هلبا
اما بالنسبة لاختك العروسة جيبيلها فستان نوم حلو ولا بيجاما مع شويه مكياج او ممكن تجيبيلها شنطة الحمام اللي يكون فيها كريمات وشاور جيل ومرطب ومعطر الجسم هادي هدية حلوة للعروسة طبعا اختاري ماركة مليحة انتي وميزانيتك و لاميمتك ايشارب والا شنطه وهما اكيد حيقدروا ظروفك مش لازم كل العيله تهديها :o
توا قريب يبدا السيل متاع الربيع وان شاءالله تحصلي حاجات حلوة ورخيصة

و نصيحة يا نارنجه مرة ثانية ماتخليش نفسك لاخر لحظة يعني ديما لما تشوفي حاجة تعجبك على السيل وعندك فلوسها سوا عطور او العاب او حتى كتب واكسسوارات وشنط هادي حاجات تنفع لهدايا على طول اشريها وشيليها عندك و لما يجي موعد نزلتك للبلاد تلقي عندك هدايا للجميع وماترهقيش ميزانية بيتك بشراء الهدايا دفعة واحدة

المهم يا حنه امشي غيري جو و شوفي اهلك حتى لو من غير هدايا لان اكيد فرحتهم بيك اكبر من اي شي ثاني خاصة توا جاي الصيف والجو مليح لكن ماتعطليش على راجلك عاد:32:

كان مشيتي ماتنسيش وخيتك عاد نبي شوية مقروض وكعك و بقلاوة طرابلسيه فايحه بالسمن والعسل الحقاني>>>>هذا اللي قاللك نصيحة العربي نصها ليه خخخخخخخ:23:

سلام عليكم من جديد

بعد ماكتبت الرد قريت ردود الاخوات وتنبهت فعلا لمشكلة مهمة جدا

مافيش حد حيفضالك كلهم مشغولين بالعرس:(
صارت معاي توا في نزلتي هادي كانت في مناسبة في العيله ومحدش كان فاضيلي الا امي ربي يخليهالي
قعدت معظم الوقت محبوسه في الحوش بين بيت اهلي وبيت اللاي وانا اللي كنت نحلم بالطلعات واللمات تخيلي نص الحوايج اللي شاريتهم روحت بيهم زي ماهما مطويين والله مالبستهم بكل وفي حاجات اعطيتهم لخواتي قلت بناقص وزن في الطياره:08:

احسمي امرك قبل مايجي شهر ستة لان يبداء الهاي سيزن وتذاكر الطيران تولع نار

ربي يلهمك للصواب

سلااااااااااااااااام:27:

ام هشوووووومي
بورك الله فيك على الرد والتنبيه ومثل ماقلتى والله راسى انقلب فى المول وماطلعت بيه بحاجة تستر
وانا قعدة نحس فى روحى مش متشجعة على المرواح اليوم راجلى قالى درهتيلى كبدى مرة تقولى بنمشى ومره تقولى لالا قالى ارسى على رأى وانى قعدة نحسب ونقيس وربى يصخرها قدامى يارب ويجيب اللى فيه الخير

وكان فكرت نبى انروح حتى انى خممت نشرى قفطان حلو من غادى احسن على الاقل من غير ضريبة بكل ها اتاكس زايد بهمه

مشكورة ياغاليه وماقصرتى

:26: :26: :26:

هلا اختي شجرة النارج
لسع ما فكرتي تسافري ولا لأ؟؟
صلي الاستخاره وشوفي قلبك يرتاح لاي فكره؟
اقول يالغاليه ممكن سؤال خاص
ايش كان اسمك قبل ما تغيريه؟وهل انتي ليبيه؟
اسفه على السؤال بس حبيت اعرف
سلام