السلام عليكم ورحمة الله وبركاته

اولاً مبروك الاسم يا ام صموده
وانا قعدت انقول البنت خيرها اختفت تاريتك متنكره بزهرة النارنج

ثانياً الف مبروك على خيتك ان شاء الله بهناها وسلامة الجميع

شوفى يا حنا كان بتقعدى كل عرس ايصير تشوشى وتبى تمشى تحضريه راهو معش اتفض
وخصوصاً ان الميزانيه ما تسمحش وحتى الظروف كونكم ما زلتوا فى تورنتو وتستنوا فى رحمة الجامعات الكنديه

انا من رأيى انك تقعدى وتوفريلك هالقرشين وتكونى متواصله معاهم بالمكالمات واتقوليلهم ايسجلولك الفرح ويبعثولك الصور
وتقدرى تبعثى لاختك هديه اقنينه مع اى حد امسافر من هنا او حتى مبلغ بسيط دولارات يعنى راح تفرح بيهم ويساعدنها وبهكى اتكونى شاركتى معاهم

وان شاء الله لما تتحسن اوضاعكم الدراسيه وتستقروا تمشى انتى وزوجك جميع غادى ويلهوا بيكم اكثر
وصدقينى الرحله لما معاك زوجك احلى من مشيتك بروحك
باش ما تنشغليش عليه


وحاجه ثانيه قعادك مع زوجك توا فيه دعم معنوى ليه باش ما ايقولش مش هامها انحصل قبول والا لا ومش امعدله غير على العراس وبزعقة الفلوس

وزى ما قلتى الاولى انكم تشروا سياره ارحملكم من الصب وى والا الباصات
وبعدين انتى قلتى انك مشيتى زياره ورفعتى هدايا
خلاص واصلهم منك واكيد الجميع عارفين الحال وعاذرينكم وما يستنوش فى حاجه
وحتى غادى توا ايقولولك علاش امتعبه روحك وتكركرى فى الحوايج وكل شيئ عندهم رخيص وبضاعه احسن
وتلقى الحوايج اللى رافعتيهم من هنايا ما يصلحوش بحدا اللى غادى

بس نصيحتى انك تقعدى وتساندى زوجك اكيد نفسيته تعبانه من المراجه وربى ايصبرك ايام الفرح وما تفكريش فى النكد راهو الغربه فيها اللى فيها
وعموماً المعيشه هنايا حلوه لو نحنا اقلمنا ارواحنا معاها ونحينا من روسنا هلبه وساوس


عموماً انا هذا رأئى وان شاء الله ربى يوفقكم وتحصلوا قبول وبعدها تمشى للعراس زى ما تحبى ويهنى العرايس وينولكم اللى فى بالكم

سلامات

ام محمد .........بارك الله فيك ياغاليه على ردك وتنشد عليك الصحة

والله انى استخرت وانشاء الله ربى يجيب اللى فيه الخير وباالنسبة الى راجلى هو المصر انى نمشى باالرغم من الفلوس مش زايدات عليا

وكان ربى كتبلى المشى مش حا نعطل عليه اكيد وكان قعدت خير وخير

صحيتى وانشاء الله ديما نتلاقوا:26:

السلام عليكم

ربي يكتبلك الي فيه الخير
واذا نويتي الروحه عندي لك حل بالهدايا .. الي بتجيبيلهم هدايا هم امك واخواتك ام زوجك واخواته .. والعروسه اختك

اخواتك واخوات زوجك اذا عندهم اطفال احسن هديه ادويه للاطفال .. الادويه الموجوده عندنا ومومتوفره عندهم .. بالضبط ماعرف اسمائها لان لسى ماعندي اطفال

بس كانت وحده صاحبت امي بس تسافر كل هداياها للي عندهم اطفال ادويه .. مسكنات الي تستمر لثمان ساعات ولا كنه الطفل تعبان .. والله الناس تستناها ترجع بس علشان الادويه وكل مايستخدموها يدعولها

وامك وام زوجك بهارات اومسكنات"امي تقولي لاتجيبيلي الا ادفل ..و .. تيلينول بي ام " ..

العروسه .. طقم كريمات لها طعم وريحه حلوه .. قميص نوم .. بخاخ للرجلين الي تكلمو عنه البنات الي كانك لابسه كالون
وفيه يمحلات الانجري برا وبانتي مصنوع من حلاو .. رخبص وموبكل مكان تلقينه بدول العريبه .. ياصدفه تلقينه او بطلوع الروح .. نوع مكياج لسى مانزل عندهم .. وممكن شيء للبيت عصاره للعصير .. او مجموعه قدور .. او شوايه زي الي في موضوع الاستكشاف عني مره اعجبتني واسمه من كندا والله بتفرح فيه وبتحتاجه .. انزلي السوق اشياء البيت دايما يسو عليها تخفيض وفيه محلات معروفه بانها تجيب احسن سعر
ولما تنزلي البلاد بالسلامه اشتريبها كتاب رجال من المريخ ونساء من الزهره ..

انشالله اكود افدتك .. وربي يعيمك ويسعدك ويكتبلك الي فيه الخير لك ولزوجك واهلك

تحياتي

ساندوتش تونه ........مشكورة ياغاليه وماقصرتى وفعلا الهدايه تبعك مميزة

بارك الله فيك وما ننحرم منك يارب


تونه لما بشوف اسمك اجوع مدرى ليه ممكن لانك بتتاكلين


سلالالالالالالالالالالالالالالالامات ياقمر

اختي شجرة النارنج

السلام عليكم و رحمه الله و بركاته توكلي يا اختي بالله وسافري و احضري زواج اختك عشان بعدين اتندمي وتقولي ياااااااااااااااااريت:44::44:

الظروف يا اختي مش معروفه وخاصه في هالبلاد و انا لو منك اسافر من غير شنط بس اشوف وجهه ابي و امي و اقبل اياديهم و كذلك اخواتي ربنا يجمنا بيهم يارب ولكل البعدين عن اهلهم ياااااااااااارب اااااامين:32::32::32:

لكي كل التحيه