افكار × افكار ...يامعلمااااااات لتنظيم الوقت

يالله لازم اكون اول وحدة تبدأ
الغدا افرزن كشنة / دجاح مسلوق ومنتف / دجاج صدور مقطع مكعبات / لحم مقطع مكعبات / دجاج مقطع انصاف كل نصف بكيس / دجاج مقطع اثمان ومسبك مع بصل وثوم وزنجبيل للبرياني / جزر فلفل رومي مكعبات صغيره / لحم مفروم مسبك مع بصل وثوم
ولازم يكون عندي بالفريزر برجر العملاق / ذرة حب / بازلا / بطاطس قلي
يصير اجي من الدوام ومااشيل هم الغدا

استعين بالصناديق .... كيف ؟
صندوق كبير فيه الاستشوار وفرش الشعر والامشاط والبنس وشنطة المكياج اليومية وعطر وكريم شعر وكربم يد
طبعا يريحني من حوسه الغرفة الصباح
صندوق فيه اللاب توب وكتب المدرسة واوراق واقلام وكشكول
صندوق فيه ادوات القرطاسيه لاولادي الوان ورق ملون غراء مقصات استكرات مساطر .. الخ
وقت المذاكره مقلمياتهم في شنطهم بس اجيب الصندوق يتجمعوا يحلوا واجباتهم ونسوي المطويات اذا مطلوب منهم نخلص الرسم

الاولاد اول مايرجعوا من مدارسهم كل شي يتحط في مكانه وكل واحد ياخذ دش وخلاص يحافظ على لبسه طول اليوم
قبل النوم اخلي الشغاله تجهز ملابس الاولاد حقت المدرسة والشوزات والشراريب والملابس الداخليه والشنط ترتبها خارج الدولاب
يصير كل واحد يصحى يحط ملابسه في سلة الغسيل ويبدل بدون حوسه
البنات حبت لهم مقسمات للادراج شفافه من ايكيا بحيث تكون بكلات واطواق ةشرايط المدرسة في مقسم واغراض البيت في مقسم واغراض الخروج في مقسم
ملابسي اختارها من يوم الجمعة او السبت وانظم ملابس اسبوع كامل داخل الدولاب
حتى الاكسسوار ارتبه داخل صندوق صغير حق اسبوع كامل
زوجي نفس الشي ملابس الدوام لاسبوع كامل كل ثوب له شماغ او غتره ومعاها الطاقيه

الحلا اسوي يوم الجمعة صينتين حلا مثلا بسبوسه وتشيز كيك ونحلي فيها طول الاسبوع
نسيت اقولكم فرزنوا فاصوليا مقطعه وباميا وملوخيه
والعشا خفيف نواشف فول وتميس ممكن مكرونة بيتزا او سندويتشات

يالله يامعلمات افكاركم سواء للبيت او للدوام