ماشاء الله عليكي يافوكاهانتس يا أستاذة ياللا ناطرين الباقي ياقمر لا تتاخرين علينا تسلم إيديكي على هالفن الحلو :26: :26: :26: :26: :26: :26:

ما شاء الله شئ راااااااااائع

وننتظر التفصيل

بس شو سالفة جيجي من أيام المنيو اللي نزلتيه وأنا اتساءل( ما أعرف الأملاء صح والا خطأ) ليش ما تكتبين اسمك اللي بالمنتدى

السلام عليكم جميعا:24:

حبيبتى campoocha
الله يسلمك يا عسل نورتى الصفحه :26:

الغاليه صالوح حبيبي
عنيا الاتنين يا قمر انشاء الله هتواصل معاكوا علطول نورتى الموضوع يا عسل :26:

الغاليه دلوعه2
ااقولك بقى انا سا ستى حكاية جيجي اصل انا كنت ماشى فى العراق ولقيت جثه ههههههههههههههههههههه زى حكاية عباس كده (بهزر معاكى ما تقلقيش )
اصل انا كنت مشتركه فى منتدى تانى باسم جيجي وكل شغلى هناك والصور كلها كان مكتوب عليها جيجي فلما نقلت شغلى هنا قولت اانبهكوا ان انا جيجي لاتفتكرونى لاطشه الموضوعات والصور ولا حاجه :17: وعموما انا بعت للاداره عشان يغيرولى اسمى لجيجي او جيجي فوكاهانتس :26:

اللله اللله .. إيه الجمال ده ؟؟؟؟؟؟ :32:

عايزين من كل يوم ههههههه..

تسلم الأيادي يا فوكاهانتس... وأنا مع الأغلبية.. عايزين طريقة كل الصورة .. صووورة صوووورة .. :27:

معلش هعملكوا اكلتين كده على السريع عشان هروح اودى بنتى عند الدكتور وبعدين انشاء االله ابقى اكمل
كفتة الارز مع البطاطاس



اولا عجينه الكفته بالمقادير
نص كيلو لحمه مفرومه
تلت فنجان شاى ارز مصرى ويطحن
نص كوب بقدونس مفروم
نص كوب كزبره خضراء مفرومه
ربع كوب شبت مفروم
خمس فصوص ثوم مدقوقه
بصله كبيره
ملح قرفه فلفل اسود كزبره مطحونه
طريقه التحضير
تفرم البصله مع البقدونس والكزبره والثوم فى المفرمه ( الكبه ) ثم تضاف للحم المفروم ويضاف التوابل وتفرم مره اخرى بالمفرومه ثم نضيف الارز المطحون لخليط اللحم وتفرم مره اخرى بالمفرمه تشكل اصابع رفيعه وتقلى بالزيت الساخن وترفع من الزيت فى مصفاه لتصفية الزيت
طريقة الصلصه
يحمر بصل فى الزيت ونضيف ثوم مدقوق وكزبره ناشفه وفلفل اسود ونضيف عصير الطماطم ونتركها لتتسبك قليلا ثم نضيف اصابع الكفته المقليه مع بطاطسه متوسطه مقطعه اصابع وتزيدى شويه مايه ونتركها تستوى على نار متوسطه مع التقليب من ان لاخر ونصيف مايه اذا احتاجت وتقدم مع الارز الابيض بالشعريه بالف هنا وعافيه
_________________

الاكله اللى جايه دى بقى هديه منى لدردشه مطابخ لانها روووووووووعه واللهى وماحدش يختلف عليها وكمان سريعه جدا

رستو الدجاج بالفرانكس




المقادير
دجاجه كامله مغسوله جيدا بالملح والخل والكركم والدقيق وتشطف جيدا جدااااا وتشق من الظهر وتنزع عظام الصدر بالسكين بحرص او تدق بمدق اللحم او ايد الهون ثم تنزع العظام البارزه
3 وحدات فرانكفورترمقطعين حلقات
ملعقه زبده وملعقه زيت
بطاطس مقطعه حلقات رقيقه شويه
خليط من 2 فص هيل محمص ومطحون وواحده مسمار وفلفل اسود مطحون وملح

طريقه التحضير
تصفى الدجاجه جديا من الماء ثم يرش عليه خليط التوابل من الجنبين وتتبل جيدا لا تكترى
نحضر صينيه على مقاس الدجاجه وتبطن بورق الفويل
فى طاسه تيفال تحمر حلقات الفرانكفورتر فى الزبد والزيت ثم تنشل من الزيت وتوضع فى الصينيه توضع الدجاجه مكان الفرانكفورتر فى الطاسه وتحمر على نار قويه من الجهتين ثم تنشل من الزيت وتترك جانبا ثم توضع البطاطس فى الطاسه مكان تحمر الدجاجه ثم تحمر قليلا ويوضع فوقها ربع كوب من الماء ترص البطاطس فوق الفرانكفورتر فى الصينيه وتوضع فوقهم الدجاجه وترش من فوق بماء البطاطس وتوضع فى الفرن لمده نص ساعه او اقل الى ان تنضج البطاطس وتتحمر الدجاج من فوقتقدم ساخنه وحولها سرائح البطاطس والفرانكفورتر وترش الدجاجه بالصلصه البنيه المتخلفه وتقدم مع المكرونه الاسباجيتى او الارز ويميميميمييييييييييييييييييي على ضمانتى واللهى
انشاء الله هتاكلوا صوابعكم وراها


كفتة السمك مع الارز



مقادير الكفته
سمك هامور حوالى نصف كيلو مسلوق لمده خمس دقائق فى ماء بارد وهيل وجزر وكرفس وطماطم وبصل وثوم وملعقتين صويا صوص وعصير ليمونه كامله لتعمل على الاحتفاظ بتماسك لحم السمك ولورا وفلفل اسود ومستكه
بطاطسه واحده مسلوقه فى ماء وملح
بقدونس مفروم ناعم جدااا
ملح وكمون وكزبره وفلفل اسود
بقسماط ناعم
زيت للقلى
طريقه التحضير
تعجن البطاطس مع التوابل والبقدونسثم يضاف لحم السمك الهامور بعد خليه من الشوك والجلد ويعجنوا جيدا باليد ثم يكور كور متوسطه وتغمس فى البقسماط الناعم وتقلى فى زيت غزير محمى وتقدم بالف هنا مع الارز الهمشرى للاخت تقى او ارز السمك


كفتة الدجاج المشويه بالباربكيو برائحة الفحم



المقادير

صدور دجاج
بصل
بقدونس
ثوم
صلصه باربكيو صلصه حاره
فلفل اسود وابيض فلفل حار كمون كزبره بهارات

فحمه مشتعله
بصله محفوره

طريقه التحضير
تفرم كل المقاديلر فى الكبه
تبلل اليدين وتشكل اصابع الكفته وتجمل بالسكين بخطوط بالورب تدهن طاسه بالزيت قليلا ثم تشوح الكفته من الجنبين الى ان تتماسك ثم توضع فى حله الشوى مع البصل وبعد تمام النضج تحفر بصله ويوضع فيها زيت فلفل اسود ويطفىء بها الفحم المولع وتغطى جيدا وتقدم بالف هنا

يلا سلام عليكم مضطرة اسيبكم :41: