اختي نبض والله طلعت البنت اعرفها
وراعتني بالسعر
هي بصراحة في بداية مشروعها وعندها اشياء نفس اللي في السوج
واشياء هي مبتكرتنها
وانا يوم شفتها بصراحةحييت فيها تفكيرها بهذي الفكرة مثلج
بس هي تسويها بالتعاون مع بعض ربيعاتها بس مب وايدات وتسويه في البيت
وتسوي حج الاعراس الهدايا اللي يوزعونها جح المعازيم و المداخن و اكواب العصير مع الصحن حج العرسان و السلال اللي يوزعون فيها الهدايا وهذيلا ايجار او بيع على كيفك
ويجولولها ام شوج بس هذا مب اسمها الصدج
واغراضها حلوة وخبرتني ان عندها افكار يديدة حج عرض الزهبة للعروس
واعياد الميلاد و حفلات النجاح وحج بنات الثانوية العامة اللي يبن يوزعن حج ربيعاتهن هدايا تذكارية و المعلمات وباسعار بسيطةومناسبة يعني ما يكلفن على عمرهن واايد
وبصراحة اسعارها ارخص عن السوج بوايد وما تحط ربح وايد يعني لو تحسبينها تلاجينها بسعر التكلفة تقريباً
وجالتلي جريب يوم بتكتمل عندها المجموعة بتصورها وتطرشلي الصور وانشاء الله برفقلك اياها
عشان اعرف رايك فيها
بس حبوبتي نبض ما عرفت كيف اكتب اسمج في الخاص ويوم طرشت ردت علي وحدة ثانية
اذا ممكن طرشيلي ايميلك على الخاص عشان ارد عليج
وعلى فكرة هي تسوي هدايا عيد ميلاد وغيرة للي تبي تهدي ربيعتهاا شي مميز ومختلف يعني تكون مميزة في هديتها
وبعد هدية للعروس هي تسويها اوا نتي تيبينها وتعدلج اياها
يا ريت حبيبتي نبض انتي وغيرج تساهمون في تشجيع بناتنا تراهن مواطنات ويستاهلن وهمتكم وياهن
والله انا احي كل بنت مواطنة تبدا بمشروع يفيدها ويفيد الجميع بدل ما نجعد نستنى الوظيفة يوم تيينا او نضيع وجتنا بالخرابيط الفاضية

والله شو رايكم؟
على فكرة هي الحين مسوية نماذج للي يبى يشوف ويختار بس ممكن تغيرلك فيها مثل ما تحبين

و انا خبرت ربيعاتي عن ام عبد الله ووايد اتحمسو لها وبغو يشوفون اللي تسويه بس تعرفين ما نجدر نسيرلها ابوظبي وايد صعب عليهن
وعندنا اعراس وايدة جريبة

انا اجدر اطرش وحدة عندها اهل في ابو ظبي تيبلنا من عند ام عبدالله بعض النماذج تختارها وتشتريها من عندها وبخليها عندي اذا بغن منها بخبرها تسويلنا بالكمية اللي يبنها او بوديها عند البنت اللي تسوي في العين وتروجلها شو رايك والله نريد نفيد الكل
ياريت تخبري ام عبد الله وتردين علي يعني نروجلها ونوزعلها في العين ونحن في الخدمة واذا تحب يكون في تعاون بينهن بعطيج رقمها في اليميل بس طرشيلي اياه

سوري طولت عليج

اختي نبض
سلام عليج مشكوره على المعلومات الحلوه وياليت تتطرشيلي عنوانها او رقمها وكثر الله من امثالج
والله ييسرها عليج

حبوبتي الريم
تسلمين على هالمعلومات والرد وجزاج الله ألف خير ربي بعطيج على قد نيتج يالطيبه، وابشرج كلمتني ام عبدالله اليوم واتفقت مع ام شوق الله يوفقهم ويرزقهم بالرزق الحلال.

عزيزتي خوخه
دزيت لج على الخاص، وبالتوفيق انا ماسويت غير الواجب.

تسلمون خواتي وجزاكم الله الف خير
وانا كلمت ام عبدالله وام شوق
والي بيصير ان شاء الله برد عليكم:26:

السلام عليكم

دخيلكم بنات ابي رقم أم عبدالله و أم شوق

بأسـرع وقت ضروري ضروري ضروري ضروري

اليوم تحدد موعد عرسي بتاريخ 13/3 يعني باقي 65 يوم

ومحتاسه مو عارفه شو اسوي

وإللي كلم ام عبدالله او ام شوق يعلمني شصار معاهم

طلبتكم لاتردوني ولاتتأخرون علي