هذا عشمي فيكم يابنات بلادي ولا وحده منكم دزت لي رقم أم عبدالله ؟؟؟؟؟؟

دخيلكم لاتتأخرون علي محتاجتلهم بأسرع وقت

تسلمين يا نبض ربي يعطيج على قدنيتج والله إنج ريحتيني
وكلمت ام عبدالله واتفقت إني اروح اشوفها والليله بعلمكم شنو اتفقت معاها

باااااااااااااااي

خواتي القنوعة وحبيبتكم انا طرشتلكم رقم ام شوق انشاء الله وصلكم
ولا تزعلون مني على التاخير بس ما فتحت الانترنت صارلي كم يوم
اعذروني

تنويه مهم: ياريت يا حبوباتي اللي تطلب من البنات اللي يسون الهدايا سواء ام شوق او ام عبد الله وبعدين تهون بس ياريت تطرش لهن مسج وتجول انها هونت عادي ما فيها شي ، احسن ما تتم معلقة البنية وياها
وياريت محد يزعل مني ترى الحق ما يزعل
ولا شو رايكن؟

بناااااااااااااااات ابشركم

شفت ام عبدالله اليوم واتفقت معاها على كل شي والحمدلله ساعدتني بأشياء كثيره بفكرة الكوشه، وصواني الضيافه، والمداخن، وهدايا التوزيع، وبتجهزلي كم نموذج بعد 3 أيام
وارتحت لها وايد لأنها من النوع إللي ياخذ ويعطي معاج بالكلام وتستشيرج وتاخذ رايج وماتقعد تزن على راسج
اول مادخلت انا وخالتي عندنا ضيفتنا وادت الواجب ماقصرت والله، وبعدها سألتني شو احب وشنو ذوقي وكم ميزانيتي حق ترتيبات العرس وربي فوقي شاهد إني إرتحت لها احسها طيبه تصدقون قالت لي لو محتاجه لأي شي دقي علي بأي وقت
ربي يكثر من امثالها يارب وتسلمين اختي نبض على هالهديه إللي دليتيني عليها بتم ادعيلج كل وقت لأنج خففتي علي أشياء وايد كنت متخوفه منها.
نسيت اخبركم شفت عندها صنيتين حلوات حق الكاكاو وشفت على طاوله الصواني إللي على شكل شمعدان مزينتهم وكانوا روعه وشفت كاسات وعه عندها يعني عندها شغلات حلوه بس بدقق عليهم يوم السبت وبقولكم
مع السلامه بوح ادور لي على موديل للفستان

وشفت أشياء حلوه وايد عندها حق البيبي كانوا مغلفين بشكل روعه

تسلمين اختي ريم العين وصلني رقم ام شوق

كلامج عدل حتى ام عبدالله قالت لي ماانحرج منها لو ماعجبني شي من شغلها
قالت لي انا صريحه واحب يكونون الناس صريحين معاي ومااحب المجاملات نهائيا
والناس اذواق وإنتي حره بإختيارج لأي شي