افكر اطلب الطلاق وارجع لااهلي ... تعااااالوا اشكي لكم همي .....

تعوذي من ابليس
وممكن تطلبين منه تروحون فترات متقاربه اكثر وبعدين فيه ناس ساكنين مع اهلهم في نفس البلد وممنوع مايروحون لهم الا مره في الشهر
وبعدين اشغلي نفسك هوايات متنوعه كملي دراستك لو انتساب
والله يوفقك

أختي وحبيبتي:
هل هذا الشيء جديد عليك عشان تجين الحين تفكرين فيه؟؟؟؟؟؟؟؟؟؟؟يعني متقبله الوضع 5سنوات والحين صار كخه؟؟؟؟؟؟؟؟؟؟؟؟؟
بيني وبينك(بتجيك الدورة؟؟؟؟ترى الوحده منا إذا بغت تجيها راحت ترسم الشيطان على الحيط!!!!!!!!!!!!وصارت كل حياتها سلبيات..........
عموما انت في وضع ممتاز الله يزيدك من فضله ويبارك لك .
وبعدين تتوقعين لو رحتي لأهلك وقعدتي عندهم مدة طويلة بترتاحين؟؟؟؟؟؟؟؟لا والله بتضيق صدورهم عشانك ولو تزوجتي بتاخذين لك واحد معه حرة أو أكثر ويمكن يعاقبك ربي في هالمسكين وتاخذين واحد فيه بلا.........
معليش لاتزعلين مني لكني احس ان تفكيرك لا يزال طفولي (الحين استحماتي عن اهلك وانت صغيرة والحين يوم كبرتي دبرتي!!!!!!!!
احمدي ربك ان اهل زوجك عندك وانك سالكة معهم وان زوجك رجال يستاهل وحطي في ذهنك انك لو تركتيه بتعضين أصابع الندم عليه وألف وحده تتمناه...........
تعوذي من ابليس وشوفي لك شغله :ادرسي ولا ادخلي تحفيظ وسوي علاقات مع الجيران وعيشي حياتك .
الله يوفقك..............

حبيتي تولان ........ للاسف مافيه امل اروح لهم قبل شهرين لانه مستحيل يرضى وهو يكره المشاوير وانا مقدره هالشي لانه غصب عليه ............

صح كلامك بس انا صرت اقول دايم انا ماعلي من احد ... انا ماعلي الا من نفسي من زود الملل والاحباط واليأس .....

ولاعاد فيه فيه هوايه تسليني ...... والدراسه حاولت بس ماقدرت ..........

اختيـ نبع الانوثه
ياقلبي وسعي صدرك وتعوذي من ابليس
كل هالافكار من الفراااااااااااغ ونتي عطيتيها مجااال بعد

اولا ً زوجك مثله مثل اغلب الازواج مايسولف مو رومانسي .. الخ
المهم قلتي واعترفتي انه رجال تتمناه اي بنت يعني يخاف ربه وخلوق وطيب وكريم معك

ثانيا ً مشكله البعد
تقدرين تحلينها بتفاهم مع زوجك
يابزياره لاهلك كل شهر ثلاث ايام مثلا ً تقعدين عندهم ووضحي له اسبابك ومشاعرك وان شاء الله بيقدر

رابعا ً انا من كنت اقرا لمشاركتك باسم عذاب السنين ونا اشوف فيك بنت ذكيه وفاهمه وواعيه
كيف ذكيه مثلك ماتاقلمت مع وضعها طول خمس سنوات
كيف ماكونتي صداقات وكسرتي هالحاجز الي كل يوم عن يوم يكبر ويعور قلبك :(
كيف ما ندمجتي في مجتمعك وصار لك صاحباتك وزدتي علاقتك في بنات اهل زوجك .. الخ

خامسا ً واخيرا ً
اقري قران تقربي من ربك حصني نفسك وتعوذي من ابليس كل مطرت عليك هالافكار
وتذكري تحمدين ربك على نعمته

زوج طيب ودين وخلوق بعيد ولا زوج ينكد علي واندم اني خذيته وباب بيته مقابل باب بيت اهلي
اكيد معاي في هالنقطه

وربي يستر عليك ويوفقك ويشرح صدرك ويسخر لك زوجك ويخلي لك عصفورتك :26:


..

.

تعالي تعالي

انا فاهمتك زين مازين

بس مستغربه
انك الحين بس فكرتي بهالامور

عموما
انا متغربه ولاعندي ولا شئ من اللي تقولين عليه
ماعندي احد ابد ولا اعرف احد ولااتكلم مع احد في هالديره الا مع زوجي بس تخيلي الوضع



لا وازيدك من الشعر بيت
اذا رجعت بعيييييييييييييييييييييييييييده عن اهلي
لكن الشكوى الى الله
اركب طيارتين عشان اوصل لهم

فياعزيزتي
انتي الشيطان لعب براسك
هذا كل الموضوع

صدقيني لو تطلقتي ماراح تلقين من اهلك الا اللوم
لان زوجك ماشاء الله
فتكرهين اهلك ونفسك

ولو تطلقتي بتضمنين الرجال اللي تاخذينه
لاوالله


تعوذي من الشيطان
وكلمي زوجك قولي له مالي الا انت افهمني
تراني امل ابي اهلي ودي اشوفهم مع كلمتين حلوات
واقنعيه انك تزورينهم لو بالاسبوعين مره
ساعه ونص ولاتروحين لييييييييييييييييييييييش؟؟؟
قهر

ابكي قدامه خليه يحس بضعفك وحاجتك له
وحبك لاهلك


غيري حياتك
التغير فيك انتي اولا يتحول لزوجك
سوي حركات ببيتك البسي اكشخي غيري اثاثك ديكورك
ادرسي ادخلي دوره
اي شئ
لازم تجديد
كن جميلا ترى االوجود جميلا

انا يدي في النار زيك بس والله الحمد اقنعت نفسي ان هذا مصيري وحياتي
ولازم ارضى
مااكذب عليك تجيني حالات اقول بس بلا رجل بلا ولد بلا هم
مليت
ابي اهلي ابي امي
بس ارجع واقول
وين ياام الشباب
تهدمين حياتك عشان لحظة ملل لعب الشيطان فيها عليك


وارجع وش زيني
وانسى




دايم فكري باللي اقل منك
وتشوفين عظمة حياتك


واي شئ انا جاهزه حبوبه
بس وسعي صدرك
وروقي المنقا