اختي اذا ينتقدك مو معناتها ان مايحبك ..يمكن طبعه جذي ..ومتعود على هالاسلوب
ولايغروك بعض الرجال يتغزلون بحريمهم ومن وراهم يعرفون الف وحده ..وثاني شي مافي انسان كامل ..والحمد لله زوجك في صفات حلوه وتغطي على العيب الي ذكرتيه واهم شي الرجال مع عنده سوالف وخرابيط مع الحريم وهاي نعمه كبيره لازم تحمدين ربك عليها .....
واذا تطلقين لاسمح الله راح تندمين ومابتحصلين واحد مثله ..الشخص مايحس بقيمة النعمة الا لمن يفقدها
هاي من غير تشتتين البنات وكلام الناس الي ماراح تخلصين منه ..

الله يوفقك:26:

صارحيه ..لاتخلين الوساوس تسيطر عليك قولي وش فيني؟؟المشكله فيني والا في من؟؟؟لا تسكتين بس لاتفكرين في الطلاق ..عندك بنتـــــــــــــــــــــــــــــــــــــــــــــين حرام عليك فكري فيهم ....اجلسي جلسة محاورة ومصارحه ...يمكن فيك شي ماقاله؟؟يمكن يبي شي وانتي مافهمتيه؟؟:26:

والله على ماذكرتي إيجابياته اكثر من سيئاته واعلمي أن الكمال لله تعالى

واحمدي ربك ولاتهدمين بيتك بنفسك وانتبهي لبناتك والله يحفظك 0

GN=CENTER]أختي فرح

أكاد أكون قربيه منك في بعض ملاحظاتك على زوجك ..........
وضاق بي الأمر وكرهت حياتي وظننت أن سعادتي في الطلاق والتخلص من الاهانات والتجريح...... وحدث ما حدث بيننا من نزاع ومشادات أدت الى الطلاق الفعلي بيننا...ولا أخفيك حديثا يا اختي أحسست
ساعتها ان الدنيا قد كشرت عن أنيابها وأن الحياة أصبحت بلا معنى وأني خسرت كل شيء
أولادي وسنوات عمري كلها بكلمة واحد وهي أنت طالق ..فلم أتحمل البقاء وحيدة بعيدة عن أولادي
وما هي الا أيام قلائل لا أكثر حتى عادت العلاقة الزوجية مرة أخرى بيننا لنبدأ مشوار جديد .......
فلا تفكري يا أختي مطلقا مجرد تفكير بالطلاق لأنك ستكونين أنت الخسرانه أولاً وأخيراً وسيأكلك الندم
طوال حياتك لوقوع تلك الكلمة عليك فأصبري ووكلي أمرك لله رب العالمين وحاولي أن تصلحي من العلاقة
بينك وبين زوجك ولا تلقي بالاً لكلام زوجك وانتقاداته فكل الرجال طبع واحد .
وفقك الله وهداك وأصلح أمرك مع زوجك آآآآآآآآآآآآآآآآآآآآآآآآآآآآآمين.

يا اختي الغاليه ..

الانسه فرح

استهدي بالله ..وتعوذي من ابليس .ان ابغض الحلال عند الله الطلاق..

وما شاء الله عندج بنتين ..وين بيتربون ..لا زم فيه ريال وراهم ..في هالزمن كل واحد لاهي في حياته الخاصه ..حتى

اخوانج ما بيفضون حق بناتج او اي حد انتي تعتمدين عليه بعد زوجج.. وانا بكلمج بصراحه واتمنى ما تزعلين

مني ..وتوسعي صدرج ..

وطبعاً انا مو خبيره في الحياه الاسريه ..لكن الحمدلله عندي خبرات وممكن اني افهم مثل هالتصرفا ت..

حبيبتي ..

اللي فهمته من كلامج انه يحاول يظهر الغلط حتى ولو في شي بسيط ..يمكن انتي شوي متعاليه عليه او انج تطلعين

اغلاطه في السابق وتعدين اغلاطه وانتي اللي ماشيه صح واهو دايماً او في معظم الاحيان غلطان .. والحين تغير ا

سلوبج معاه للأحسن..

فيه رياييل ما ينسون ابداً وحتى ولو هم فاهمين السالفه غلط ..خلاااص ترسخ في بالهم وبسسسسسسس

..لازم تحسسينه انه مب مقصر فيج وفي بناتج ..امدحيه جدام بناتج وجدام الناس اللي دايماً تقعدون عندهم ..عطيه ثقه

بأنه كفؤ وقادر على قوامة البيت .. وانه سبب من اسباب سعادتج ..وبيني له انج تحبينه وما تقدرين تستغنين لا انتي

ولا بناتج .. يعني ما شا ءالله انتي اهني وايد قلتي اشياء ايجابيه فيه ..وهذا بينج وبين نفسج ..ويمكن جدامه تبينين له

العكس ..او تسكتين فــ عشان هالشي يحاول يدور على اي شي يفسره اهو على كيفه على انه غلط !!

لا تضيعينه من ايدج ..

هاذي نصيحتي لج ..

فيه كثيييييييييييييييييييييييييييير من البنات يدورون على الريال اللي يحب قعدة البيت مع وسطيه

في الخروج ..وما يتحصلون والله ..

الله يوفقج في حياتج ..وان شاء الله ما اكون زعلتج ..او سببت لج اي ضيق ..

اتمنى اتمنى اتمنى اتمنى اسمع ردج على كلامي..

:26: