اقراو قصتي مع الدكتورة خلود رستم وانتم الحكم

انا رحت للدكتورة خلود رستم بعد غياب دكتوري اللي اتابع معاه
اول شي دخلت عليها بالغرفة حسيت بضيق لان الغرفة اساسا صغيرة وضيقة وملبانة عفش مو مرتب , وسريعة في الكشف لدرجة انها حسبت حملي اني في اول التاسع وانا اصلا في نص الثامن , وانا اعاني من انقباضات في الرحم ,((بالله على كلامها بما اني في التاسع على قولتها احد يعطي ابر تثبيت للبيبي في الشهر التاسع )) والحمدلله استشرت كده دكتور شاطر كلهم قالولي الابر لا تاخديها مالها داعي
مرة اتضايقت وخرجت من عندها ابكي ونفسيتي زفت لانها فجعتني الله يسامحها

وفي شي تاني بما اني ولادتي قيصرية تقولي اولدك نهاية التاسع .....كل الدكاترة يقولو في نص التاسع لان قيد مات لي بيبي وعمره اسبوع تقول عشان نضمن صحتو اقتنعت (كلام مو مقنع)

واعطتني تحاميل للالتهابات وهيا اصلا اش عرفها انو عندي التهابات من غير ماتكشف((( سبحان الله )))
لانها تقول ان الاتهابات هيا اللي تسوي الانقباضات هادي وهيا زي الطلق الخفيف

حبيت اقول راي وتجربتي والله على ما اقول شهيد مع انو عندها زحمة
ادعولي ربي يتمم حملي على خير ويفرحني بشوفة ضنايا سليم معافا يارب ويرزق كل محرومة