اقرو تجربتي مع الاستغفار .. ماراح تصدقون !!

السلام عليكم ورحمة الله وبركاته ..

كل عام وانتم بخير .. ومبارك عليكم شهر رمضان ..

يابنات انا بقول لكم تجربتي مع الاستغفار وهي توها صارت لي .. وانا بصراحه ماصدقت الي صار علشان كذا بكتب لكم الي صار بالتفصيل الممل :26:

انا قبل شهر ونص تقريباً انسرق جوالي .. وجوالي بصراحه يعني لي كثييييييير وانا حاطه فيه مقاطع لها ذكرياااااات عندي ( طبعا مافيه صور خاصه لا .. كلها اطفال ومناطق واماكن وكذا ) بس تعرفون ذكرياتي كلها بهالجوال واخرتها انسرق :(

وكنت طفرانه ماقدرت اشري جوال ثاني فـ اضطريت اني اخذ جوال قديم عند اختي قدييم وكل شوي يطفي وحالته حاله .. بس قلت العوض ولا القطيعه ودام اني طلعت شريحه جديده خليني استخدمه لين مايفرجها الله ..

المهم بعد هالشهر والنصف قريت هنا بالمنتدى عن الاستغفار الف مره باليوم .. وقلت ابي اجربها بس الشيطان خلاني اتكاسل واقول الف مره قويه ومتى بقولها وو الخ ..

واحد الايام بعد قرائتي لاذكار الصباح قلت ابي استغفر الف مره .. وطبعا مافكرت كذا الا اني كنت محتاجه شي اشغل نفسي فيه لان اختي عندها اختبار بنفس اليوم وطلبت مني اصحيها بوقت محدد فقلت ابي استغفر ليييين تجي الساعه 6 ونص علشان اصحي اختي وانام بعدها ..

وبديت استغفر ( استغفر الله واتوب إليه .. استغفر الله وأتوب إليه .. أستغفر الله وأتوب إليه .. )

وخلصت 100مره .. 200 مره .. 500 مره .. 600 مره .. 900 مره .. الف مره ..

تدرون يابنات كم خذا مني وقت الاستغفار لالف مره !!


ربع ساعه فقــــــــــــــــــــــــــــــــــــــــــــــــط !! وانا توقعت اني بجلس ساعه وانا استغفر .. سبحان الله شوفو شلون الشيطان يوسوس لنا ..

المهم يابنات راحت اختي لكليتها علشان تختبر ويوم جت الظهر قالت دلع تخيلي وش جابت لي صديقتي ؟ قلت وشو ؟ قالت خذي هذا جوال هديه منها !!!

انا تفاجأت .. قالت لي انها فازت فيه وهي ماتحتاجه .. واختي طبعا قالت لها من زمان عن سالفه جوالي انه انسرق ..
وقالت لاختي .. خذي هذا الجوال اعطيه هديه لاختك بدل جوالها الي انسرق !!

شفتوا شلون ( ويرزقكم من حيث لا تعلمون ) ..

شوفوا شلون بنفس اليووووم الي بديت استغفر فيه جتني هديه كنت محتاجتها من شهر ونصف !! ومن شخص مااتوقعه ( صديقة اختي << بعيده جداااا ) ..

اسفه اني طولت بس حبيت تشاركوني تجربتي وحبيت اشجعكم انكم تستغفرون وبإذن الله راح تشوفون احلامكم تتحقق .. بس اخلصوا النية وابدوا استغفرو من اليووووووووم تراها ماتاخذ الا ربع ساعه بس .. اعتقد كلنا نقدر نلقى ربع ساعه بيومنا ..

وبعد حبيت اشكر كل بنت كتبت تجربتها عن الاستغفار وخلتني اتشجع استغفر 1000 مره باليوم ..

والله يجزاكم خير ..