انا ياطويلات العمر جلست اتعالج عشان الحمل كم سنه وفي الاخير قالو لازم تلقيح مجهري
وعملت اول عمليه وكلى امل وماكنت حاطه في بالي انها تفشل ابدا بعد التعب والمصاريف اللى صرفناها(العمليه الوحده تكلف فوق 17 ألف)
وجاء الخبر علي كالصاعقه وتألمت كثير وبعد سنه قلت احاول مره ثانيه وايضاً مانجحت ويزداد الالم النفسي وكمان سنه واحاول ونفس النتيجه ولله حكمه
معليه طولت بس كانت الايام علي اطول بكثير
المهم نرجع لمحور حديثنا <<<<<<ياعيني على المحور
عا اقولكم وبعدين قال الدكتور لازم تسوها ثلاث مرات في السنه وتسويلكم الرابعه بلاش
يعني تخفيضات
وتعرفو انتو حكايتنا مع التخفيضات (نروح لها جري)
واسوي العمليه للمره الرابعه وتفشل فشل ذريع (يعني قال في فشل عادي وفشل ذريع)
المهم ونخرب المره الخامسه وبرضو تفشل والمره السادسه وتخرب (بس حابه اغير طفشت من كلمة فشل )
كل هذا واحنا احيانا اهلنا يدرون واحيانا بالسر وهات لك من الاعذار والضغط النفسي
ووصلنا للعمليه اللى ببلالالالالالالالالالالالالالا لالالالالالالاش
من زمان وانا ابغاها
ابغى ابرد قلبي فيهم من هالنصب اللى نصبو علينا فيه
المهم قلنا يمكن تضبط عشان ببلاش
ونستنى ونستنى والنتيجه نيجاتيف مافي حمل وزوجي يقول البلاش مافيه خير (يعني اللى بفلوس جاب نتيجه؟؟؟؟؟ ) ههههههههههههههههههههه
كل هالاحداث مرت وصار لي 13 سنه من زواجي
المهم انا قدمت على مكتب الاشراف في الدمام بحتضن طفل يتيم هو محتاجني وانا محتاجته واخذنا الكشف الطبي بس زوجي جالس يأخر ويماطل في الموضوع
وفي هذه الاثناء امي وخواتي يدقون على سويها كمان مره وانا رافضه بصراحه ماكان فيني طاقه للالم اكثر تعبت تعبت تعبت
قامت اختي الكبيره كلمتني وقاتلي بالله عليك تسويها كمان مره عشاننا
وكلمت زوجي اني بسويها كمان مره اخيره
والله وكيلكم النفسيات سيئه جدا والعلاقه اسوء
واروح جده واسويها ويرجع زوجي للشرقيه
واجلس اسبوع عند اهلي وبعد الاسبوع حسيت ان بيتي استر لي قلت خليني ابكي براحتي واكتئب براحتي ولا اقطع قلب امي وابوي وخواتي على او اضغط على نفسي واجامل واموت في اليوم مية مره وانا واقفه ابتسم
المهم وداني ابوي المطار واطلع وبشويش منتبهه على نفسي كالعاده وكان معي شنطتين وحده كبيره ووحده صغيره بس ثقيله وواوصل مطار الدمام واستنى زوجي ماجا اتصل ماحد يرد وكل اللى في الرحله معاي مشو وماكان في رحله قريبه يعني مافي احد في المطار
اطالع ما الاقي الا العساكر يناظروني وعيونهم تقول من هاللى اهلها نسيوها مايبونها مسكينه
وارتفع ضغطي بمعنى انقهرت وصرت امشي وانا شايله الشنطه الصغيره واسحب الشنطه الكبيره ودموعي تقوطر (بللت المطار )اشوى بس كان في هندي يمشى وراي بممسحه وينشف ولا كان صار فيضان ذاك اليوم ههههههههههههههههههه
آآآآآآآآآآآآآآآآآآآآآآآآآآآآآآ آآآه ياقلبي
وكان فيه عتبات ودرج وانا ماغير اشيل واحط في هالشنط من القهر والفشله والمطار فاضي
وبعد كم ساعه اتصل غلى زوجي الا يرد يقولي كنت نايم
وخير ياطير ماصار شي واحد وراحت عليه نومه
قتله انت عارف اني مسويه عمليه يبغالها راحه ومن هالكلام المهم بربر على وسكتني وجلست كم يوم زعلانه ومنكده وانا عارفه انه مافي حمل
ويجي يوم التحليل وما ادراكم مايوم التحليل
كيف ما ادراكم الا انتو اللى تدرون...اقصد خوياتي اللى ينتظرون الحمل
وأأخر التحليل يوم واحد (شايفتها بطوله)
وحللت ورجعت البيت واقول لزوجي اتصل وقام واتصل ورجع يقولي
(هه افرحي حملتي )
وانا احس الدنيا تدور وابكي وابكي واعيط واعيط
واول وحده كلمتها اختى الكبيره اللى ترجتني اسويها للمره الاخيره عشانها
وكانت عاقله قالتلي كلمي امي وابوي ولا تقوليلهم انك كلمتيني عشان يكونون هم اول ناس يعرفون (وحده ذوق)
وكلمتهم وطارو من الفرحه وصار كلام كثير واسمح صراخ اقولهم ايش فيه ايش صاير
تخيلو يقولولي واحد من اخواني من الفرح حمل امي ويدور فيها وامي تضرب فيه وتصارخ (كان نفسي اشوفهم )ههههههههه
وطبعا بدا الوحم وكان كله نكد وبكا ماتوقعت اني لو حملت راح ابكي لكن كانت شي شديد فعلا وماحسيت بالفرح الا بعد 3 شهور ويارب لك الحمد الامومه كانت مثل ماتوقعت وكانت تسوى كل التعب اللى شفته والانتظار
وربي اكرمني بعد 14 سنه
جبت احلى بنت
الله يكرمكم وكل من تحب
تعالو اكملكم
تذكرون سالفة اليتيم والاحتضان كيف اقدر انساها وهي وجه السعد علي
وكملت الاوراق وجبت احلى ولد ورضعته عشان يكون اخو بنتي من الرضاعه
يالله اللى عجبتها قصتي تدعي لعيالي
اللهم بارك لبروره في اولادها وانفع بهم الاسلام و المسلمين واهديهم واصلحهم
وعقبال كل من قرت قصتي
وكل من اشتهت الامومه
يااااااااااااااااااااااااااااا ااااااارب
ياخواتي والله والله والله اني نسيت ان هالطفل ماحملت فيه من كثر ما احبه والله ان غلاه من غلا بنتي واكثر والله اني خايفه افسده من كثر ما احبه
ياخواتي لو تعرفون قد ايش السعاده اللى تحصلينها في احتضان يتيم والله ما يبقى طفل في دار الايتام
الخلاصه
اللى تحب نفسها تروح تحتضن يتيم
بروره2 @brorh2
محررة فضية
يلزم عليك تسجيل الدخول أولًا لكتابة تعليق.
والله فرحت لك من كل قلبي .........
وخاصة يوم تقول اختك الا تسووها وانا اقول ياررب خير وتكون حامل وانبسطت يوم كملت القصه والنهايه السعيده ويااااااارب يخليهم لك ويسعدهم امين ............
وخاصة يوم تقول اختك الا تسووها وانا اقول ياررب خير وتكون حامل وانبسطت يوم كملت القصه والنهايه السعيده ويااااااارب يخليهم لك ويسعدهم امين ............
ماشاء الله تبارك الله الله يخليهم لك هذا جزائك بدينا والاخره شي ثاني
ادعيلي عمليتي تنجح يارب ياكريم
ادعيلي عمليتي تنجح يارب ياكريم
مااااشاااااااااااااااااااء الله شوفي كنتي بس ناويه نية انك تكفلين يتيم
مع ذلك ربي اكرمك
مع ذلك ربي اكرمك
الصفحة الأخيرة
جزاك الله خير
ويارب تشوفينهم كبار ويكونو سند لك وعون