اقسم بالله الذي لا اله الا هو اني محتاجتكم

السلام عليكم ورحمة الله وبركاته

الموضوع يابنات جدا مهم بالنسبه لي ومايحتمل مقدمات..........

السالفه الله يسلمكم اني لاحظت اختي اللي اكبر مني وطبعا هي متزوجه وعندها ولد وبنت دايم تزور اهلي في هالفتره تقريبا يوميا,,,,,قلت عادي

بعدين لاحظت انها تنام عندهم كثير..........هنا السالفه صار مشكوك فيها لانها بعمرها مانامت عند اهلي حتى اذا سافر زوجها ما تنام عندهم تجلس عند حمولتها
واللي اعرفه ان مابينهم مشاكل......... اللهم خلافات عاديه تحصل بكل بيت

المهم اني استقعدت لها وقلت علميني السالفه وش صاير؟؟
قالت ماصار شي
قلت بلا استهبال وقولي وش مزعلك فيه
قالت والله العظيم مازعلني ولا صار بينا شي بس


























مابيه:32::32:

وبعد اخذ وعطا انهااااااااااااااارت تماما وطلعت اللي في صدرها كله
تقول.............

زوجي ادري انه خلوق والكل يمدح فيه.........لكن مايعجبني ابد ابد شكله ولا كلامه ولا ((طوله)) وهذي اكثر حاجه زاعجتها

ثقيل دم ومايعرف يمزح (( اختي مرحه جدا ))

اذا جلست معاه ابي اوسع صدري ........مافيه فايده
وقليل الكلام جدا جدا هذا غير ان سوالفه ماتعجبني

ومن ناحية شكله ابد مايعجبني

اذا رحت انا وياه لاي مكان اشوف كل وحده كاشخه بزوجها طول بعرض وانا جالسه اتمشى بهذا اللي انا كني امه
ليه وش اللي حادني اعيش حياتي كلها مقارنات وارجع قرفانه وحاسه بالنقص وهو مايدري وش فيني ولا حتى اقدر اقول له

المشكله المقارنات وراي وراي حتى بالبيت....... هو اقل اخوانه من ناحية الشكل واقصرهم

تنفقع مراراتي وانقهر اذا احد من حريم خوانه علقت عليه وعلى بالها تمزح

يحز في نفسي كثير واحيانا ابكي من القهر

يحسسوني انهم عايشين شي انا ماعشته ولا راح اعيشه

يا اختي انا فاقده الاحساس بالانوثه معاه وفاقده الاحساس بالامان
اتمنى مره لما يجي من مكان اروح واحضنه لكن ما اقدر هذا الشي انا محرومه منه لان شكلي بيطلع غبي لانه اقصر مني

ولا اقدر.......ولا اقدر..........اشياء كثيره انحرمت منها بسبب هذا الشي

تعبت نفسيا من كثر ماجاملته لانه مايستاهل الا كل خير سويت كل شي قلتي لي عليه من احتفالات وليالي حمراء وشموع وهدايا وخرابيط لكن مانفع

اجلس العب على نفسي بالايام والشهور ان الوضع طبيعي واني سعيده
لكن تجيك وحده متهوره غبيه وتقول لك بكل وقاحه (( ياحليييييييييل رجلك نتفه))

هنا خلااااااااااااااااص انصدم بالواقع اللي قعدت شهور اتعاما عنه لين يجي احد يذكرني فيه وبالقوه

قلت لها ياعزيزتي الرجال مخابر مو مظاهر

قالت لي لاتلعبين على نفسك وعلي
النار ماتحرق الا رجل واطيها لو كنتي مكاني كان حسيتي بالنار اللي فيني

ومن ناحية المخابر انا مااشوف انه لهذيك الدرجه

بس مهما كان مانقدر ننسى المظاهر
حتى لو كان احسن رجال بالعالم الوحده تحتاج احد يجذبها شكله وتحس بانوثتها معاهاسوأ لحظات حياتي لما يطلبني للـــــ........ما اقدر من جد ما اقدر....... ما احس انه رجال كامل الرجوله
جربت الدعاء وجربت الصبر وجربت التطنيش وجربت اني اشوف الجوانب الحلوه فيه بس تعببببببببببببت ولافيه اي تحسن (( كل هذي حلول مجربه))

يابنات ادري اني طولت لكن يعلم الله انه من جد ضايق صدري عليها
وعندي سؤالين......
1-لهذي الدرجه الشكل(( والطول)) مهمين؟
2-معقوله ان هالناس اللي سعيدين في حياتهم ازواجهم 100% من ناحية الشكل؟

وعندي طلبين.......
1- اي وحده حالتها تشبه لحالة اختي تقولها ولا عليها امر من باب رفع المعنويات
2-تكفون يابنات ماودي باجابات من النوع اللي(( والله انا زوجي يهبل ويجنن ومن هالحكي ))
3-اكتبو طولكم وطول ازواجكم اذا كانت الحاله مشابهه عشان تهون عليها ((صارو 3))

وعندي ملاحظتين:
1) اختي عقلها يوزن بلد ومثقفه وواعيه بس مدري وش جاها

2)طولها 173 وزوجها 170

3)راح تشوف اختي اجابتكم الله الله لا تقصرون (( برضه صارو ثلاث معليش))