اقطع علاقتي يعني معهم عشان ارتاح!!

السلام عليكم
بدخل بالموضوع
عمري ٢٩
خواتي اللي بعد وحده اصغر مني ب ٨
والثانيه ب ١٠
الثنتين خواتي نسخه من بعض
انا عكسهم تماما
تعرضت لتحطيم لتمسخر
منهم خاصه انهم مراهقات فاذا عصبو
ويبون يقهرني
نقدو شكلي
وطلعو عيوبي يعرفون كيف يجرحوني صح
مثلا شوفي شكلك بالسوادء
يالشينه
يام كشه بالعبده
كذا ألفاظهم معي لاني مره مره ماشبههم
للاسف انا طالعه ع اهل ابوي
اخذه سمارهم وملامحهم وخواتي طالعين
على امي بياض وشعور سايحه
طنشت طنشت
كل االي يصير لي ذا
لكن اللي جدا خلاص ماتحمله الحين
الناااااااااس
طاقة تحملي وقفت حدها
خالتي جيراننا اعمامي اي احد يعرفوننا
لازم اذا شافوني وشافو خواتي
بدو المقارنات
وانا المقارنات تجرحني يعني بكل بجاحه
تجين تقولين لاختي ماشاء الله يالجمال
طالعات فلانه وفلانه ع خالاتهم
وفلانه بقصدوني ماتشبهه لهم من عليه طالعه؟؟
ولا ثانيه كثير تعرض للموقف ذا
بكل بجاحه تجي قريبه ولا وحده من جيراننا
اذا شافونا انا واختي خاصه اللي بالكليه
بكل وقاحه
تقول يالله ماتتشبهون بعض
اختك احلى منك بكثيرررررر ماكانكم خوات
طنشت جاملت ضحكت مدحت اختي
لكن خلاص انا ماخلقت نفسي
وانا مو فرجه ومقارنه للناس
عيب تقارنو عيب كلن عنده مرايه وكلن عارف شكله
فليش تحرجون الناس
قسم اني احيانا ارجع ادعي ع اللي تقارن
او تقول كلمه بدون قصد
لانها تجرحني وتنبهه الناس علي
امدحي اختي بالليل والنهار وقولي كل كلمات الغزل
فيها بس لاتقارني بينها وبين اختها لاتقارني
وكل االي عندهم اخت حلوه وهي عاديه او شينه
بتحس بكلامي
بتحس باحتقار خواتها لها
بتحس بمقارنات الناس لها
والله فكرت اقطع علاقتي بكل هالناس واجلس
ببيتنا ماطلع جمعات اقارب ولا جيران
بس لو سالتني امي ليش وش اقولها
اخاف اقولها تعبت من كلامهم ومن المقاونات
وبتقول تغارين من اختك
امي دايم بصفهم