اقوال الرجل من الالف الى الياء

[الرجل واقواله من الالف الى الياء
أ / انتي ياهيه ..وين شماغي ... ( والمشكله الشماغ جنبه الله لا يعمينا )

ب/ بروح اكشت مع اخوي ..... (الله يلعن بليس أحد يكشت مع أخوه )

ت / تراني بتأخر اليوم .....( ماجبت شي جديد متعوده الحرمه )

ث/ ثواني وانا عند الباب ..اجهزي ( ولا يجي الا بعد ساعه وهي ملطوعه عند الباب..يامسكينه )

ج/ جاي تعبان من الدوام ماني فاضي لك.. ( كأنه مايشتغل الا هو وما يتعب إلا هو )

ح / حريم مايجون الا بالعين الحمراء ... ( جملتهم المفضله )

خ/ خذي اولادك وفارقوا عني .. صجيتوني ( كنهم اولادها لحالها )

د / دوري احد يوديك ويجيبك ..( وانت وش شغلك )

ذ/ ذيك الصيفيه مسافرين هالسنه مافيه.. (تلاقيها ماسافرت الا من 4 سنين)

ر/ راتبك مانزل ياعمري .. ( توه يجي الكلام السنع يوم نزل الراتب)

ز/زيدي العشى ترى اصحابي كثروا ..( والعشاء استوى وخلص وشلون تزيده )
س/ سيارتي قاضي بنزينها وماعندي ..عندك سلف ( سلف ومايرجعه؟؟كيف تصير هذي

ش/ شيلي الاغراض شوفيها عند الباب ( ليش ماتشيلها انت )

ص/ صديقي بيسافر برى بروح معاه ( خايف عليه يضيع والا وشلون ) :S_45:

ض/ ضايق صدري ..ضايق صدري ..كل مادخل للبيت ( وهو عند اصحابه ضحكه واصل للبيت

ط/ طالق ...طالق ...طالق >>هذي ان خربت الاخلاق عاد هههههههههههه:32:

ظ/ظالمتني ياقلبي والله ماغازلت >>> فضح نفسه خخخخخخ

غ/ غالي هذا ..دوري غيره ..( طيب جامل قول دوري احلى )

ف/ فلاااان تزوج على حرمته ثانيه ..( يلمح الرجال ؟؟) :mad2:

ق/ قومي بلا دلع ..مافيك الا العافيه ( وهي مصخنه و ذايبه من التعب ) :11retcher

ك/ كل كلامه هواش مااااعنده تفاهم (اللي يشوف الله ماخلق رجال الا هو)

م/ معزوم في الإستراحه (عزومه و عزومه اللي كلها لعب بلوت ):30:

ن/ ناااااادرا ماايشكرها على شي سوته (مسكينه وربي )

هـ / هيه ..انتي >طبعا هذا اسمها في الاماكن العامه (خوش اسم)
عاد اذا قال هي انتي كل الحريم تدور له وش هالفشيله ويا هالرجال هههههههههه المفروض يرقموها هي انتي واحد وهي انتي 2 و..... هههههههههههه

ل/ ليش ماتسمني شوي ..وان سمنت قال ..وليش ماتنحفي يادبه
( خير هي لعبه ان رعصت زرار سمنت والا نحفت ) :7_5_127:

ي/ يااااااجمال هالمذيعه ( ياخي استح على وجهك ,, اللي جنبك قوطي ماتعبرها ) :bkh:

منـــــــــــــقول
واسعوا صدوركم