كثير منا يعانون من التقصف والتكسر والخشونه والحكه في الشعر والتساقط الشديد اللي بعض الاحيان يسبب لبعض البنات الصلع والكل فينا استخدم خلطات وزيوت ومانفع وبعض الخلطات جابت نتيجه والحمد لله فكرت في خلطه لجميع مشاكل الشعر وما اخفي عنكم لي فتره طويله وانا ادرس المحتويات واجربها على اكثر من وحده انا بخلطتي حقت الامبولات طول شعري والحمد لله لكن التقصف ذبحني عياااا يروح بديت افكر وافكر ولقيت الحل والحمد لله والخلطه هذي طبيعيه 100% ومضمونه ومن اول تجربه بتحسون بالفرق طول ونعومه وكثافه وتحل مشاكل التقصف وتلف الشعر بإذن الله وانا ما ابي منكم غير الدعاء وربي يشهد على كلامي
وعلى فكره درست كل مكونات الخلطه عدل واستفدت من ماضي جداتنا وجربتها على اكثر من وحده امثال:امي ومره اخوي واختي وكل خوياتي والحمد لله النتايج ممتازه ومن اول استعمال راح تدعون لي
حــــــــــــ الشووووووووووق ـــــــــــــلا
نشوف مقادير الخلطه
1-2ملاعق محلب مطحون للشعر القصير اما الطويل 5 ملاعق
2-2ملاعق مسمار مطحون(قرنفل)للشعر القصير اما الطويل 4ملاعق
3-2ملاعق هيل مطحون للشعر القصير اما الطويل 3ملاعق
4-صفار بيضه للشعر القصير وصفار بيضتين للشعر الطويل
5-ملعقه عسل للشعر القصير وملعقتين للشعر الطويل
6-ثلاثه ارباع بياله شاي سمن عربي للشعر القصير والطويل بياله كامله
7- ملعقه من كل نوع من الزيوت التاليه (زيت اللوز -زيت الخروع -زيت الصبار -زيت الجرجير- زيت الخردل -زيت الثوم -زيت زيتون)
8-اعصري قطرتين اوثلاث من الليمون
9-4ملاعق روب للشعر القصير و6 للشعر الطويل
طبعا تخلطون كل المقادير عدل وتحطونها على شعركم وتلفونها بشفاف الاكل اللي نلف فيه الاكل واللي ماعندها تلفه بكيس بلاستيك وتخلونها من ساعه الى ساعه ونص او ساعتين وراح تعذبكم الخلطه بغسل الشعر واتمنى ان اللي شعرها جاف ما تغسل شعرها بالشامبو اول استعمال والللي شعرها دهني عادي تغسله بشامبو واستخدموا الخلطه يوم وترك يعني 3 مرات بالاسبوع وشوفوا النعومه راح تتخلون عن الاستشوار بإذن الله وتحلون كل مشاكل الشعر
والله ولي التوفيق
ان شاء الله تنال اعجابكم
ادعوا لي بالتوفيق والصلاح وادعوا ربي يشفيني ويشفي كل مريض ويفرجها علي وعلى جميع المسلمين واتمنى اللي تبي تنقل الخلطه في منتدى ثاني تذكر اني صاحبه هالخلطه
حــــــــــــــــــــ الشوووووووووووق ــــــــــــــــلااااااااااااااااااااااااااا
