انا جربت قيصريتين
الاولى بنج كامل متعبه
الثانيه نصفي افضل بكثير
علملياتي كانت تجميليه في مستشفى خاص والحمدالله كانت اموري طيبه
امم النصايح ..تعطري قبل العمليه كنت اتعطر بمسك واخذت معي مره احطها بالقهوه كسره صغيره عشان الشمم واشمها اذا في ريحه قووويه ..امشي بعد العمليه لاتنسدحين دايم بس قومي بالراحه وامشي بالراحه واجلسي بالراحه ..الاعشاب اشربي قشر قهوه وشاي الاعشاب كمون ودارسين واكلي رشاد وماش (يشبه العدس)والحلبه
بالنسبه للاستحمام انا كنت استحم عادي من ثاني يوم للعمليه ويوميا بس ضروري تنشفين منطقة العمليه
طبعا ممنوع تشيلين ثقيل مدة سنه وممنوع الرياضه لمدة ست شهور والمشد ممنوع هذا كلام طبيبتي
طبعا زي ماقالو البنات الحليب يسبب غازات اول اسبوع ...

اتكلي على الله العمليه ابدا ماتخوووف بس اهتمي بصحتك واختاري بنج نصفي

اختي عندي لك نظام سهل ان شاءالله اذا عندك شغاله او بتروحي لمك وعندها شغاله تعرف تطبخ
او تحاولي تقومي بنفسك عشان لازم تهتمي بنفسك وقت النفاس
اولا حاولي قبل الولاده تسوي مطازيز وحق كل يوم حطيه بكيسه لحال وفرزنيه وفرزني كشنة المطازيز بعد عشان بس تحطي الكشنه والبهارات وكم قطعة لحمه ثم كبي كيسة المطازيز عليه واذا تحبي حطي كم قطعة بطاطس او علمي الشغاله اذا عندكم طبعا هذا العشاء والغدا مرقة دجاج مبرد افضل من المجمد مع كم قطعة بطاطس وخبزة بر واذا مليتي كولي رز وقطعة دجاجه معةمرقة خضاروالفطور حاولي اول اسبوعين يكون مصابيب مدهونه بعسل وزيت زيتون اخف وافيد مع كوب حليب بموية الحلبه وقبل تفطرين احمسي لك ٧تمرات مع شوي رشاد وزيت زيتون مع كوب قهوه فيها علاجك حق القهوه اللي هو ذرة محلب وذرة كمون وذرة مره وذره مسمار او حسب اللي متعوده عليه ثم افطري على المصابيب واذا مليتي من المصابيب سوي لك سندوش بيض مقلي او مسلوق او كبده مع كوب الحليب
اما بنسبة للهوم اول عشرين يوم حلبه مجرشه مع شوي كمون عشان المعده ماتوجعك من الحلبه والعشرين الاخيره رشاد بس والعصريه كوب قرفه وزنجبيل هذا نظام مافيه خرابيط واجد ومفيد كله بروتين ويعتمد على البر في كل الوجبات ومعروفه فايدته للجسم واذا فيه استفسار انا حاضره ان شاءالله ومابي الا دعواتكن بس

يوةة ياقيصريات قلبتم علي المواجع الله لايحرمنا الاجر
انا قيصريه وحده بنج كامل مستشفى حكومي عمليتى كبس مشيت بعد االعمليه كثير على كلمهم بس كنت امشي منحنيه وجانى الم شهر فى ضهرى كنت ااموت الحمد لله مااستخدمت مشد االاسف ولا اهتميت بنفاسي لانى جانى اكتئاب بعد الولاده
بس نصيحه يابنات انتبهو من الامساك وخلو تلاجه فيها قشر قهوة وشعير ويانسون وشمر وكل يوم اشربو منها تريح وحلوة للغازات

يارب مايحرمنا الاجر والتعب اللي نشوفه انا ولادتي الاولى بعمليه بنج كامل
والحين قررولي عمليه تعبت مرررررررره في عمليتي الاولى من البنج
والحين مره متردده اخذ بنج كامل ولا نصفي كلامكم رفع معنوياتي عالبنج النصفي
بس مشكلتي خوافه مره فابي اسال تتوقعون ينفعلي البنج النصفي وكم مدة العمليه
الله يسهل لكل حامل ويوفيها حملها يارب ويكتبلها ساعه ولاده سهله يارب انك على كل شي قدير

أنا ولدت مره وحده قيصري بالحرس وكان بنج نصفي اللي هي أبره الظهر وكنت أطالع الدكاتره ودكتور البنج يكلمني وماحسيت بشي ولبسوني شرابات الين الركبه وثاني يوم مشوني والمشي مفيد مرررره للعمليه ولازم ظهرك مرفوع واكلي كان تمام مالخبطت كثير والحمدلله مازاد وزني بس عمليتي انفتحت وكنت ماعرف شي عن القيصريه والسبب كنت اتروش يوميا وما انشف العمليه والله لايوريكم لغيت أموت واعطوني مرهم وغلطهم ماعطوني من الاول بس الحمدلله كانت سهله وكنت امشي ولا كأني والد ماشاءالله تبارك الله بس جاااااااني اكتئاب بالنفاس