أنا سويت ثلاث قيصريات و الرابع ما أدري وش مصيره :(
العملية في مكان واحد نوع العملية الأولى كبس و الثانيه و الثالثه دبابيس
الفرق بين الثانية و الثالثه أن الثانيه اللي مسوي العملية رجل و كانت ملصقه بشاش طبي لمدة أسبوع كامل ونبهني الدكتور ما يجي المويه أبد عليها و أجي كل يومين ينظفون الجرح مع العلم الدبابيس ما يشيلها إلا الدكتور و شالها على دفعتين بس الله يذكره بالخير يده خفيفه و لا ألم ولا شي كان في خاص..

الثالثه للأسف في حكومي و اللي سوت العمليه امرأه و برضو دبابيس و أنا أخترتها قلت مريحه بناءً على تجربتي الثانيه لكن للأسف تعذبت أشد العذاب تخيلوا اللي شال الدبابيس ممرضات !!
وأزيدكم من الشعر بيت ثاني يوم من العملية شالوا اللصق الطبي مني و خلوني كذا مكشوفه حسبي الله عليهم و العملية دبابيس يا عالم فرق عن الكبس ..
المهم بعد عمليتي بخمس أيام الممرضات يبون يشيلون الدبابيس و أنا أصيح من غير تخدير زي الأوادم و هجيت من عندهم ما خليتهم يلعبون في و رحت للخاص اللي سويت عمليتي الثانيه نظفوا الجرح و ريحوني أسبوع زياه بعدين شالوا الدبابيس بهدوء و الطامه بقى دبوس واحد أشوفه في نهاية البطن :(
طرف راسه طالع و أنا خايفه مره :(

فبجول الله راح أرجع للكبس بلا دبابيس بلا هم و تجميل :(
كان التخدير كامل و بطلبي و مرتاحه عليه و الحمدلله صحيح فيه كحه بس شوي شوي أكح
ألبس شرابات تدفي رجولي و معي شحطاتي القطنيه و طرحه ثقيله و مره أكون منقعتها بقارورتين و كاتبه عليها قارورة شرب و قارورة غسول ..
بنطلون لو نص الفخذ قطني حلو يدفي و يلم البطن شوي

الله يسهل عليكن بنات

المشد تلقينه اذا فالرياض في شارع الضباب فيه محلات لوازم طبيه

خذي نوع ممتاز يجي غالي فوق ال 500 اتوقع بس ماعليه حسوفه اهم شي صحتك وجسمك

بالنسبه لي بلبسه مباشره بعد العمليه وقبل كذا بسأل الطبيبه عشان اكون مرتاحه

اما نظام النفاس نهاااائيا ما استخدمه كل الليً اكله اكل صحي ومشروبات ساااخنه فقط

مع المضاد والمسكنات ولااازم رجولك ع طول دااافيه

الطهر يعتمد ع شطارة الطبيبه بانها تنظفك مضبووط من جوا

عشان كذا ما اتأخر ابدا فالنفاس ماشا الله اسبوعين والا بالكثير مرررره عشرين يوم الا وانا طاااهره تمام اصلي وكل شي طبيعي

امين ع دعواتك الجميله ولك بمثلها حبيبتي

وشي مهم جدا يابنات

العطر لاااازم تتعطرين وتعطرين ملابسك اللي بتلبسينها بعد العمليه مباشره عشان ما تتعبين من عطور الزوار

وكل ما مشيتي تأكدي انك بتكونين بخير صح الم يموووت بس فالنهايه لمصلحتك

والحليب انتبهوا منه لان خلقه القيصريه تسبب غازات وانتفاخ فالبطن عشان كذا ممكن تشربون كمون ويانسون تريح المعده وتطلع الغازات

اي بنات تذكرك شي

اذا جيتي تمشي طبيعي تمشي ويكون ظهرك منحني

امشي امشي اليييييين تحسي الالم اختفى نهائيا كذا تكوني مشيتي المشي المزبووط


وبالنسبه اذا تروشتي عادي تروشي والعمليه تمر عليها المويه بس هاااه لايقربها الصابون وكيف تنشفينه

تجيبي شاااش وتخلي احد يكويه لك وتروحي تنشفي العمليه بالطبطبه مو تمسيح

وبس


والله يكون بالعون

سلام عليكم انا سويت ثلاث عمليات كلها بنج كامل امممممممممم مافيه اخطاء محدده لاني كنت حريصه اسال الدكتوره عن كل شي وذحين محتاره اسوي بنج كامل او نصفي الله يكتب الي فيه الخير